HEBRENA 10:22 - Boy Lonana

²² Ҥuɗuygi taygi ay eg Lona tok, u huu ma jivina, u huu ma tini gasina, u huu ma ki mbusi pasiyak ko saa mayra cora, mbalatay ki mbusi u yo ma ɗilina.

HEBRENA 10:22 ပူးပေါင်းရင်းမြစ်များ

1 MULINA 15:3

Nam li ni suluk ma bum lam ka ki fokom jewna na tew olo. Hurum ka toki ɗegee u Yawe, Loommaɗi. Ka ko ndal bum ŋgolo David lira naɗi lay.

1 DLAŊ MULINARA 12:33

Goryoŋ Isakarna suu wi yal ma ŋga ii lina, a wi dlara suu Israelna hin laɗtana ni kis kis mba'. Ni suu ŋgolona gorsesina halaŋ halaŋ humusi vunusiya.

1 DLAŊ MULINARA 28:9

«Aŋ taŋga, goronna, Salomon, wi Lo ma vi buŋŋa kiyo, lam sunda u huruŋ ma dewna u musukuŋ toki dew, kay ana Yawe wi huuna, wi saara huu sanara halaŋ lay. Lini aŋ halamu ni aŋ hin famu, lini aŋ noyom kiyo ni, nam hin noyoŋ ki a fafaɗta.

1 DLAŊ MULINARA 29:17

An wi ana aŋ, Loonna, wi huu suuna. Aŋ minni ɗegeera. An may ni u hurun ma ɗegeena an ɦaŋ tle asina halaŋ. Cecem wanda suu maŋsuu ka tanina an ka wasi asi ɦal tlena u furira u hurusi ma dewna.

SOOLLA 111:1

Halleluya. An geleɗ Yawe u hurun halaŋ, hu tokka vi suu ɗegeena, hu li ma tokka ŋgolla lay, an geleɗemu.

SOOLLA 119:10

U hurun halaŋ an ka halaŋu, hinin a an tuɗ ki day eg gaɗ maŋgaɗi.

SOOLLA 119:145

Yawe, an yi ni u hurun halaŋ, aŋ hoŋon dira aya, an lini u gaɗ maŋga.

SOOLLA 119:2

Furira kay suu hoŋ tasi ga u gaɗ mambana, asi ka halam u hurusi halaŋ.

SOOLLA 119:34

Mbuɗun a sa ma neeyna, an hin li u gaɗ maŋga. An hin vaɗ ni u hurun halaŋ.

SOOLLA 119:58

U hurun halaŋ an hal ni jivi maŋga, wan hahawan ay ni u jivi maŋga.

SOOLLA 119:69

Suu ŋga tasina mbuɗun ki nje nje u kaboy masina, an may ni min li u gaɗ maŋga u hurun halaŋ.

SOOLLA 119:7

An geleɗeŋ u huu ma ɗegeena, an haɗ dla mayra aŋ daɗta may.

SOOLLA 119:80

Ko an lini u gaɗ maŋga na ɗegee kay a dlara zolo li kanɗi.

SOOLLA 32:11

Furiyugi u Yawe, agi suu ɗegeena, furiyugi, sawalla koloo agi suu hurugi ɗegeena.

SOOLLA 51:10

Hinin an hum soolla furira u ayra, hin sokon ma aŋ kusum kina furiya.

SOOLLA 73:28

Jivi manda kay tanda ni ana kak na tok eg Lona. An ŋgay tanni eg Bu Suuna Yawe, an min njaɗaŋ dlaaŋga ki halaŋ.

SOOLLA 84:11

Buu ma lam hu ziiŋŋa dewna su buu ma lam ki kiɗik bupma, an ŋgaɓ a kakŋi fun zi ma vi Loonnana su mayra buu hu zi ma vi suu bay ɗegeena.

SOOLLA 9:1

Soolla vi sa ma fok suu gi soollana, soolla vi David, gaɗ hu «Miɗna vi goona.»

SOOLLA 94:15

Hu li ma kaɓakŋa gasira hin mba kiyo, suu hurusi ɗegeena hin tuɗ u gasira.

KALKIRA 29:4

Aŋ ɦuɗ Aaron u goryom ha fun mbutluɓma na tok, aŋ mbususi ki u mbona.

VUN ŊGOLNA 23:26

Goonna, ɦal huruŋ ki manu, ko dlara an laɗta mba li iriŋ jiviya.

EZAYI 29:13

Bu Suuna di ana, suu asina ɦuɗ tasi ay egenni u boy ma dira ɦawaa, asi ŋgaanni u vunusi ɦawaa. Na may hurusi kurufu ni ha ki day egenu, Ndaa ma asi lam konna ni u gaɗta vi suu warnara ɦawaa, ni dlara asi haɗaɗta ɦawaa.

