HEBRENA 11:27 - Boy Lonana

²⁷ U vira Moiz hin ndaŋga Egipte li ndaa ka ko yara vi mulnaraɗi, nam kak u ɗigilla na en, ko nam wi Lona u irim na.

HEBRENA 11:27 ပူးပေါင်းရင်းမြစ်များ

SOOLLA 16:8

Yawe ka fokon tew tew, hu li ma nam ka coli kay bikin ma njufna, an ka li ndaaɗi, kay va ma ŋgenen kaɗi.

KALKIRA 11:8

Moiz di olo ana, «Hu buu namma suu sun maŋsina hin mba egenu goɓ kaŋga fokonu, dan ana, agi u suu maŋsina halaŋ tuɗugiya, hu li namma ni an hin tuɗa.» Moiz hurum ɓeŋ cocoo, kal ay ki vi Farawni u yara.

KALKIRA 12:11

Agi komommi tagi miniya, u furugi njuniya, tuɓuruna cuki segiya, tokolo magira kogiya, agi komommi na zak zak. Ni Pakka vi Yawera.

KALKIRA 12:50

Suu Israelna halaŋ li ni na. Asi li ni ko dlara Yawe daɗ maŋ gi Moiz u Aaronda na may.

KALKIRA 4:19

Jetro di Moiz ana, «Tuɗ u heɓpa.» Yawe di Moiz ay hu Madiyan ana, «Tuɗa hoŋ hu Egipte kay suu hal a caŋ kina halaŋ miɗ ki wa.»

MATIYE 10:22

Suuna halaŋ hin tinigi ira ki kanu. Sa ma tin hurum kanna din din na, faɗ ha ki na faɗ na, nam hin suɗ kiyo.

MATIYE 24:13

Sa ma tin hurum kanna din din na, hin suɗ kiyo.

MARK 13:13

Suuna halaŋ hin tinigi ira ki kanu. Sa ma tin hurum kan na din din, faɗ ha ki na faɗ na, nam hin suɗ kiyo.»

MARK 4:17

Asi hinim ka a kal sariyam hurusiɗi. Nam kak hurusi ew ɗaŋ. Dlara loɓma mba kasi wa ni, suuna li lasasi kay Boy ma vi Lonna ni, asi hinim voɗom gaw.

SUNDA 2:25

Kay David di kam anaba, An wi Bu Suuna fokon tew tew, nam ka kay bikin ma njufna kay an mba geŋeɗɗi.

1 KORINTNA 13:7

Minda ka takaŋ ana aŋ siɓ dlara halaŋ, ndaɗ min ana ay tew tew ni hu vira, juɓ u ɗigilla.

2 KORINTNA 4:18

Ami tin hurumi ni ka kay va sa wam u irimbi, ni kay va ma sa ka wam u irimbina. Va ma sana wam u irimma ka kak ŋgolɗi, va sa ka wam u irimbina kak din din ni namu.

KOLOSNA 1:15

Kristu, ma suuna wam u irisina, tli tam u Lona ma bay sa wam u irimma, nammi gorom ma jewna, ŋgol su tlesuu nam lasina halaŋ.

1 TIMOTE 1:17

Mul ŋgol ma didinna ma miɗɗina, ma sa ka wam u irimbina ni Lona dew, geleɗta u ŋgolla ni mamba a fafatɗa Amin.

1 TIMOTE 6:16

Nam dew ni ma ka miɗɗina, nam kaki hu kiɗik mayra sa ka tuɗ ha huɗira, sa waɗ kaɗi lay, sa ndak a waɗɗi lay, geleɗta u saɓak ma ka daɓ kiɗina ni mam a fafatɗa. Amin.

HEBRENA 10:32

Humugi gagi kay va ma agi wam ay jewna. Hu buu namma agi fagi kiɗikka vi Lonara fi ni, agi fagi wihawra ŋgolo, na lay ni agi lagi saɓak hu duu namma.

HEBRENA 11:1

Vira ni tin huruŋ gasi kay va ma aŋ ka saa kamma, aŋ wi va namma ka u iriŋgi may aŋ vi kaŋ gasi ana va namma ni na daŋ may.

HEBRENA 11:13

Suu asina miɗ halaŋ hu vira, bay fi tlesuu Lona vi vunum kasina tuwa. Asi wasi ha ki egesi na day, gasi deɓpa, asi di ana asi kay ndaŋgara ni ŋgaygina, ko suu suuna tinisi yasi ha kay ndaŋgara daŋga na.

HEBRENA 6:15

Abraham juɓ u ɗigilla ni nam hin fi va ma Lona vi vunum kamma may.

Magaara JAK Ɓiiriɗta 5:11

Ami di kasi ana furira ka kasi ŋgolo kay asi col ay saɓaki. Agi humugi kay lalamba vi Job ana mege, agi wi dlara Bu Suuna hin ɦamba ŋgoo daganda ni nanage? Bu Suuna ni sa ma hurum jivina wi hahaw suu mamsina lay.

1 PIYER 1:8

Agi wam ka u irigi tuɗi lay ni agi minimu, agi bay wam u irigi tu lay ni agi tin hurugi kamu. Kay ndaɗta agi lagi furira ŋgolla, ta sa ndak ka a di boy namma u vunumbira.