HEBRENA 1:8 - Boy Lonana

⁸ Kay Goona ni, Lona di ana, «Dlam maŋga mulla, Lona, tiniŋ kaɗ ni a fafatɗa. Aŋ ti mul maŋga ni u ɗegeera.

HEBRENA 1:8 ပူးပေါင်းရင်းမြစ်များ

2 SAMUEL 23:3

Lo ma vi suu Israelnana di kiyo. Ҥinira vi suu Israelnara dan ki ana, sa ma ti mulla kay suuna u jivirana. Sa ma ti mulla u ndaa ma vi Lonana.

SOOLLA 145:13

Mul maŋga ni mulla din dinda, mul maŋga ka ni hu basara basara halaŋ. Lona ni gasira, ɗegee hu sun mamba halaŋ.

SOOLLA 72:7

Hu li ma nam ka ti mulla, ni suu ɗegeena tuɗ ha fok na ɗow ɗow, begera zul ha fok na ɗow ɗow may.

SOOLLA 99:4

Saɓak ma vi mulnana ni kay min gasira. Aŋ tin gaɗta ni aŋu. Gasira u ɗegeera ni hu Yakob, aŋ lasi ni aŋu.

EZAYI 45:25

U oora vi Yawe njaf suu Israelna halaŋ hin fi ɗegeera umu, asi hin ŋga tasiya.

EZAYI 7:14

Gola Bu Suuna u tamba hin takagi dlara dew, go tamara bay buu u sa njuf tura hin vi wiina, hin vuɗ goona. Ndaɗ hin tinim sem ana, Emmanuel, Lona ka u aya.

JEREMI 38:15

Jeremi hoŋ dira maŋ Sedesiyas ana, «Lini an daŋ gasira ni aŋ hin can kiyo, lini an ɦaŋ gaɗta ni aŋ hin ka li uɗɗi lay.»

Magaara Vi Sa Jok Vun Lona OZE 1:7

Na may zi ma vi Yudana hin minimu, an hin suɗusi ki u Yawe Loosina. An hin ka suɗusi ni u gu mbuuruɗi lay, u ŋgewɗi lay, u duunaɗi lay, ka u kuluminaɗi lay, ka u suu li duuna u kuluminanaɗi lay.»

ZAKARI 13:9

Suu hin asina an tukusi u kura. An hin yoorosi ki ko suuna yoo doonora na, an hin yoorosi ki ko suuna yoo lorra na. Asi hin yan sen may, an hin humusi may. An hin di ana, «Ni suu mansina.» Asi hin di ana, «Loonna ni Yawe.»

ZAKARI 9:9

Li furira, goora vi Siyon. Yi ha kolo u delek eŋga, goora vi Yerusalem. Gola mul makŋa ka tuɗ vo varaku. Nam ɗegee, saɓak lay, lamlam, fuli kay korra, kay goo korra.

MALASI 3:1

Gologiya, an sun saan ma vun sunda ha wa. Nam hin minin huu voɗta ha ki fokonu. Toŋgo zak gaw ni nam hin kal hu ziimba, malaŋ haɗta ma agi halamma, sa sunda ma banara ma minimma, gologiya, nam ka mbaya, Yawe, ma saɓakŋa kom belna, di na.

MATIYE 1:23

«Goowayra hin vi wiina, ndaɗ hin vuɗ goona, tinim sem ana Emmanuel,» (ni ana Lona ka u aygiya).

Boy Ma Ayra Ma LUK Ɓiirimma 1:75

A aygi mbuɗ suu ɗegeena fokom gak gak hu iiri mayra hu buuna tew tew.

Boy Ma Ayra Ma JAŊ Ɓiirimma 10:30

Bun may, an may, ami ni dew.»

Boy Ma Ayra Ma JAŊ Ɓiirimma 10:33

Suu Juifna dam ana, «Ami ka caŋ ki ni kay sunda jiviraɗi, ni kay aŋ ŋgul Lona aŋŋi sana ɦawaa, aŋ ŋga taŋ u Lona.»

Boy Ma Ayra Ma JAŊ Ɓiirimma 20:28

Tomas hoŋom dira ana, «Bu Suuna, Lo manna!»

ROMMA 9:5

Asi ni hu dee somora vi suu Israelna, u Sa Lona Fuurumma, ko sa warna na, ka hu dee masira may. Nam su suuna u tlena halaŋ, Lona, ma suuna geleɗem na gak gak hu daɓ kiɗira. Amin.

1 KORINTNA 15:25

Kristu hin kak mulla ni gak gak hu li ma Lona su kay suu mam suu gonokka, cukumsina u sem kaŋgaa.

GA 8ATAMBARA 2:37

Ami tun tami kaɗi ni eg mbassa vi goryoŋ Amonna doy hol. Vun lumma Yabokŋa ɦoŋzi ma kolo kay ɦinirana, li ma Yawe, Loomina, dooromi ki kamma halaŋ ami ŋgenem kaɗi.

GA 8ATAMBARA 7:14

Agi ni suu paɗvunna li ki kagi a su suuna halaŋŋa, vo varagi ni va ma ba bay vuɗ kaɗi. Suu warna u yoorina lay vuɗ halaŋ halaŋ.

1 TIMOTE 3:16

Sa ndak ka a di va ma daŋgi, ŋgayra vi ɗegee ndaɗta wanni ŋgol ɦay. Nam mba tak tam ki ko sa warna na, Musukka takam tam ki ana nammi sa ma ɗegeena. Suu sunda huulona wamu, suuna halaŋ dlaamba di ay ki dukusiya, suuna vi um coco lay. Nam kal ki kolo huulona.

2 PIYER 1:11

Ni agi hin a fi voɗta a cuk hu mul mayra ka daɓ kiɗira vi Bu Suuna, Sa Suɗta Yesu Kristu.

1 JAŊ 5:20

Aygi wi anaba Goŋ Lonna mba wa, nam neeygi ki ana aygi wi Lo ma gasina kiyo. Aygi taɓira u Lo ma gasina ni u sem Goromma Yesu Kristu, nammi Lo ma gasina, iirira ka daɓ kiɗira lay.