HABAKUK 3:4 - Boy Lonana

⁴ Kiɗikka mbuɗ weleɗa, weleɗta kal ay ki hu duk komu. Ni li ma saɓakam ka ŋgay huna.

HABAKUK 3:4 ပူးပေါင်းရင်းမြစ်များ

MATIYE 17:2

Mbalatam jok ki irisi zeɗ gaw, vokom mbuɗ weleɗ ko fatɗa na, baraw ma tamma mbuɗ weleɗ haɓma tel tel.

JOB 26:14

Halaŋ ca ni gor sun mamba gorira ɦawa tuwa. Ay wi ni na nde nde ɦawaa. Sa ma ndak a hum u dlaamba ŋgol cocorana ni gege?

KALKIRA 14:20

Ɗugulla kal ki duk ɦoŋ suu Israelna u suu Egiptena. Ɗugulla ka may, ndufunda li cocoo kay suu Egiptena. Njeŋge ni ndaɗ li kiɗikka kay suu Israelna, may ni asi jakŋi sa ka ɦuɗ eg tam tokgi.

WIRA ŊGAYRA 22:5

Njeŋgera hin ka li oloɗi, sa ka li va u kiɗikka vi lamba oloɗi lay, ta vi fatɗaraɗi lay, kay Lona njayasi kiɗik mamba ki kasi halaŋ. Asi hin kak hu mulla a fafatɗa.

1 TIMOTE 6:16

Nam dew ni ma ka miɗɗina, nam kaki hu kiɗik mayra sa ka tuɗ ha huɗira, sa waɗ kaɗi lay, sa ndak a waɗɗi lay, geleɗta u saɓak ma ka daɓ kiɗina ni mam a fafatɗa. Amin.

VUN ŊGOLNA 18:10

Sem Yawe ni zi mayra mini eŋ coco ta ŋgayra. Suu ɗegeena ŋgay tasi huwa ni suɗ kiyo.

SOOLLA 104:2

kiɗikka cuki egeŋ ko ndal barawna na, huulona ni ko ziiŋŋa na.

NEHEMI 9:12

Aŋ tuɗ fokosi faali duk ɗugulla, aŋ tuɗ fokosi njeŋge duk kura a ɓoosi huu voɗta asi tuɗ huruɗta kira.

KALKIRA 13:21

Yawe u tamba tuɗ fokosi ni namu. Faali ni nam kuluɓusi ɗugulla kasiya, njeŋge ni nam tinisi kura kasi kolo a wi lina kira may. Asi ndak a tuɗ njeŋge lay, faali lay, boy kaɗi.

WIRA ŊGAYRA 21:23

Ҥoŋzi ma ŋgolna ni fatɗa u tilna ka hu oloɗi, weleɗ hu ni ŋgolla vi Lonara gaw. Goo Timiina ni pindilla gaw may.

SOOLLA 18:12

Nam ŋgay tam duk ndufunda, ɗugulla ki ŋguy kam a ŋgusna. Lina halaŋ mbuɗ ki ndufunda.

EZEKIYEL 1:27

Kolo kayam na ni an wi vana weleɗ haɓpa ko ndal tusuna na, ga u sem na ni an wi vana li kiɗikka u sem ko ndal kura na, ŋguy ki kam na halaŋ.

EZEKIYEL 43:2

An wiya ni bibiŋilla vi Lo ma vi suu Israelna col ay u maɗiina na, vunna soo ay ko ndal mbo ŋgolna a soora na. Yam ndaŋgara halaŋ ɗi ki haɓpa na kew kew u bibiŋil mamba.