HEBRENA 10:29 - Boy Lonana

²⁹ Ni sa ma pan Goŋ Lonna hin lini nana ɗaŋge, nam hin busuna vi Goŋ Lonna ma mbus cora kina ko va ma ɦawana na, ŋgul Musukka oora. Agi ndak saa kagi ana ɓakŋa vi sa namma hin lini coo naɗi su?

HEBRENA 10:29 ပူးပေါင်းရင်းမြစ်များ

HEBRENA 6:6

Ni asi hoŋ ndi kaŋga hu iirira cora olo. Kay a hoŋosi ay wili a asi mba jok iiri masira ki zeɗ ni loɓo, asi hoŋ ɓal Goŋ Lonna hu gu garakŋa gadla mbaaram ki fok suuna kiɗik a ŋgulumba.

EFESNA 4:30

Lagi dlara Musuk Lonara teteɗta yoo uɗɗi, Musukka ni va ma Lona tinigina kagina, ndaɗ ni va ma Lona tinim a ŋga buu ma nam hin a mbuɗ suu mamsina ki pasiyakŋa.

EZAYI 63:10

Asi ay may ni ka hum u dlara nam daɗtaɗi, asi mbuɗum Musuk mamba teteɗta yoora. Kay ndaɗta nam mbuɗ hurumu, mbuɗ ay a sa ma duurusina nam duu ay u asi ni namu.

1 KORINTNA 11:27

Kay ndaɗta lini sana ti funa u ci hu va cira vi Bu Suuna ma gol tam ka ndaki kambina nam mbaa ɓakŋa kamu, kay nam li cora eg mbalata Bu Suuna u busuumu.

Boy Ma Ayra Ma LUK Ɓiirimma 12:10

«Sa ɓak co kay Goŋ Sanna coomba hin daɓ kiyo. Sa ɓak co kay Musuk Lonara, coomba ka daɓ kiɗi a fafatɗa.

HEBRENA 2:3

Lini aygi noyogi suɗta ŋgolla wanda kiwa ni, aygi hin ndak a pii ki ko ɓakŋa ni nanage? Bu Suuna u tamba di kay suɗ ndaɗta ni jewe, ŋgoo dagan suu hum boy nammana takaygi kini gasi mamba.

SUNDA 7:51

«Agi suu yagi kaɗina, njun hurugiya, ŋgel humugi ki kay yira vi Lona. Tew tew ni agi ka hum vun Musuk Lonaraɗi, ko somoyogi na may.

HEBRENA 12:25

Gologi tagi jivi ɗaŋ humugi vun sa ma ɓakagina. Suu hum vun sa ma gaɗasi kaŋga kay ndaŋgara tani kay tlesuu kolo huulona kaɗina, suɗ kaki ko daŋgaynaɗi. Lini aygi hoŋoygi ki dagani ka hum vun sa ma ka ɓakaygi ay kolo daynaɗi, ni aygi ka suɗ kiɗi.

HEBRENA 9:13

Busuna vi ɦugunina u mbutlugina u busu mbutl ma ŋgaɗam kina, asi yamammi kay suu ki mbuɗi njenjena a mbususi ki jivi teteɗ kay njenje masira kiɗikka.

1 KORINTNA 11:29

Lini sana ti funa ci va cira bay wi taɓ mamba duk tam u mbalata Bu Suunara ni, nam mbaa ɓakŋa kay tamba kay tina u cira.

HEBRENA 6:4

Suu may suu hoŋ ndi kaŋga hu iiri mayra corana hin lini ana mege? Asi fi kiɗikka vi Lona ki lay asi juk ɦala kolora ki lay, ura vi Musuk Lonara ki lay.

HEBRENA 2:11

Yesu ma mbus cora vi suuna ki pasiyakŋa, asi suu coosira ki mbuɗina nam mbuɗ ni busi dew. Ni kay ndaɗta Yesu ka li zolona kay a yasi ana gorsemmaɗi.

Boy Ma Ayra Ma JAŊ Ɓiirimma 17:19

Anu, an mbuɗ tan ki teteɗ ni kasiya, kay asi lay mbuɗ ki teteɗ hu gasira.

MATIYE 7:6

«Ҥagi tlesuu teteɗ suu vi Lonna maŋ digininaɗi, kayme asi mbuɗ usi kagi, eɗegiya. Cuk herew magina fok kosoŋŋa a nam tayam ki kaŋga u sesiɗi.»

ZAKARI 12:10

An hin njay ŋgus mayra saara jivira u giyamba kaŋgara kay ziŋ Davidna u suu Yerusalemma. Na ɗaŋŋi asi hin golonu sa asi cokomma. Asi hin tiirim matam ko ndal goo ma dewna na. Asi hin tii kam ko suuna tii kay goo ma vuɗ jewna na.

HEBRENA 13:20

Lona col Bu Suuna Yesu iiri ki duk suu miɗina, nammi sa ŋgol ma taa yoona, bana mayra didinda faɗ ki ni u miɗ mamma. U saɓakŋa vi busuna vi ɓivun mamma nam mi galamba ka daɓ kiɗira.

Boy Ma Ayra Ma JAŊ Ɓiirimma 10:36

Anu, Lona mananu, sunun ay hu duliyara. Agi hin di ana an ŋgul Lona ni nanage? Kay an di ana an ni Goŋ Lonna su?

