HEBRENA 11:16 - Boy Lonana

¹⁶ A gasira ni asi hal ni mbassa jivi sura, ni di ana ta kolo huulonara. Ni kay ndaɗta Lona ka li zolo kay a di ana nammi Loosinaɗi, nam minisi zina haa.

HEBRENA 11:16 ပူးပေါင်းရင်းမြစ်များ

HEBRENA 13:14

Kay ziiygi ma kaŋga tani wanna ka eŋ cocoɗi, ay halaygi ni zi ma fokŋa.

HEBRENA 11:10

Kay ndaɗta Abraham juɓmi zi ma um tini eŋ coco, jivi cocona. Lona ni sa ma ŋga u zira miniɗ ni nam lay.

FILIPINA 3:20

Kami ami ni liimina ha koloo, ha hu ni ami juɓmi Sa Suɗta Bu Suuna Yesu Kristu dew.

Boy Ma Ayra Ma JAŊ Ɓiirimma 14:2

Hu ziŋ bunna lii kakka ka hu ŋgolo. An nda minigi lina ha ki foko. Boy namma li ni gasagiɗi ni an hin ka daginaɗi.

HEBRENA 2:11

Yesu ma mbus cora vi suuna ki pasiyakŋa, asi suu coosira ki mbuɗina nam mbuɗ ni busi dew. Ni kay ndaɗta Yesu ka li zolona kay a yasi ana gorsemmaɗi.

MATIYE 25:34

Hu li namma mulna mba di suu kay bikim ma njufna ana, Mbaagi ay tani, agi suu Bun minigina, paɗ vunum ay ki kagina. Kalagi hu Mulla Bun minigira ay fok jew duliyara bay tin tuwa.

HEBRENA 12:22

Agi mba kini eg ɦinira Siyonda, zi ma vi Lona ma iirina, hu Yerusalem ma kolona u suu mam suu sunda huulona bup bup.

HEBRENA 11:14

Suu di ki nana ni tak ana asi hal mbas masira kay tasira.

2 TIMOTE 4:18

Bu Suuna suɗun ki ko cora halaŋ an kal hu mul mamba kolora u tanda jivira. Ŋgolla ni mamba a fafatɗa, Amin.

KALKIRA 3:6

Nam di ana, «Anni Lo ma vi somoyoŋŋa, Lona vi Abraham, Lona vi Isaak, Lona vi Yakob.» Moiz baa irim kiyo kay nam mbuɗ ki ndaana ka gol Lonaɗi.

MARK 8:38

Lini sana li zolona kanu, kay boy manna lay, fok suu cukunina ni, suu li zoŋgana lay, li cora lay, Goŋ Sanna hin li zolona kam may, falira nam mbay u saɓakŋa vi Bumma u suu mam suu sunda huulona may.»

KALKIRA 3:15

Lona hin di Moiz olo ana, «Aŋ hin ɓak suu Israelna ana, Yawe Lo ma vi somoyogina, Lona vi Abraham, Lona vi Isaak, Lona vi Yakob sunun ay egegi ni namu. Ni sen ma fafaɗna, ni asi hin cenen hu basara basara ni u sen namma.

SUNDA 7:32

Anni Lona vi somoyoŋu, Lona vi Abraham, Lona vi Isaak, Lona vi Yakob. Moiz mbuɗ dlak ko ndaana, ka a gol irim ki oloɗi.

Boy Ma Ayra Ma LUK Ɓiirimma 12:32

«Lagi ndaaɗi, yoori suu ewna. Bugi hurum min a ɦagi mulla ni nam daŋ may.

URA TIN AYRA 28:13

Yawe coli kolo kay jaŋalana di ana, «Anni Yawe, Lona vi buŋ ŋgolo, Abraham, Lona vi buŋ Isaak, ndaŋgara aŋ buuri kaɗ wanda an hin ɦaŋga ni maŋ u njafaŋu.

MARK 12:26

Agi gol ka hu magaara vi Moiz kay paɗta kolora vi suu miɗina u boy ma Lona dam maŋ Moiz duk gu ma siinaɗi su? Lona di ana, Anni Loŋ Abrahamma, Loŋ Isaakŋa, Loŋ Yakobma.

JEREMI 31:1

Hu coki ndaɗta Yawe di ana, an hin li ni a Lona vi suu Israelna halaŋ, asi may ni hin mbuɗ ki ni suu mansina.

KALKIRA 4:5

«Na ɗaŋŋi asi hin vi ana Yawe tak tam ay iriŋu, ni Lo ma vi somoyosina, Lona vi Abraham, vi Isaak, vi Yakob.»

URA TIN AYRA 26:24

Njeŋge ndaɗta Yawe tak tam irim dam ana, «Anni Lona vi buŋ, Abraham, li ndaaɗi kay an ka u aŋu. An hin paɗ vunun ki kaŋu zuluŋ njafaŋu cocoo, ni kay saan ma sunda, Abraham.»

Boy Ma Ayra Ma LUK Ɓiirimma 20:37

Moiz di ki jivi lay ana, Suu miɗina paɗ ki kolo iiriya, agi hum boy ma vi Moiz ɓak kay gu ma siina kaɗi su? Nam di ana, Bu Suuna ni Loŋ Abrahamma, Loŋ Isaakŋa, Loŋ Yakobma.

HEBRENA 10:34

Agi fagi wihawra hu daŋgayna u yowra asi yowogi tlegeyegira, li ni tlena baay lay, agi vi kagi u furira, kay ki wi kagi ana bege ma gasina ma kak didinna ha foko.

HEBRENA 11:40

Kay ndaɗta Lona takaygi fok jivi su olo, nam min ka ana asi mbuɗ ki pasiyak fokoygi jewɗi.

WIRA ŊGAYRA 21:2

An wi ɦoŋzi ma teteɗna ni Yerusalem ma wilina, nam sii ay kaŋga huulona, nam ay ni eg Lona ki mini ko goo wayra min taɗ a tuɗ njufnara na.