EZAYI 52:15

Ko ndaɗta na njaf suu daŋŋa mbuɗ lagira na jim kay dlaamba. Mulina ka wi dlara asi daɗtaɗi lay. Kay dlara asi waɗta su ki kay dlara asi cuɗusira jewra. Asi gol dlara asi humuɗ ka jew ɗira.

JEREMI 24:7

An hin ɦasi yal ma hin takasi voɗta asi wanda. Gasi an ni Yawe, asi hin mbuɗ ki suu mansina, an hin li ni a Loosina, asi hin hoŋ ay egen u hurusi halaŋ.

JEREMI 3:10

Dla ndaɗta li na lay ni, wayaɗta, Yuda ta kaboyna, hoŋ ay egen ka u huruɗɗi. Hom maɗta ni kaboyna. Yawe di na.

JEREMI 30:21

Mul mamma hin li ni dukugiya. Sa hin tuɗ fokogina hin vuɗ ni varamu. An ɦam voɗta nam mbaya, nam ɦuɗ tam ay egenu. Sa hin ka min a ɦuɗ tam ay egenɗina ni gege? Di na ni Yawe.

EZEKIYEL 16:9

An mbusuk ki u yona. An mbusuk busu ma taɓaki egekŋa kiyo, lak mbul ma his jivina ki egek lay.

EZEKIYEL 36:25

An hin yorokogi yo ma teteɗna kagiya. Agi hin mbuɗ ki teteɗ. An hin mbusugi ki ko dlaagira njenjera halaŋ, ko ɓivun ma agi goɓ fulinana lay.

DLAŊ LEVIRA 14:7

Nam yam mbo namma eg sa ma tuguɗi busuna lamma sem kiɗisiya. Nam di ki kay sa namma ana nam mbuɗ ki ni teteɗ. Lay ma hin kom iirina nam hinim nam pii tin irim ŋgoro.

DLAŊ LEVIRA 16:4

Nam cuk kalsoŋga umu, cuk baraw ma teteɗna, ni njun gandina, njun gadamulla lay, tle asina halaŋ cilini u baraw dlemba. Halaŋ ca ni barawi suu teteɗna. Nam a cukusi tamba ni mbus tam ay ki halaŋ tu wa.

DLAŊ LEVIRA 8:6

Moiz tak Aaron u goryom ki fok suuna, ɦasi voɗta asi mbus tasi kiyo.

ZAKARI 13:1

Hu buu namma ni mbona hin ɓaɗ hu ziŋ Davidna, suu Yerusalemma a fi kumuna kay sulukŋa u dla cora.

NDUMBA 8:7

Gola aŋ a mbuɗusi ki teteɗta ni ko wanda na, yamasi yo ma ɓivun ma bulum cora kina kasiya. Asi wel tlimiɗta egesira ki halaŋ, mbus barawi masisina ki halaŋ halaŋ, asi li tasi ki teteɗ.

MATIYE 3:11

An mbusugi batemma duk yona a tak ana hurugi mbuɗ ki zeɗ. Sa ma mbay ŋgoron daganna, hin mbusugi batemma u Musuk Lonara, u kura may, kay dlam ŋgol suunu. An ndak ka a ziirim tuɓuru mammaɗi lay.

Boy Ma Ayra Ma LUK Ɓiirimma 1:1

Bananna Tewfil, suuna bolow ɓii tlesuu li ay jew dukuygina.

Boy Ma Ayra Ma JAŊ Ɓiirimma 3:5

Yesu dam ana, «An daŋŋi gasira, sana vuɗ ka u yonaɗi may ka u Musuk Lonaraɗi may ni, nam ndak kal hu Mul Lonaraɗi.

Boy Ma Ayra Ma JAŊ Ɓiirimma 8:9

Asi hum boy namma na ni, gijaŋ siira dew dew gaw. Suu gijaŋ siira jewna ni suu maana. Cara hin colira eg Yesu ni ndaɗ dew.

SUNDA 22:16

Cecemi aŋ juɓmi me ologe, col kolo mbus ki batemma, a cooŋga mbus ki u yira yam semba.»

SUNDA 8:21

Va ma ndoloŋ dukŋa ni mege? Boy maŋŋa ka huɗi, kay huruŋ ka tini ɗegee fok Lonaɗi.

1 KORINTNA 6:11

Suu ɦiw ay dukugi ko ndaɗta na. Coosira mbus ki wa, agi hin tagi kini maŋ Lona, agi mbuɗ ki cecemi ɗegee fok Lona u sem Yesu Kristu, u Musuk Lonara.

2 KORINTNA 7:1

Banayanna vi vun ma namma halaŋŋi maygi aygiya, laygi taygi ki teteɗ u tlesuu ɓeŋ ta sana u iiri mamba, sooygi taygi ki kay a kak teteɗ u ndaana vi Lona.

EFESNA 3:12

U taɓ maygira u namba, u viiygira hurumba ni aygi faygi buɗta kay a col fok Lona hu vira gasira.

