Magaara Vi Sa Jok Vun Lona AGE 1:4 - Boy Lonana

⁴ «Na ni jivi kagi a agi kak hu ziigi ma mini jivina hu li ma ziinda ka ki tooy kaŋgana su?

Magaara Vi Sa Jok Vun Lona AGE 1:4 ပူးပေါင်းရင်းမြစ်များ

2 SAMUEL 7:2

Mulna di sa ma jok vun Lona Natan ana, «Aŋ gola an kaki ni hu zira mini u gu sedrena, doli ɗini Zanduk Lonara ki tini ni hu duk ɦoŋ mbutluɓ barawna.»

2 MULINA 5:26

Elize hoŋom dira ana, «Aŋ saa ana hu ŋgus manda an wi sa ma cuk ay ki kaŋga hu pus pusna, ŋgafaŋ ayna kaɗi su? Ni ka li ma vi baraw ma jivina tuɗi, ka li ma vi gursuɗi lay, ka a gus gugutlu tuɗi lay, yoori suu ŋgolona u suu gorinaɗi lay, suu sunda u boyogi suu sundaɗi lay.

SOOLLA 102:14

U min maŋga aŋ col kolo kay Siyon, kay buuna ndak wa a aŋ waɗ hahawaɗta, na daŋ may lina ndak wa.

SOOLLA 74:7

Asi ŋgalaŋ Ziiŋ ma Teteɗna ki u kura, asi mbuɗuŋ seŋ ma teteɗna ki nje njera.

DI BOLLA 3:3

Buu ma ci kina ni dew, buu ma garaɗta ni dew may. Buu ma to zina kina ni dew, buu ma minda ni dew may.

JEREMI 22:14

Nam ma di ana, an min ziinda ŋgolla, min zigini suu hurusi ŋgolona kolo kasiya. Co ii zira ki a gol lina hin boɗ tlena ki iriɗ may, guluɗuɗ ki u daɓaŋga may.

JEREMI 26:18

«Mise ma Moresetna, ma li sunda jok vun Lona, hu li ma Ezekiyas a mulna hu Yudana di suu Yudana halaŋ ana, Bu Suuna, ma Saɓakŋa Kom Belna, ɓak anaba, Siyon, suuna hin laɗ ki baraɗna ko senena na, Yerusalem hin mbuɗ ki ni didiŋga zozoɗta, yam zira vi Lonara ma kolona hin mbuɗ ki ni ko bubura na.

JEREMI 26:6

Na ɗaŋŋi an hin li dla cora eg zi namma ko an laɗ eg Silora na, hin mbuɗ ɦoŋzi namma ki ni zi ma suuna hin ɓak kam duk suu an gasi vunna kay ndaŋgara duk njaf suuna halaŋ halaŋŋa.

JEREMI 33:10

Na ɗaŋŋi Yawe ɓak anaba, hu li ma agi ɓak kam ana ni didiŋga jona suuna ka huɗi lay, mburina ka huɗi layra, hu ɦoŋzi ma Yudana, hu voɗta hahawra Yerusalem ta suuna ka tuɗ huruɗ oloɗi lay, suu kaki huna u mburina lay, asi hin hum olo,

JEREMI 33:12

Na ɗaŋŋi Yawe, ma Saɓakŋa Kom Belna, ɓak anaba, hu li namma didiŋga jona suuna ka huɗi lay, mburina kaɗi layra, hu ɦoŋzi namma halaŋ kaana hin hoŋ balamam gira, ma suu taa yoorina hin tok timigii masisina ay asi koɗ tasi huna.

JEREMI 52:13

Nam gi kura eg zira vi Lonara eg ziŋ mulnana u zigini suu Yerusalemma halaŋ halaŋ, u ziŋ suu ŋgolo suu sunda lay.

YOORA 2:7

Bu Suuna noy givin ma togolla kiyo. Nam noy liim ma teteɗna kiyo. Nam ɦal gulumun ma kay zigini suu hu ɦoŋzina na maŋ suu babalira. Suuna yi ay kolo u delesi eŋga hu zira vi Yawera ko hu buu ma luuna na.

YOORA 4:1

Ni nana lorra hin ka liɗi, kawi ma jivina hin ka liɗi, gogoyra teteɗta hin njay ki keŋ hu voɗta ni ge?

EZEKIYEL 24:21

Di suu Israelna ana, Bu Suuna, Yawe, di ana, an min ɓalak Ziinda kiyo, ŋga taagira kay saɓak maginara, furi magira agi laɗ wanda, hurugi ma tini kay iiri magirana. Goryogi suu njufiina u gorɓiina suu agi hinisi hu Yerusalem wanna ŋgewna hin casi kiyo.

DLAŊ LEVIRA 19:25

Hu basara vadla ni agi tam vuɗum tuɗaŋ ŋgus magi namma hin vuɗ fok cocoo. Ni an, Yawe, Loogina.

MISE 3:12

Kay ndaɗta ni kagi agiya, ɦoŋzi ma Siyonna suuna hin zumum ki senena, Yerusalem hin mbuɗ ki ni didiŋga, ɦinira, Ziŋ Lonara mini kaɗta, hin mbuɗ ki ni bubura.

Magaara Vi Sa Jok Vun Lona AGE 1:3

Doli ɗaŋŋi boyna vi Yawe mbay fun Age, sa jokom vunumma ni na gaw may.

Magaara Vi Sa Jok Vun Lona AGE 1:5

Cecem wanda, Yawe, ma Saɓakŋa Kom Belna, di ana, Saaragi ki kagi jiviya, agi cecemmi mbaagi ki ni ara gage

Magaara Vi Sa Jok Vun Lona AGE 1:9

Agi juɓ ay ŋgol coco may feɗ va ka ŋgolɗi. Hu li ma agi tuɗum ha vo varagina an fo musukun kamu. Ni kay mege? Yawe, ma Saɓakŋa Kom Belna, di na ni kay ziinda to ki kaŋgara, agi gegelay tin saarammi kay ziimu.

MATIYE 6:33

Halagi Mul Lonara u ɗegee mamba jewe. Tlesuu hin halaŋŋa Lona hin ɦagisina.

FILIPINA 2:21

Suuna halaŋŋi hal ni dlaasira u min masira kay tasira, ka kayra vi Yesu Kristuraɗi.