HEBRENA 11:13 - Boy Lonana

¹³ Suu asina miɗ halaŋ hu vira, bay fi tlesuu Lona vi vunum kasina tuwa. Asi wasi ha ki egesi na day, gasi deɓpa, asi di ana asi kay ndaŋgara ni ŋgaygina, ko suu suuna tinisi yasi ha kay ndaŋgara daŋga na.

HEBRENA 11:13 ပူးပေါင်းရင်းမြစ်များ

HEBRENA 11:27

U vira Moiz hin ndaŋga Egipte li ndaa ka ko yara vi mulnaraɗi, nam kak u ɗigilla na en, ko nam wi Lona u irim na.

SOOLLA 39:12

Hu li ma aŋ kaɓakŋa kay cora ni aŋ gaɗ ni sana, aŋ ɓeŋem dlara nam miniɗta ki, ko njuful ma ti vuɗ tlena na. Na daŋ may sa warna ni ko semeɗna na.

URA TIN AYRA 23:4

«Anni ŋgayna cuki ni dukugiya, ɦangi li maa nde, an a pi maɗ manna huwa.»

Boy Ma Ayra Ma JAŊ Ɓiirimma 8:56

Bugi Abraham furi hu saa mamba a wi buu ma an mba huna. Nam wanu, furi cocoo lay.»

HEBRENA 11:39

Suu asina halaŋ fi dira jivira kasi fok Lona kay viisira, na lay ni fi va ma Lona vi vunum kamma kaɗi.

EFESNA 2:19

Ni kay ndaɗta agi suu ka njaf suu Juifnaɗina mbuɗ cecemi ka njaf suu daŋŋa oloɗi. Ka suu mbay hu li daŋŋaɗi lay, agi mbuɗ ni suu hu ndaŋgara dewra vi Lona, hu njafna vi Lona lay.

ROMMA 8:24

Aygi ki suɗiya ni aygi ka juɓ tuwa. Lini sana wi va ma nam juɓumma ni ka juɓpa oloɗi. Sa ma juɓ va ma nam wam kina ni gege?

1 PIYER 2:11

An ka joɓogiya banayan suu an minigina, agi ni ko koyogina u ŋgayagina na kay ndaŋgara tani, gologi tagi jivi ko saara vi mbalatara duu taɗ u iirira.

1 PIYER 1:17

Hu cen magira agi yi Lona ana Bugiya ma kaɓakŋa kay suuna halaŋ fun tasi dewna, u va ma sana lamma, hu li ma agi ka hu ndaŋgara tuna ni agi lagi ndaana u Lona hu poy magira.

ROMMA 4:21

Nam vi ki gasi ana lini nanagelay Lona ndak li u va ma nam damma.

JOB 19:25

An u tanda wi ki ana sa ma buɗun kina ka iiriya. Buu maa daɓ daganna nam hin colon ki kolo duk buɗna.

URA TIN AYRA 49:18

An ka juɓuŋŋi suɗ maŋga, Yawe.

URA TIN AYRA 47:9

Yakob hoŋom dira ana, «Basaɗanda ka poy kay ndaŋgara ki cani kis duk dok-hindi. Basa manda hu ndaŋgara ka ŋgolɗi lay, ka kan jiviɗi lay, basaɗan tew ka ko mayra vi somoyonda naɗi.»

URA TIN AYRA 25:8

Nam mbuɗ ki maa cocoo miɗni u furira, nam tuɗ taɓ u somoyom suu zulina.

1 JAŊ 3:19

Gola ni dlara ay wi taygi ana aygi ni goryoŋ gasirana, gola ni dlara aygi wi ana huruygi tini fok Lona kaɗta.

MATIYE 13:17

Gasagi an dagi ni u voɗoɗu. Suu jok vun Lona u suu ɗegeena ŋgolo, min a wi tlesuu agi wasina, hin wasi kaɗi, hal a hum tle asina lay, asi humusi kaɗi.»

URA TIN AYRA 49:33

Hu li ma Yakob vunum daɓ gaɗta may ni, miɗ gaw. Nam tuɗ eg somoyom suu zulina.

SOOLLA 119:19

Kay ndaŋgara anni koyna, ŋgayan gaɗ maŋga ki kanɗi.

NDUMBA 24:17

An wiya, na may ni ka kay cecemira tuɗi. An saarasiya na may asi ka egen tokgi. Ay vi Yakob ciw velna day ki kolo wa. Vi Israel tokolora mulla tli ki kolo wa. Ndaɗ bulum lina vi Moab kiyo, hin ci goryoŋ Setna kiyo.

URA TIN AYRA 49:10

Tokolora mulla hin li ni ko Yuda, ndaɗ hin li coli ni fokom gak gak malaɗna hin mba faɗu. Nammi sa ma suuna hin hum umma.

Boy Ma Ayra Ma JAŊ Ɓiirimma 12:41

Ezayi di na ni kayra nam wi ŋgolla vi Yesura, nam ɓakŋi kamu.

URA TIN AYRA 50:24

Yosef di gorsemma ana, «An miɗni miɗiya. Lona hin gologi kaa, nam hin hoŋogi ha ki hu mbassa nam suu tam kaɗ ana nam hin ɦaɗ maŋ Abraham, maŋ Isaak, maŋ Yakobpa.»

URA TIN AYRA 49:28

Ni njaf suu Israel suu doogo yam mbana. Ni boy ma busi dasina hu li ma nam paɗ vunum ki kasina. Nam paɗ vunum ki kasi u dlaasira zeɗ zeɗ halaŋ.

URA TIN AYRA 48:21

Israel di Yosef ana, «Cemi an miɗ ni miɗiya, Lona hin li ka u agi a hoŋogi hu mbassa vi somoyogira.

KALKIRA 2:22

Ndaɗ vuɗum goona nam tinim sem ana, Gersom, ni ana, an mbuɗ ki ni koyna, kay Moiz di ana, «An mbuɗ ki ni koyna hu mbassa daŋga.»

DLAŊ LEVIRA 25:23

«Ndaŋgara hu mbas magira ni agi ka gusuɗ ha ki a fafaɗta gawɗi, kay ndaŋgara ni varanu, agi lay ni varanu, u suu dukugi na lay ni varan bel bel.

2 KORINTNA 4:18

Ami tin hurumi ni ka kay va sa wam u irimbi, ni kay va ma sa ka wam u irimbina. Va ma sana wam u irimma ka kak ŋgolɗi, va sa ka wam u irimbina kak din din ni namu.

2 KORINTNA 5:6

Ami tew tew ka u ɦiŋga hurumiya. Ami wi ana hu li ma ami kaki hu mbalatami ndaɗta tuna, ni ami ki day eg li kakka vi Bu Suuna tuwa.

HEBRENA 11:14

Suu di ki nana ni tak ana asi hal mbas masira kay tasira.

HEBRENA 11:17

U vira Abraham li ɓivunna u Isaak hu li ma Lona min tukumma. Lona vi vunumi u nam Abraham, ni nam hin dam ana nam li ɓivunna u gorom ma dewna olo.

1 PIYER 1:1

Ni an Piyer sa vovoɗta vi Yesu Kristu, ɓii maŋ suu ha ki njay ŋgayra hu mbassa daŋga, hu Pont, hu Galati, hu Kappados, hu Azi hu Bitini.

URA TIN AYRA 21:34

Abraham li basara ŋgol hu mbassa Filistinda.

NDUMBA 10:30

Hobab hoŋom dira ana, «An ka tuɗɗi, an hoŋŋi hu mbas manda duk somoyon na ɗow.»