Magaara Vi Sa Jok Vun Lona AGE 2:17 - Boy Lonana

¹⁷ An cagi poŋga hu sunda agi laɗta, coorogi waagina ki lay, cukugi dlaŋmagina kagi lay, Yawe di ana an tew ka a hoŋogi ay egenɗi.

Magaara Vi Sa Jok Vun Lona AGE 2:17 ပူးပေါင်းရင်းမြစ်များ

GA 8ATAMBARA 28:22

Yawe cukugi tuguɗira ɓalakagi kira kagiya, tuguɗi kolla u tuguɗira gaŋ taŋ kura. Nam hin vi kerna ka hin lona a siɗi waagina hin so ki kolo hu gu njunumu, ta ta daɓagi ki hu duliyara halaŋ halaŋ.

Magaara Vi Sa Jok Vun Lona AGE 1:11

An yi baktarra mbay kay ndaŋgara, kay ɦinira, kay wana, kay veŋ ma wilina, kay mbul ma heɓma lay, kay tlesuu ndaŋgara lasina halaŋ. Kay suu warna, kay mbuurina, kay vuɗ tlesuu agi fasi u sun magirana halaŋ.»

Magaara Vi Sa Jok Vun Lona AGE 1:9

Agi juɓ ay ŋgol coco may feɗ va ka ŋgolɗi. Hu li ma agi tuɗum ha vo varagina an fo musukun kamu. Ni kay mege? Yawe, ma Saɓakŋa Kom Belna, di na ni kay ziinda to ki kaŋgara, agi gegelay tin saarammi kay ziimu.

1 MULINA 8:37

«Hu li ma may ŋgolla ndi hu mbassa wa, ɗowba himina ndi kay wana soom kiyo, ɗowba baa njeena ti wana kiyo, hu li ma suu gonokka ka las suu Israelna ta ta mba ndukusi hu ɦoŋziisi ma saɓakasi huna, hu li ma dla cora ndi kasira halaŋ ka lina, u gi tuguɗii mayra cora,

JEREMI 5:3

Yawe, iriŋ ka tinira ni a gol gasiraɗi su? Aŋ waɗasiya, va ka ŋgenesiɗi. Aŋ casi ki lay. Asi ka humuŋ gaɗ maŋgaɗi. Asi mbuɗ vogosi ki eŋga su gogoyra. Asi ka min a hoŋ ayɗi.

WIRA ŊGAYRA 2:21

An hiniɗ lina a ndaɗ mbuɗ huruɗ kay cooɗta, ndaɗ ka min a mbuɗ huruɗ kay dlara zoŋgaɗi.

AMOS 4:6

Ni an daŋ may, ɦagi va ka agi gi kay siigi hu ɦoŋziiginaɗi halaŋ halaŋŋi anu, mayra cagi agi ka fi fu ma tiraɗi hu ziigi halaŋ halaŋ, na may agi hoŋogi ay ka egenɗi, Yawe di na.

JEREMI 3:24

Na may zolo ma ay kaygi u goora day na taygi sunda vi somoyoygira kiyo, yoori masi suu gorina u suu ŋgolona lay, goryosi suu njufiina u gorɓiina lay.

EZAYI 62:8

Yawe suu tam u bik kom ma njufna ma saɓakŋa ana, wa ma agi horokomma an ka hin suu babali magisina a tambi, suu koyogina ka a cagi sum veŋ ma agi loɓ tagi kam a horokommaɗi lay.

EZAYI 42:25

Kay ndaɗta nam vo yaamba kay suu Israelna, cukusi suu duuna kasiya, asi ŋgufusi kura ay ki kasi halaŋŋi asi ka wiɗi lay. Ku ndaɗta ŋgalasi ni asi ka caa yasi huɗi lay.

EZAYI 37:27

Suu hu ɦoŋzi nammana ka saɓakgi. Asi ki mbuɗi maŋiya, ki ndaa cocoo, asi mbuɗ ni ko usu ma ŋgoo bagi hu senena ɦawa na, ko usu ŋgolomma na, asi ni ko tlesuu day kolo kay yam ziginina ɦawa na. Semeɗ ma siira soosi ki ni nam ɦawaa.

EZAYI 9:13

Kay ndaɗta Yawe ka yamba u njawra hu Israella kiyo. Nam ka manawna u cerewna ki ni buu ma dewna.

SOOLLA 78:46

Nam cukusi jeena ki kay waasina. Tlegeyesi halaŋ baarina tasi kiyo.

JOB 36:13

Li ni kay suu ka wi Lonaɗina suu hurusi ki sooyna ni, nam dugusi daŋgayna wa ni ka caa yam kasi a malasi ki oloɗi.

2 DLAŊ MULINARA 28:22

Duk dlara yoora cocora na lay ni Akaz ka hin cora laɗ eg Yaweraɗi.

2 DLAŊ MULINARA 6:28

«Hu li ma may ŋgolla ndi kay mbassa wa, tuguɗira cora ndi wa, hu li ma tlena ka ɓeŋ kiyo, hu li ma baa jeena u gi dladlakŋa cuk kay wana, hu li ma suu babali masisina ŋguy yam ɦoŋzi ma kay mbas masirana wa, lini tuguɗi bona lay, lini tuguɗi megelay,

URA TIN AYRA 42:27

Njeŋgera mba mba ni, asi lak kaŋga a buuna, maa dew mal vun mbumbuumma ki a ɦal tina maŋ korra fi gursu mamma ay cuki funu.

URA TIN AYRA 42:23

Asi ka wi ana Yosef humusi vun masinaraɗi, kay nam ɓakasi ni sana jokom vunum ki ni jokiya.

URA TIN AYRA 42:6

Yosef mbuɗni sa ŋgol ma hu Egiptena, nam gus wana ki maŋ suu mbayna halaŋŋi namu. Gorseŋ Yosefna mbay goɓ kaŋga fokomu.

EZAYI 28:2

Gola ma saɓak ma duu coco ma vi Bu Suunana tli tam u babaa ma ŋgolna, lo ma dlaŋmagina ko semeɗ ma hawaɗ tlena kina na. Ni babaa ma ŋgol ma sulul mbo lumma kina li ha ki kay yam ndaŋgara tini halaŋ halaŋ.

SOOLLA 128:2

Aŋ sa ma fi tiiŋŋa u saɓakaŋŋa furira ka kaŋu. Aŋŋi sa ma fi jivirana.

Magaara Vi Sa Jok Vun Lona AGE 1:6

Agi zaa tlena kaŋga ŋgol coco may hin feɗ ni ew ɦawaa, agi ti tlena may hayagi ka hoɓbi, agi ci lay, ka furiɗi. Agi cukugi barawna egegi lay, tagi ka gi kuɗi lay, begera vi sa tli mboomma tuɗ ni hu mbumbura uɗ ki cooyra.

Magaara Vi Sa Jok Vun Lona AGE 2:16

Jew bay ndaɗ li tura ni, sana col ha ana nam i yow wana va kilo dok mba' kala na ni nam hin fi ay kom hu li ma wana cuki huna ni kilo doogo ɦawaa. Sa col ha ana nam i go yo ay hu doy ma hurum sel yona va litir dok vadlna ni nam hin fi ay kom hu doyra ni litir dok mba' ɦawaa.

MALASI 3:11

An hin doorogi baari suu ti tlena ki kagi, ka asi tagi vuɗ tlesuu kay ndaŋga magirana kiɗi, ka a sene gugutlu magira ɓeŋ ki bay vuɗtaɗi, Yawe, ma Saɓakŋa Kom Belna, di na.