HEBRENA 1:11 - Boy Lonana

¹¹ Asi halaŋŋi hin daɓ kiyo, aŋ hin hin iiriya, asi hin mbuɗ ki ni ko barawina na.

HEBRENA 1:11 ပူးပေါင်းရင်းမြစ်များ

SOOLLA 10:16

Yawe ni mulna a fafaɗta, suu bay vina sa ha ka egem oloɗi.

SOOLLA 102:26

Ay fok jew dayra aŋ min ndaŋgara, huulona ni sunda aŋ laɗta.

SOOLLA 29:10

Yawe kak mulna kay mbo lumma, Yawe ni mul ma din dinna.

SOOLLA 90:2

Jew bay ɦinira li tura, bay aŋ li ndaŋgara tu u tlesuu hu duliyarana tu lay, aŋ ka gak gakŋi Lona.

EZAYI 34:4

Faɗta tilna u ciciwra hin yak ki kaŋgaa, huulona hin ɗuɗ ki ko suuna a ɗuɗ dlaɗtara na. Tlesuu ay kolo huna yak ay ki ko ndal hum tulumma u hum gugutlura yak kira na.

EZAYI 41:4

Sa ma njun a li dla ndaɗta nana ni gege ni ka anɗi su? Sa ma yi njaf suuna ay ki zeɗ zeɗ hu ura tin ayra day. An tanda Yawe ni ma ay fok jew dayna, an hin a daɓ daganda dodora ni an lay.

EZAYI 44:6

Yawe mul ma vi suu Israelna di ana, nammi sa ma buɗusi ay kina, Yawe ma Saɓakŋa Kom Belna, anni ma jewna, ni ma do daganna lay, ki ŋgoron dagan ni lo ma daŋ kadi.

EZAYI 50:9

Na daŋ may Bu Suuna Yawe ka njun unu. Sa ma ndak takan dla cora an laɗta ni gege? Ni na, suu asina halaŋŋi ko ndal baraw ma mbuɗ ki basina na, toɓora hin tam ki ni ɦawaa.

EZAYI 51:6

Gologi huulona koloo, gologi ndaŋgara may. Na daŋ may huulona hin vaɗ ki ni ko ndal ndoosna na, ndaŋgara hin ɓeŋ ki ni ko ndal barawna na. Suu cuki kaɗna hin miɗ ki ni ko ndal vurutna ɦawa na. Na may suɗ manda ka ni a fafaɗta. Ɗegee manda ka ni na din din ka daɓ kiɗi.

EZAYI 51:8

Kay njufulna hin tasi ki ni ko ndal barawna na, dagakŋa hin tasi ki ko ndal tlimiɗ timigiina ɦawa na. Na may ɗegee manda ka ni na din din, suɗ manda ha kay njaf suuna fokosiya, fokosiya.

EZAYI 65:17

Gola an min a li huulona ma wilina, li ndaŋgara wilira may. Ni dlara jak ki jewra halaŋ ka li oloɗi, sa humum ka a gam kay dlara jak kira oloɗi.

MATIYE 24:35

Huulona u ndaŋgara hin daɓ kiyo, boy manna ka daɓ kiɗi.»

MARK 13:31

Huulona u ndaŋgara hin daɓ kiyo, boy manna ka daɓ kiɗi.»

Boy Ma Ayra Ma LUK Ɓiirimma 21:33

Huulona u ndaŋgara hin daɓ kiyo, boy manna ka daɓ kiɗi.»

HEBRENA 12:27

Boy ma di «ni sem dew olo» ana tlesuu lasi halaŋŋa hin ŋgeŋeɗa, bulum ki halaŋ halaŋ kay a va ma ka bulum kiɗina hin ni nam hol.

HEBRENA 8:13

A ɓak kay galamba wilira ni Lona mbuɗ ta jewra basiya. Va ma mbuɗ ki basina, ki maa lay, ana hin tok a daɓ kira.

WIRA ŊGAYRA 1:11

Di ana, «Tlesuu aŋ wasina aŋ ɓiirisi hu magaara, sun maga ndaɗta ha maŋ suu vi Kristuna kiɗisiya ko wanda na, maŋ Efes, Smirn, Pergam, Tiyatir, Sard, Filadelfi u Laodise.»

WIRA ŊGAYRA 2:8

Ɓii magaara maŋ sa sunda huulona vi suu vi Kristuna hu Smirn, humugi boyna vi sa ma gijaŋŋa ay jewna u daɓpa daɓ daganda damma, nam ma miɗ ki hin col ay kolo iirina.

WIRA ŊGAYRA 20:11

Ŋgoo dagan an wi dlamba haɓpa mulla ta ŋgolla, sa ma kaki kaɗna ndaŋgara u huulona yow liŋŋa fokomu, sa ka wasi u irim oloɗi.

WIRA ŊGAYRA 21:1

Ŋgoo dagan an wi huulona ma wilina u ndaŋgara wilira, kay huulona ma jewna u ndaŋgara jewra bulum ki wa, mbo lum ma ŋgolna ka oloɗi lay.