Magaara Vi Sa Jok Vun Lona AGE 2:4 - Boy Lonana

⁴ Cecem wanda Yawe di ana Zorobabel so uŋ kiyo, so uŋ kiyo Josuwe, goŋ Yossadakŋa, mul ŋgol ma li ɓivunna, soogi ugi kiyo agi suu hu mbassa hiŋga halaŋ. Yawe di ana lagi sunda, kay an ka u agiya. Yawe, ma saɓakŋa kom belna, di na.

Magaara Vi Sa Jok Vun Lona AGE 2:4 ပူးပေါင်းရင်းမြစ်များ

2 SAMUEL 5:10

David mbuɗ ŋgolla ni mbuɗi na ɗow ɗow. Yawe, Lona ma Saɓakŋa ka u namu.

1 DLAŊ MULINARA 22:13

Na ɗaŋŋi sun maŋga hin tuɗ foko lini aŋ gol u gaɗ ndaɗta a takaɗ ki kiɗiki, gaɗta u vun ma Yawe ɦam ka maŋ Moiz kay suu Israelnana. Li saɓaki, ɦiŋŋi, li ndaaɗi.

1 DLAŊ MULINARA 28:20

Na ɗaŋŋi David di goromma Salomon ana, «Li sunda u huruŋ dew, so taŋ funu. Li ndaaɗi, dlakgi lay kay ana Yawe Lona, Loonna ka u aŋu. Nam hin ka hiniŋ kiɗi, ka noyoŋ kiɗi lay ta ta sun Ziŋ Yawera hin daɓ kiyo.

EZDRAS 10:18

Duk goryoŋ muli suu li ɓivunnana suu yow boyogi suu koyoginana ni aygi fi ni, duk goryoŋ Josuwe ma goŋ Yosadakŋa u gorsemma, Maseya, Eliyezer, Yarib u Gedaliya.

EZDRAS 5:2

Zorobabel ma goŋ Salatiyelna u Josuwe ma goŋ Yosadakŋa col kolo gijaŋ min Ziŋ Lonara hu Yerusalem. Suu jok vun Lona u asi a njunusira.

KALKIRA 3:12

Nam dam ana, «An ka u aŋu, gola ni va ma hin tak ki ana, An ka u aŋu, sunuŋ ay ni anuna. Hu li ma aŋ cuk suu Israelna ay ki hu mbassa Egiptera wa ni, agi hin mba sunun an Loogina kay ɦini ndaɗta tani.»

Magaara Vi Sa Jok Vun Lona AGE 1:13

Age sa sunda vi Yawe di boy ma Yawe dammana maŋ suuna. Yawe di ana, «An ka u agiya.»

ZAKARI 8:9

Yawe, ma Saɓakŋa Kom Belna, ɓak ana, Soogi ugiya, agi suu hum boy ma suu jok vun Lona damma. Hu buu ma hin gi u zira vi Yawe kaŋga a hoŋoɗ mindana.

MARK 16:20

Suu haɗina tuɗ ki a di Boy ma Ayra kay yam mbassa halaŋ. Bu Suuna li sunda u asiya, mbuɗusi boy masina ki gasi u dlara mbuɗta nam ɦasira ay kosira may.]

SUNDA 7:9

«Somoyoygi suu asina li honira eg Yosef, gusum ki mbaɓuna ko suu Egiptena ni Lona ka u namu.

1 KORINTNA 16:13

Lakagi neeya, kak eŋ hu vira, lagi ɦiŋi, lakagi saɓaki.

EFESNA 6:10

Kay ndaɗta soogi tagi hu taɓ magira u Bu Suuna hu saɓak mamma ŋgolna.

GA 8ATAMBARA 31:23

Yawe ɦal voɗta maŋ Josuwe ma goŋ Nunna dam ana, «So uŋ kiyo col eŋe, aŋŋi sa ma hin a cuk suu Israelna hu mbassa an vi vunun kaɗ a ɦasirara, an hin li u aŋ lay.»

2 TIMOTE 2:1

Aŋ, goronu, so taŋ u boyna vi oora ta aygi faɗ hu taɓpa u Kristu Yesu dewra.

2 TIMOTE 4:17

Bu Suuna mbay egen tok njunun ni namu, kay an ndak a di boyna maŋ suu ka njaf suu Juifnaɗina, asi humum ki halaŋ, nam suɗun ay fun dlona.

JOSUWE 1:6

Aŋ col saɓaki, so huruŋu kay aŋŋi sa ma hin ɓorow jona ki maŋ suu Israelna, mbassa an vi vunun ay kaɗ u somoyosi ana an hin ɦasirara.

JOSUWE 1:9

An daŋ ana col eŋŋe, so huruŋu, ni ka an daŋ mayɗi su? Dlak ndaaɗi, ɓik vun dikiŋgi lay. Kay Yawe, Looŋŋa, ka u aŋ hu li ma aŋ hin a tuɗ huna halaŋ.»

SUU KAƁAKŊA 2:18

Hu li ma Yawe manasi suu kaɓakŋa fokosina ni, Bu Suuna ka u sa ma kaɓakŋa hu li nammana. Nam buɗusi ki ko suu babali masisina hu li ma sa kaɓakŋa ka iiri tuna halaŋ. Kay Yawe humusi tii masi ma ko suu babali suu ka lasasina. Yawe humusi yoo masira.

1 SAMUEL 16:18

Sa goo gom maa dew di ana, «An wi gasi daŋ may, goŋ Jese maa dew ma Betlehemma. Nam wi bura. Nam saɓak cocoo, sa duu ma jivina lay. Nam ɓak dlara u yalna coco lay. Nammi sa jivina lay. Yawe u namu.»