HEBRENA 10:23 - Boy Lonana

²³ Vaygi huruygi eŋ kay boy ma aygi ka damma. Aygi wi ki gasi ana Lona hin li u va ma nam vi vunum kamma.

HEBRENA 10:23 ပူးပေါင်းရင်းမြစ်များ

1 TESALONIKŊA 5:24

Nam ma yagi ay kina ni sa ma ɗegeena, nam hin lagi na may.

1 KORINTNA 1:9

Lona ka hin va ma nam damma ki ɦawaɗi, nam ma yagi a agi kak taɓi u goromma Yesu Kristu Bu Suuna mayna.

2 TESALONIKŊA 3:3

Na may Bu Suuna ɗegee, njun ugiya, ɦagi saɓakŋa, gologi ko Sa ma Cona.

HEBRENA 6:18

Sunda ka mba' ta sa ndak ka a mbuɗuɗɗira, ni hu ndaɗta ni Lona ka kaboyɗi. Aygi suu fi li ma ŋgayra hurumma, ni aygi faygi saɓakŋa ŋgolo a fi va ma aygi ka juɓumma u ɗigilla.

TITTA 1:2

kay asi mba lak juɓ u hurusi tini kay iirira ka daɓ kiɗira. Lona ma bay kaboyna, vi vunum ki fok jew kay iiri ndaɗta bay lina ndak tuwa.

HEBRENA 3:6

Kristu ay ɗegee kay nammi Goona tini a ŋgolla hu zira vi Lonara. Aygi ni ziimba, lini aygi vam dlaamba huruygiya ni tiniygi huruygi kay viiygi ndaɗta.

1 KORINTNA 10:13

Ndemba agi waɗ halaŋ wanda li ay ni eg suuna gasi, Lona ka hin va ma nam damma ki ɦawaɗi, nam ka hinigi ndemba mba su kay saɓakagiɗi, hu li ma ndemba mba kakina wanni nam hin ɦagi saɓakŋa agi mba su kaɗu. U dlara agi hin mba puruɗ tagi ki koɗta lay.

WIRA ŊGAYRA 3:11

An a hin mbay ni tok daŋ, va ma ka koŋŋa aŋ vam eŋe, kay sa ma daŋ mba yowoŋ warak maŋŋa kiɗi.

Magaara JAK Ɓiiriɗta 1:6

Nam joɓmi u hurum tini kayami ciway huɗi, kay sa ma ciwayra ni ko bil mbo lum ma ŋgolna kara na, ko semeɗna tlam kolo jokom um zeɗ zeɗta na.

HEBRENA 11:11

U vira Abraham mbuɗ sa ma ndaki a vuɗ goona, basaɗam jak ki ka gin a vuɗ oloɗi, Sara u taɗta lay ni ka ndak a vuɗ goo oloɗi lay. Nam tin hurum ana Lona hin li u va ma nam damma.

HEBRENA 4:14

Vaygi vira aygi di kaɗta huruygi eŋe. Aygi faygi mul ŋgol ma li ɓivunna ma mbay kolo eg Lona day ni Yesu, Goŋ Lonna.

HEBRENA 3:14

Aygi ni ndarayaŋ Kristuna, lini aygi goloygi viiygira ay jew dayra na gak gaki ni.

SOOLLA 26:1

Soolla vi David. Mbuɗun ɗegee Yawe, kay poy manda fokoŋ ɗegee, an tin saa manda ni kay Yawe, ka hoŋ daganɗi.

YOORA 3:23

Maɗii tew tew ni ndaɗ wiliya. Ɗegee maŋga ŋgol cocoo.

2 KORINTNA 9:13

Sun mayra agi laɗ ndaɗta tak ki kay tagira, suuna ŋgolo mba geleɗ Lona kay hum vun magina ma tak viigira u Boy ma Ayra vi Kristu, asi mba geleɗemu kay ɦiz magira agi ɓorow tlegeyegi ki u asira, u suu daŋŋa halaŋ lay.

HEBRENA 3:1

Kay ndaɗta agi gorsen suu vina suu Lona yagina, gologi Yesu, Lona sunum ay a mba li a mul ŋgol ma li ɓivunna kay vira ami ka ɓak kaɗta.