HEBRENA 10:5 - Boy Lonana

⁵ Hu li ma Kristu a mba hu duliyara wanni, nam di Lona anaba, «Aŋ ka min ni va ma ɓivun u va ma ɦalɗi, aŋ minin mbalatanu.

HEBRENA 10:5 ပူးပေါင်းရင်းမြစ်များ

URA TIN AYRA 3:15

An hin tin gonokka dukugi u cara, duk ɦoŋ suu hu njaf carana u maŋsina may. Njaf cara hin tooŋ yaŋ kiyo, aŋ hin eɗem diŋ diŋilim may.»

EZAYI 1:11

Yawe di ana, An a li me u ɓivun magi ma agi lam coco wanna ni ge? Ɓivun ma agi ŋgal gamlagina, ŋgal mbul gor mbutlina na ndakan wa. Busu mbutlina, timigiina u ŋgegina, an ka minisi oloɗi.

EZAYI 40:16

Givin ma togolla hu Libanna halaŋ ka ndak a lam ɓivunnaɗi, ŋgusugi suu huna ka ndak a ŋgalam kuumbaɗi lay.

EZAYI 7:14

Gola Bu Suuna u tamba hin takagi dlara dew, go tamara bay buu u sa njuf tura hin vi wiina, hin vuɗ goona. Ndaɗ hin tinim sem ana, Emmanuel, Lona ka u aya.

JEREMI 31:22

Ni saba na ga ndak hin li ha ki colira keŋ tu na wan ge, go tamara li dla cora. Yawe li dlara wilira kay ndaŋgara. Cara min hu zina ki maŋ sa njufna.

JEREMI 6:20

Va an a lam u mbul ma his jivi ma yowom ay Sabana ni mege, u cerew ma gol jivi ma yowom ay hu mbassa dayrana ge? An ka minigi ɓivun magi ma agi ŋgalangina kinaɗi, ɓivun ma agi langinana ka irin jiviɗi.

MATIYE 11:3

joɓom ana, «Aŋŋi sa ami juɓ ana nam hin mbana ɗowba ami juɓ mi sa daŋ su?»

Boy Ma Ayra Ma LUK Ɓiirimma 1:35

Sa sunda huulona daɗ ana, «Musuk Lonara hin mbay kaku, saɓak ma vi Lo ma kolona hin kuluɓ ki kak ko ŋgussa na. Goo ma ndak hin vuɗumma suuna hin yam ana Goŋ Lo ma gasina.

Boy Ma Ayra Ma LUK Ɓiirimma 7:19

cukusi eg Yesu ana asi joɓom ana, «Aŋŋi sa ami juɓ ana nam hin mbana ɗowba ami juɓ mi sa daŋ su?»

Boy Ma Ayra Ma JAŊ Ɓiirimma 1:14

Boyna mbuɗ ki sana, kak dukuygiya, nam ka u oora u gasira coco may. Nammi goo ma dew ma ami wam bibiŋil mamba col ay vi Bumba.

GALATENA 4:4

Hu li ma lina ndakŋa Lona sun goromma aya nam vuɗ ay hu cara hum u gaɗta vi suu Juifna.

1 TIMOTE 3:16

Sa ndak ka a di va ma daŋgi, ŋgayra vi ɗegee ndaɗta wanni ŋgol ɦay. Nam mba tak tam ki ko sa warna na, Musukka takam tam ki ana nammi sa ma ɗegeena. Suu sunda huulona wamu, suuna halaŋ dlaamba di ay ki dukusiya, suuna vi um coco lay. Nam kal ki kolo huulona.

HEBRENA 1:6

Hu li ma Lona a sun Gorom ma dewna ay kaŋgara wanni nam di ana, «Suu sunda huulona halaŋŋi hin goɓ kaŋga fokomu.»

HEBRENA 10:10

Kay mege, Yesu Kristu li tlesuu Lona minisina ki halaŋ, aygi cooygira mbus ki halaŋ u ɦala nam ɦal mbalatam kira, li sem dew ni ki daɓi halaŋ.

HEBRENA 10:7

An di ana, An wanni Lona, an mba ni kay a li va ma u min maŋgana kay a li va ma ay ɓiiri hu boy ma Ɓiirina kanna.»

HEBRENA 10:8

Nam gijaŋ dira ɗaŋi anaba, «Aŋ ka min ɓivunnaɗi, u tlesuu ɦalaɗi, u yoori suu ŋgal hu li ma ɓivunnaɗi. Aŋ ka min ɓivun kay yow cora kinaɗi lay, aŋ ka li furira kasiɗi.» Na may tlesuu asina ni li u magaara gaɗta.

HEBRENA 2:14

Gorkemba ko nam yasira na ni tliwna u busuna, Yesu kay tamba mbuɗ ni ko asi na kay nam tli ni tasi mayra ko sa warnana. Nam li na ni kay bulum Satanna ki u miɗ mamma, nam fi saɓakŋa vi miɗna ki komu.

HEBRENA 5:7

Yesu hu iiri mamba wanni nam cen Lona mbuɗ tam ki hahawara na ɗow, sawalla kolo u simina irim kay nam ndak suɗum ki hu miɗna. Lona humum cen mamba ni kay hoŋga nam hoŋ yam kaŋga umba.

HEBRENA 8:3

Mul ŋgol ma li ɓivunna ni kay a mbaa ɦala u tlesuu li ɓivunna maŋ Lona. Mul ŋgol maygi ma li ɓivunna lini nanagelay ni va ma nam a mbaaram fok Lona ka may.

1 PIYER 2:24

Kristu u tamba yow cooygira ki kam kolo hu gu ma garakŋa, kay ana ay miɗiygi ki hu cora, lak iiri ɗegee may. Mbil mamma nam famma agi suɗ kini umu.

2 JAŊ 1:7

Suu kaboyna zul ki hu duliyara cocoo asi ka vi ana Yesu Kristu mbuɗ ki gasi sana naɗi, sa di nana ni sa kaboyna, ni Babali ma vi Kristuna.