Magaara Vi Sa Jok Vun Lona AGE 2:22 - Boy Lonana

²² An hin to dlamba vi mulinara kiyo, hin bulum saɓak ma vi muli suu vi suunana kiyo, an hin to pupusna ki may, ci suu jaŋamma kiyo, kulumina u suu jaŋasina hin puk kaŋgaa, gegelay kaŋga fun ŋgewra vi wayammara.

Magaara Vi Sa Jok Vun Lona AGE 2:22 ပူးပေါင်းရင်းမြစ်များ

MISE 5:10

An hin yow ɦoŋzi ma hu mbas maŋgana kiyo, an hin hawaɗaŋ gulumun maŋŋa kiyo.

SUU KAƁAKŊA 7:22

Hu li ma suu kis kis hindina bu tokolomma na ni, Bu Suuna pereɗ ii suu hu kaŋŋana u tasiya, gegelay ni mbuɗ ŋgew mamma ni kay ndaramma gaw. Suuna halaŋ pii tuɗ ta ta hu Bet-Sitta keŋ mbassa Serarara. Tuɗ tew ay ki fun lum ma Abel-Meholana tok eg Tabbat.

MATIYE 24:7

Njaf suu dewna hin tuɗ duu u suu hiŋŋa may, mulna tuɗ duu u mul hiŋŋa may. Bakdarra ŋgolla ndiya, ndaŋgara hin gijaŋ geŋeɗta may.

ZAKARI 10:11

Asi hin ɗiŋ mbo lumma ŋgolna Egiptena kiyo. Yawe hin waɗ bil mbona hu lum ma ŋgolna. Mbo lumma Nilna halaŋ hin so kiyo. Ŋga tara vi Asirira hin bulum kiyo. Mul ma Egiptena hin ɦuɗ kiyo.

SOFONI 3:8

Yawe di ana jiviya, juɓungi haa, juɓungi ha hu buu ma an hin col ay kolo a kaɓakŋana. Saa manda ana an bulum suuna kiyo, tok mulina kay tasiya, cukusi yaanda kasiya, cuk tiitara vi yaandara kasi halaŋ kay ana yam ndaŋgara halaŋ an hin ŋgalaɗ ki u kura.

EZEKIYEL 39:20

Agi hin ti kay tabul manda hoɓ hayagi u tliw kulumina u suu ay fuli kasina. Tliw bigawlagina u tliw suu duuna halaŋ. Di ni Bu Suuna, Yawe.

SOOLLA 46:9

Tuɗugiya, gologi sunda Yawe laɗta, tlesuu nam ɓalakasi ki kay ndaŋgarana.

DANYEL 8:25

U yal mamma nam hin ganyam suuna, ndaɗ hin wul hurum u heɓpa cocoo, hin ɓeŋ suuna ki bolow coco lay, nam hin col yara kolo eg mul ma vi mulina na may nam hin toom ki bay ko sa tin egemu.

SOOLLA 76:6

Aŋ ɓaɗ tlesuu vi suu duuna ki halaŋ, cemi asi buu ni sen ma ka dliɗɗina, va ka kosi oloɗi, asi mbuɗ ki maŋiya.

WIRA ŊGAYRA 11:15

Sa sunda huulona ma kiɗisiyana bu difna, della di ay kolo huulona eŋga ana, «Saɓakŋa a kak mulna kay ndaŋgara cecemi ni maŋ Bu Suuna mayna, u Kristu mamma, nam hin kakŋi a fafatɗa.»

ZAKARI 14:3

Na ɗaŋŋi Yawe hin yow suuna ay um duu u suu asina hu buu ma asi ci tasina, hu buu ma yara.

ZAKARI 9:10

Nam hin bulum pupus ma duuna ki hu Efrayim lay, hu Yerusalem lay. Nam hin kus gu mburra duuna kiyo, hin mba heɓpa ay maŋ suuna. Nam hin ti mulla fun lumma ŋgolna ta ta tew fun lum ma hiŋŋa, col fun lumma ta ta tew ha ki keŋ mbassa ma daɓ ayna.

MISE 5:8

Ko koŋ tli kolo kay suu babali maŋsina, ko suu babali maŋsina bulum kiyo.

EZEKIYEL 21:27

Hu kom ma njufna ŋgaɓpa ndi ni kay Yerusalem ana, vin ni asi hin tin gu ma to gulummuna kiyo, ɦal voɗta camba, tum soo mayra duuna, col gu ma to gulumunna vun grekŋa, mol tlena kolo kel tasiya, vek zulla ki hu voɗta may.

