Magaara Vi Sa Jok Vun Lona AGE 2:19 - Boy Lonana

¹⁹ Na ni ii wa ka kaŋga hu veena ko su? Gugutlura lay, tulumma lay, conora lay vuɗ ka na ndeɗi. Hu buu ma karamma an hin paɗ vunun ki kasiya.»

Magaara Vi Sa Jok Vun Lona AGE 2:19 ပူးပေါင်းရင်းမြစ်များ

MALASI 3:10

Agi ɦagi yam tlena ki jivi ko an minda na ay hu zira tlena ka toki hura. Ko tlesuu tira li hu ziinda. Agi tukun ki u dla ndaɗta tuwa. Yawe, ma Saɓakŋa Kom Belna, di na. Lini an hin si yona kaŋga kagiɗi ni, lini an hin paɗ vunun ki kagi agi hin fi tlena ŋgollaɗi ni.

MATIYE 6:33

Halagi Mul Lonara u ɗegee mamba jewe. Tlesuu hin halaŋŋa Lona hin ɦagisina.

SOOLLA 84:12

Na daŋ may, Yawe, Lona, ni faɗta, ni mbarina lay. Yawe, ɦal oora u bibiŋilla, nam ka hin jivira laɗ eg suu tuɗ hu jivirana kiɗi.

GA 8ATAMBARA 15:10

Aŋ ɦam va namma ni u huruŋ ma jivina, ka u huruŋ ma ŋgirsiɗnaɗi. Na ni Yawe Looŋŋa hin paɗ vunum ki kaŋ hu dlara aŋ laɗta halaŋ may.

URA TIN AYRA 26:12

Hu basa ndaɗta Isaak zum senena hu mbas ndaɗta, nam feɗ ŋgolo, irim ne cocoo. Kay Yawe paɗ vunum ki kamu.

SOOLLA 133:3

Ni ko mbaɗagira kay ɦinira Hermonda na, ɓaɗ ay ga kay ɦinira Siyonda. Yawe min a paɗ vunum ki kaɗ ni namu, ni iirira ka daɓ kiɗira.

JEREMI 31:12

Asi ka mbaya. Asi ka gi soolla furira ay kolo kay ɦinira Siyonda. Asi ka sulul ay kay tlesuu jivi suu vi Yawena, kay wana, kay sum veŋŋa, kay mbul ma heɓma, kay yoori suu gorina u suu ŋgolona. Asi hoŋ ki dliɗta ko sene ma mbaɗagira gamma na. Asi hin ka loɓ ki oloɗi.

JEREMI 31:14

An hoɓ muli suu li ɓivunna ki u tliw ma mbulna. Suu mansina hoɓ hayasi ki u tlegeyenu. Yawe di na.

JOEL 1:12

Sene gugutlura so kiyo, hum tulumma yak kiyo, ŋgusu manawra, ndondoyra u ŋgusu ma hu sene nana halaŋ so kiyo. Suu warna halaŋ ka furi oloɗi.

JOEL 2:14

Sa wi ana nam li ka yoo tam tu olona ni gege, ŋgoo dagan wanni nam hin hin paɗvun mamma kay ɦalla ɦawara u ɓivun ma lira maŋ Yawe Loogina.

GA 8ATAMBARA 28:22

Yawe cukugi tuguɗira ɓalakagi kira kagiya, tuguɗi kolla u tuguɗira gaŋ taŋ kura. Nam hin vi kerna ka hin lona a siɗi waagina hin so ki kolo hu gu njunumu, ta ta daɓagi ki hu duliyara halaŋ halaŋ.

JOB 39:12

Aŋ ndak a tiniɗ a yowoŋ wa maŋŋa ay vora a feɗeŋ tlena ay vora su?

Magaara Vi Sa Jok Vun Lona AGE 1:11

An yi baktarra mbay kay ndaŋgara, kay ɦinira, kay wana, kay veŋ ma wilina, kay mbul ma heɓma lay, kay tlesuu ndaŋgara lasina halaŋ. Kay suu warna, kay mbuurina, kay vuɗ tlesuu agi fasi u sun magirana halaŋ.»