Magaara Vi Sa Jok Vun Lona AGE 2:23 - Boy Lonana

²³ Hu buu namma Yawe ma Saɓakŋa Kom Belna di ana an hin tlaŋu Zorobabel goŋ Salatiyelna saan ma sunda. Jawe di na. An hin tiniŋŋi ko ndal walak ma tin tampoŋŋana na. Yawe ma Saɓakŋa Kom Belna di ana aŋŋi sa an manam kina.»

Magaara Vi Sa Jok Vun Lona AGE 2:23 ပူးပေါင်းရင်းမြစ်များ

SOOLLA 65:5

Furira ka kay sa ma aŋ yamma, nam hin kak hu kaa maŋŋa. Ami hin hoɓ u jivira hu ziiŋga, u tlesuu teteɗ suu hu ziiŋŋana.

SOOLLA VI SALOMON 8:6

Tinin ki huruŋ ko lomorora na, ko ndal lomorora ɓiiri kay bikiŋga na. Kay zoŋga saɓak maɗna ni ko ndal miɗna na. Ni ko ndal lina vi suu miɗina na yowmus cocoo, kuuɗ saɓak cocoo, ni ko ndal lona bayra na.

EZAYI 42:1

Bu Suuna di ana, Gola ni saan ma sunda ma an minimma, saan ma an manama ma an furiyumma, an gi Musuk manda kamu, nam hin tak ɓak ma vi njaf suunana ki halaŋ.

EZAYI 43:10

Yawe di ana, agi suu Israelna agi ni suu diki kanna, agi ni suu man suu an managina, a agi wan kiyo, tin hurugi kanu. Agi wi ki ana, anni an daŋ may. Sa ŋgol suun ay ka jewɗi, ŋgoron dagan lay sa ma suun kaɗi.

EZAYI 49:16

Gola an ɓiiriŋ seŋŋi hu duk konu. Ziiŋ ma minina ka fokon buuna tew tew.

JEREMI 22:24

Ni tanda gaw Yawe di na. Hu li ma Koniya ma goŋ Joakimma mul ma Yudana hin li ni ko ndal tampoŋ ma njuni del kon ma njufna an hin buɗum kiyo.

MATIYE 12:18

«Lona di ana, Gola ni sa an manam kay sun mandana. An minim cocoo, hurun furi kam may. An hin sirim Musuk manda ay kamu. Nam hin di dla kaɓak manna ki maŋ suuna halaŋ.

Boy Ma Ayra Ma JAŊ Ɓiirimma 6:27

Lagi sunda kay fu ma ɓeŋ ki ɦawanaɗi, lagira ni kay fu ma kak iiri gak gak ɦagi iirirana. Fu namma Goŋ Sanna hin ɦagina ni namu, kayme Bum Lona ɦam saɓak namma ni hu duk kom halaŋ.»

2 TIMOTE 2:19

Ni kay ndaɗta u zira Lona gaɗ namba coli jiviya, boy ma fok namma ni «Bu Suuna wi suu mamma, suu di ana asi ni vi Bu Suuna na halaŋ noy cora kiyo.»

1 PIYER 2:4

Ҥuɗugi ay tok eg Bu Suuna, ɦini ma iiri ma suu min zina noyom kina, Lona manam a ma jivi cocona.