EZAYI 60:12

Njaf suuna u muli suu ka min a sunugiɗina hin ba kiyo, njaf suu asina halaŋŋi hin dik kiyo.

EZAYI 19:2

An hin ɓeŋ huu suu Egiptena ki eg tasiya. Asi gegelay ni hin duu tam u wayamma, gegelay ni u ndaram ma vok zina. Ҥoŋzi ma ŋgolona hin duu duk tamu, mulina duu duk tasi may.

EZAYI 9:19

Suuna ti ha gak may ni mayra ka hin ciraɗi. Suu bik gulna ti may, ka hoɓbi. Gegelay ni mbuɗ kommi tliw bikimu.

2 DLAŊ MULINARA 20:22

Hu li ma asi gijaŋŋa a ŋga Yawera may ni, Yawe cuk suu may suu a cuk ŋgeŋŋa duk suu Amonna u suu Moabma u suu ay kay ɦinira Seirra, mbay ki hu Yuda. Asi gijaŋ ci tasi duk tasi ni na gaw.

1 SAMUEL 14:16

Hu Gibea ta vi Benjaminda suu vi Solna dleɓ ka gol irisiya. Asi wi suuna bolowo njay kosi ki kasi hu lina na halaŋ halaŋ.

KALKIRA 15:19

Kulum ma vi Farawna u pus pus mamsina u suu kulumina, u suu mam suu duuna cuk duk mbo lumma. Yawe hoŋosi mbo lumma ay kasiya, may suu Israelna calaɗ lumma kini sesi laɓ kaɗi.

KALKIRA 14:28

Mbona hoŋ ay tluɓ kulumina u pus pusna u suu kulumina u suu duuna vi Faraw halaŋ, suu may suu cuk ay duk mbona u suu Israelna bel bel sa maa hin ka ki dewɗi.

KALKIRA 14:17

An may ni hin so huu suu Egiptena a asi cuk ha u suu Israelna dagan may, an hin ŋga tan kay Faraw u kulumi suu duu mamsina u suu mam suu duuna halaŋ, suu kulumina lay.

KALKIRA 15:4

Pus pusna u suu duuna vi Faraw. nam cukusi ki duk mbo lum ŋgolna. Suu duu mam suu nam mansina cim kaŋga duk mbo Lumma Cerewna.

2 DLAŊ MULINARA 20:23

Suu Amonna u suu Moabma gijaŋ duuna u suu ay kolo kay ɦinira Seirra a casi kira, daɓasi ki ndeŋ ndeŋ. Hu li ma asi daɓ suu ay kay ɦinira Seirra kina ni asi tuɗ fok u cira ci tasira gak.

EZEKIYEL 26:16

Muli suu ŋguy fun lumma Mediteranena halaŋ hin dlam masira mulla ki tani lak ki gaa. Asi fok barawi masi suu ŋgolona kiyo, cuk barawi suu cona ki tasiya, lak ki ga duk ndaŋgara. Asi dlak ndaana cocoo, yoo tasi coco kagi agi suu Tirna.

EZEKIYEL 38:21

Ay kolo kay ɦini manda an hin tin dlara mbuɗ mbuɗta kay Gog. Di ni Bu Suuna, Yawe. Suu mam suu duuna hin pereɗ irisi kay tasi ci tasi ki u ŋgewina ni asi tok.

AMOS 2:15

Sa duu u mbuurura hin ka li kolo coli oloɗi. Sa liŋ cocona lay hin ka suɗ kiɗi. Sa duu u kulumina hin ka suɗ kiɗi.

MISE 7:16

Suuna hin gol u irisiya, asi hin mbuɗ ki zolona, u saɓakasi halaŋ, asi hin tin kosi funusiya, humusi hin ŋgel kiyo.

ZAKARI 10:5

U tasi dew ko ndal muli suu duuna na, asi hin duura, hin tali luɓu ma hu voɗtana kaŋga u sesiya. Asi hin njogoɗ tasi u suuna. Yawe hin li u asiya. Suu duuna kolo kay kulumi masisina zolona hin casiya.

2 DLAŊ MULINARA 15:6

Asi duu tasi ni njaf suu hiniŋŋa duu u suu hiniŋŋa may. Ҥoŋzi ma ŋgolona duu tam may. Kay Lona gasi dlara yoora kasi ni u baɗaɗ zeɗ zeɗ cocoo.

MISE 5:9

Yawe di ana, gologi va ma hin li hu buu namma na. An hin yowoŋ kulumi maŋsina kiyo, an hin njayaŋ pupus maŋŋa kiyo.

ZAKARI 12:9

Hu buu namma an hin vi tan ci suu mbay duu u Yerusalemma ki halaŋ.