EFESNA 5:26

Nam li na ni kay a mbuɗ suu vi Kristuna ki suu ndakina maŋ Lona, ni hu li ma nam ɦokosi ki u yona u boyna.

EFESNA 6:5

Agi mborɓiina humugi u maliyagina kaŋga kay ndaŋgara tani, lasi ndaarasiya u huu ma jivina, ni ko agi sunni Kristu na.

1 TIMOTE 4:2

Asi hin viɗ tasi ki u humba hum u suu hurusi mbambana u kaboyna, ni wiisira fokka ki miɗiya, ko sa ŋgalaɗ ki ko kawina gi ay ki tlawra kuŋgura na.

TITTA 3:5

nam suɗuygi ki ka ana aygi li sunda ɗegeera ka naɗi, ni kay nam waygi hahawaygiya. Nam suɗuygi ni u mbussa vi Musuk Lonara, ndaɗ ɦaygi vuɗta wilira u iirira wilira.

HEBRENA 10:1

Gaɗta vi suu Juifna ni ka va ma tak gasira ki na ɗegee gawɗi, ndaɗ ni ŋgus dlara jivira hin ha fokka. Ndaɗ ka ndak a mbuɗ suu mba eg Lonna ki ɗegeeɗi, u ɓivun ma lam tew tew, na olo, na olo hu basara basara ka daɓbi layna ni ka ndaki.

HEBRENA 10:19

Gorsenna aygi ki buɗi a kal hu Li ma ki Saɓaki Teteɗna, ni u miɗ ma Yesu miɗna.

HEBRENA 11:28

U vira nam gijaŋ li Pak, di ana yam busuna fun ziginina, kay sa sunda huulona ma ci suuna mba ci goryoŋ Israel suu vuɗ jewna kiɗi.

HEBRENA 12:24

Agi mbaagi ni eg Yesu sa ma taɓ duk ɦoŋga u Galamba Wilira, busuum ma vo kina li jivira su ma vi Abelna.

HEBRENA 4:16

Ҥuɗuygi taygi ay u huu ma jivina eg dlamba vi Lonara, hu li ma oora. Aygi tuɗ faygi heɓ huuna u oora huwa ndaki a njun uygi hu li namma.

HEBRENA 6:11

Ami min ana gegelay dukugi mba tak tamba feɗta na gak gak hu daɓpa lay, va ma agi ka saa kamma mba li u voɗom ɗegee gasi.

HEBRENA 7:19

Gaɗta vi Moiz ka mbuɗ va ki pasiyakgi, juɓpa ni vara jivira mbuɗ a mbaaray eg Lona tok ni ndaɗu.

HEBRENA 9:10

Tin ay ni gaɗta vi suuna kay tlesuu tira u tlesuu cira njaf tokka daŋga zeɗ zeɗ kay a mbus tara ki jivira. Ni kay gaɗta vi sana ɦawaa gak gak a tew hu li ma Lona hin min tlena wili gadlana.

HEBRENA 9:19

Jew Moiz di gaɗta ki fok suuna halaŋ ko ay ɓiiri hu magarara na. Ŋgoo dagan nam tli busu mbutlna u yona komu yamam ki kay magaara gaɗta, kay suuna lay halaŋ u hum gu ma yam ana hisop u baraw tlaw ma cili u tlimiɗ timigiinana.

Magaara JAK Ɓiiriɗta 1:6

Nam joɓmi u hurum tini kayami ciway huɗi, kay sa ma ciwayra ni ko bil mbo lum ma ŋgolna kara na, ko semeɗna tlam kolo jokom um zeɗ zeɗta na.

Magaara JAK Ɓiiriɗta 4:8

Ҥuɗugi tagi eg Lona tok nam hin ɦuɗ ay egegi tok may. Agi suu cona, mbusugi kogi kiyo, lagi hurugi ki jivi teteɗ agi suu hurugi mbambana.

1 PIYER 1:2

Agi ni suu Lona Buna managi ay ki fok jew ana agi hin li a suu mamsinana, ni kay ndaɗta Musuk mamba ka njunugiya a hom u Yesu Kristu, mbuɗugi ki pasiyak u busu mamma. Ko oora u heɓpa kak u agi cocoo.

1 PIYER 3:21

Mbo namma takŋi batem ma ka suɗugi cecemmi wanna, mbo namma ka mbus zozoɗta eg sanaraɗi, ni a joɓ Lona kay saara ɗegeera, batemma suɗugi ni u colla Yesu Kristu col ay ki kolo iiri duk suu miɗinara.

WIRA ŊGAYRA 1:5

U minda vi Yesu Kristu sa ma ɗegee ma di kina, goo ma vuɗ jewna, sa ma col ay ki kolo iiri hu miɗna jewna, mulna vi muli suu kay ndaŋgarana lay. Nam miniygiya, buɗuygi ay ki hu cora u miɗ mamma.