MISE 7:10

Ndaɗ hin wi ki jiviya, babali manda, ndaɗ hin mbuɗ ki zolona, ndaɗ mayra li dan ana, «Yawe, Looŋŋa, ni aragera?» Irin ka tini kaɗ ta, an hin tayaɗ ki kaŋga u sen ko ndal luɓuna hu voɗtara na.

EZAYI 14:19

Aŋ may ni asi gikiŋ ha ki na day, zul ka kaŋgi lay, ni ko ndal huu ma ndi ki ndiina ɦawa na. Ha ki duk suu casi kina, suu cokosi u saɓpa, casi u ŋgewina lay, cuk ay ki kay yam ɦini zulla, ɦarasi tay ki sem suuna.

2 MULINA 9:33

Nam dasi ana, «Zuɗugira ay ki kaŋgaa.» Asi zuɗuɗ ay kaŋgaa. Ndaɗ ndi ay kaŋga busuɗuɗ ha ki pay gulumunna na dolɗoŋ. Jehu jak ha kolo kay maɗaɗ u kulumina u pus pusna halaŋ.

HEBRENA 9:20

Moiz ana ni busu ma vi galamba u Lona nam ɦagina kay agi mba lak ɗegee.

1 KORINTNA 15:25

Kristu hin kak mulla ni gak gak hu li ma Lona su kay suu mam suu gonokka, cukumsina u sem kaŋgaa.

ROMMA 16:20

Lona malaŋ heɓpa hin tay Satanna ki kaŋga fokogiya. Ko oora vi Bu Suuna mayna Yesu kak u agiya.

MATIYE 26:28

Ni busuun ma Lona vi banara u agi u namma. Ni busu ma vo ki kay suuna halaŋ a bulumusi coosira ki na.

YOORA 1:15

Bu Suuna dik suu saɓak suu li ay varanna ki halaŋ. Nam ŋgaɓ buuna ki kay a can gorzoŋi mansina kiyo. Bu Suuna luɗ go tamara ki hu fuɗukŋa, Yuda ta jivi ɦayra.

EZAYI 28:3

Jum masira mulla tini kasira hin tay ki kaŋga sem suuna, ay mayra vi suu Efrayim suu gurɗi u summana hin daɓ kiyo.

SOOLLA 143:10

Haɗan a an li u min maŋga kay aŋŋi Loonna. Musuk maŋga ndaɗ jiviya, ndaɗ tinin irin hu voɗta jivira.

1 KORINTNA 15:27

Kay ndaɗta ko magaara di ana, «Lona cukum tlena halaŋ kaŋga u semu.» Ni hu li ma nam di ana cukum tlena kaŋga halaŋ u semu ni nam Lona ma cuk tlena kaŋga u sem Kristuna ka dukgi.

EZEKIYEL 16:6

An jak keŋek na tok wak gi ga bulum duk busuna. An di ana ndak kak iiriya u busu ma taɓaki takŋa lay ni an min ana ndak kak iiriya.

JEREMI 1:5

«Bay an laŋ ay hu suŋ tura ni an waŋu. Bay aŋ kal ay ki huruɗ tura ni an manaŋu. An mbuɗuŋ ki sa jok vun Lona maŋ suuna halaŋ.»

SOOLLA 91:13

Aŋ hin tuɗ kay gi dlona u magira, aŋ hin tay zindilna u dragoŋŋa ki gaa.

KALKIRA 24:8

Moiz tli busu ma vooy hu tassanana yamam ta suuna di ana, «Gola ni busu ma Galamba Yawe vaɗ u agira kay boy ma nam damma halaŋ.»

DANYEL 8:13

An hum del sa sunda ɓaka. Sa sunda di sa ma ɓakŋa ana, «Ni saɓa ga dlara vi ɓivun ma tew tewna u cora ɓeŋ tlena kira, zi ma ki ɓeŋina u suu sunda suu tayi kaŋga u semmana hin daɓ ki ni ge?»

MARK 7:2

Asi gol suu haɗi suu vi Yesu suu ɦiw ti funa kosi bay mbussa. Bay mbussa ko gaɗ masira na.

1 KORINTNA 6:11

Suu ɦiw ay dukugi ko ndaɗta na. Coosira mbus ki wa, agi hin tagi kini maŋ Lona, agi mbuɗ ki cecemi ɗegee fok Lona u sem Yesu Kristu, u Musuk Lonara.

EFESNA 5:26

Nam li na ni kay a mbuɗ suu vi Kristuna ki suu ndakina maŋ Lona, ni hu li ma nam ɦokosi ki u yona u boyna.

HEBRENA 4:14

Vaygi vira aygi di kaɗta huruygi eŋe. Aygi faygi mul ŋgol ma li ɓivunna ma mbay kolo eg Lona day ni Yesu, Goŋ Lonna.

HEBRENA 10:10

Kay mege, Yesu Kristu li tlesuu Lona minisina ki halaŋ, aygi cooygira mbus ki halaŋ u ɦala nam ɦal mbalatam kira, li sem dew ni ki daɓi halaŋ.

WIRA ŊGAYRA 1:5

U minda vi Yesu Kristu sa ma ɗegee ma di kina, goo ma vuɗ jewna, sa ma col ay ki kolo iiri hu miɗna jewna, mulna vi muli suu kay ndaŋgarana lay. Nam miniygiya, buɗuygi ay ki hu cora u miɗ mamma.