Magaara Vi Sa Jok Vun Lona AGE 1:9 - Boy Lonana

⁹ Agi juɓ ay ŋgol coco may feɗ va ka ŋgolɗi. Hu li ma agi tuɗum ha vo varagina an fo musukun kamu. Ni kay mege? Yawe, ma Saɓakŋa Kom Belna, di na ni kay ziinda to ki kaŋgara, agi gegelay tin saarammi kay ziimu.

Magaara Vi Sa Jok Vun Lona AGE 1:9 ပူးပေါင်းရင်းမြစ်များ

2 SAMUEL 21:1

Mayra ndi hu cokira vi David basara na hindi. David joɓ Yawe. Yawe dam ana, «Dla ndaɗta ni kay Sol u ɦoŋzi ma ci maɗna kay ana nam ci suu Gabaonna kiyo.»

2 SAMUEL 22:16

Voɗ mbo lum ma ŋgolna tak tam kiyo. Duliyara uɗta tin ayra tak ki kiɗik u bayra vi Yawera u semeɗ ma sel ay ki cinimma.

2 MULINA 19:7

Gola an hin mbuɗum yam ki ko sa ma gurɗiina na, nam hin hoŋ vo hu mbas mamba. An hin cam ha ki u ŋgewna ni hu mbas mamba tok.»

JOB 10:2

An hin di Lona ana kaan ɓakŋa kaɗi, takan dlara aŋ ka lan kaɗ wandara.

VUN ŊGOLNA 11:24

Sa ma daŋŋa ɦal tlena maŋ suuna cocoo. nam fi ay coco may, sa ma hiniŋŋa eŋ cocoo, ka bas vaam kiɗi, may nam ndi ki ni hawra na ɗow.

VUN ŊGOLNA 27:20

Lina vi suu miɗina u li ma ba suuna ka oyɗi. Sana hurum ma min tlena cocona ka hoɓbi lay.

DI BOLLA 1:8

Tlena halaŋ las masira ni zeɗ zeɗ. Iira ka loɓ ko gollaɗi, humba ka loɓ ko humbaɗi lay.

EZAYI 40:7

Uusuna so kiyo, ɓoom yak ki may hu li ma semeɗna vi Yawe ka siina. Na daŋ may suuna halaŋŋi uusuna.

EZAYI 5:10

Sene gugutluna zewna doogo ni fi sum veŋŋa u guura ni dew daŋ. Ii wa ma zaaram ga u sawalna sopma hin feɗemmi fi kaalamba ni dew.»

JEREMI 12:13

Asi zaa wa blena kaŋgaa, hin feɗ ni wayra. Asi loɓ tasi kiyo, hin ka fi va huɗi. Mbuɗugi ki zolona u tlesuu agi fasi asina, ni kay yara vi Yawera ŋgolla.

EZEKIYEL 21:31

Bu Suuna, Yawe, di ana, tlam jum mamba tini kamba kiyo. Tlena halaŋ mbuɗ ki zeɗ zeɗ. Va ma ay ki gana hin tlam ki koloo, va ma ay kolona hin hoŋom ay ki gaa.

DLAŊ LEVIRA 19:25

Hu basara vadla ni agi tam vuɗum tuɗaŋ ŋgus magi namma hin vuɗ fok cocoo. Ni an, Yawe, Loogina.

Magaara Vi Sa Jok Vun Lona AGE 1:4

«Na ni jivi kagi a agi kak hu ziigi ma mini jivina hu li ma ziinda ka ki tooy kaŋgana su?

Magaara Vi Sa Jok Vun Lona AGE 1:6

Agi zaa tlena kaŋga ŋgol coco may hin feɗ ni ew ɦawaa, agi ti tlena may hayagi ka hoɓbi, agi ci lay, ka furiɗi. Agi cukugi barawna egegi lay, tagi ka gi kuɗi lay, begera vi sa tli mboomma tuɗ ni hu mbumbura uɗ ki cooyra.

MALASI 2:2

Lini agi ka humbi, lini agi ka vagi tagi a ŋgaanɗi ni, an hin cukugi dla cora kagiya, gagi vunna, Yawe ma Saɓakŋa Kom Belna di na. Gasi an gagi vunna kay ana dukugi ni sa hurum jivi ka na dewɗi.

GA 8ATAMBARA 28:38

«Agi zaa tlena hu senena cocoo may agi ka feɗ va gaaraŋ ay huɗi, kay jeena ti tlena kiyo.

WIRA ŊGAYRA 2:4

Aŋ gola va ma hurun ɓeŋ egeŋŋa ni aŋ ka minin coco ko jewra na oloɗi.

WIRA ŊGAYRA 3:19

Suu an minisina an gaɗasiya, waɗasiya, mbuɗ huruŋ kay cooŋga, kak taŋ mini fete.