HABAKUK 3:2 - Boy Lonana

² Yawe, an hum boy ma aŋ ɓakamma, an mbuɗ ki ndaana. Yawe li sun maŋga hu basara. Hu basara ni aŋ tak sun maŋga ki hu li ma wi hawra ana gasi aŋŋi sa wi hahaw suuna.

HABAKUK 3:2 ပူးပေါင်းရင်းမြစ်များ

SOOLLA 85:6

Aŋ hin huruŋ egemi yara na gak gak su? Aŋ tuɗ fok u yara egemi hu basara ha fokka na gak su?

YOORA 3:32

Lini nam li dla cora lay ni, hurum oyra u oora u jivi mamba ŋgolla.

HABAKUK 3:16

An hum na ni hurun ɓeŋ ki ni na gaw. Vunun dlak ko vun namma, tan mbuɗ ki maŋira gaw, an kak hu li ma dewna hurun ki ɓeŋiya. Kay an ndak juɓ buu ma ɓeŋga ka ŋgen tan a tuɗ li yara u suu duu u aminaɗi.

FILIPINA 1:6

An wi kan jivi ana Lona ma gijaŋ sunda jivira ay u agi dayna, hin tuɗ fok u agi gak gak a daɓaɗ ki hu buu ma vi Yesu Kristuna.

JEREMI 10:24

Gaɗanu, Yawe, na may u ɗigilla ka u yaraɗi, kay aŋ hin bulumun ki ko va kaɗina naɗi.

EZAYI 63:15

Ay kolo huulona, hu liiŋ ma teteɗ ma aŋ kaki huna, gol iriŋ aya, gol dlara ka lamira, min maŋga aŋ suɗumi ki u ndaɗta ni arage? Ҥuɗ taŋ ha ki egemi dayɗi.

EZAYI 54:8

U hurum ma yara an ŋgay tan ki irigiya day hu buu ew. Cemi u minda ka daɓ kiɗira an tak tan ki irigi wa, wagi ha hawagi wa, di ni Yawe ma buɗugi ay kina.

SOOLLA 119:120

Tan halaŋ ka dlak coco kay ndaa ma an ka lam koŋŋa, an liŋ ndaa boy ma aŋ damma cocoo.

Boy Ma Ayra Ma JAŊ Ɓiirimma 10:10

Sa kulna mba ni kay kulla, kay ci maɗna lay, ɓeŋ tlena ki lay. Anu, an mba ni kay suuna a fi iirira jivi ŋgolla.

SOOLLA 44:1

Soolla vi sa ma fok suu gi soollana, soolla haɗta vi goryoŋ Korena.

ZAKARI 1:12

Sa sunda vi Yawe hoŋ dira ana, «Yawe, ma saɓakŋa kom belna, aŋ hin juɓmi ara na ta ta a hin wi hahaw Yerusalem u ɦoŋzi ma Yudana suu huruŋ ɓeŋ ki egesi basara dok kiɗisiyana ni ge?»

JEREMI 29:10

Na ɗaŋŋi Yawe ɓak anaba, hu li ma basara dok kiɗisiyara jak ki kay Babilon wa ni an hin gologiya, hin tak dla mayra an vi vunun kaɗ a laɗ kay hoŋogi ay hu li nammara.

EZAYI 66:2

Olo ni, tle asina halaŋ kon lasi ni namu, asi halaŋŋi varanu. Yawe di na ni namu. Asi halaŋ an ka golosiya, suu may suu hahawra suu ka lasna halaŋ. Suu ka dlak ndaana ko boy mannana.

SOOLLA 38:1

Soolla vi David kay gi humba.

EZDRAS 9:8

Cecem wanda lina jakki tani nde ni heɓpa vi Yawe, Loominara, hinimi umi taa suɗ nde, ɦami lina ka hu liim ma teteɗna, na ɗaŋŋi, Loomina, malami irimi kiyo, ɦami iirira ay hu liimi ma mbaɓura.

WIRA ŊGAYRA 15:4

Sa ma laŋ ndaaraŋgina ni gege Bu Suuna? Sa ma min geleɗeŋgina ni gege? Aŋ dew ni sa ma teteɗna, njaf suuna halaŋ hin mba goɓ kaŋga fokoŋ a ceneŋga, kay sun maŋga ɗegeera tak ki wa.»

ROMMA 10:16

Suuna vi Boy ma Ayra ka halaŋgi, Ezayi di ana, «Bu Suuna sana vami boy mamina ni gege?»

DANYEL 9:2

hu basaɗamba dewra a mulna, an Danyel hal ndum basara hu magaara ko boyna vi Yawe di sa jok vun lona Jeremiera a faɗ u ɓeŋga vi Yerusalemba basara dok kiɗisiyara na.

EZAYI 53:1

Suuna ɓak tasi ana, sa ma tin hurum kay dlara asi daɗta ni gege? Sa ma wi ana Yawe li dla ndaɗta ni u ɓik komu na ni gege?

SOOLLA 78:38

Lona ma wi hahaw suuna nam hin dlara casi kira tani bulumusi coosira kiyo. Nam tew tew ni heɓ yaamba gaa, nam ka tak yaamba ki kiɗik belɗi.

HEBRENA 11:7

U vira Nowa hum vun Lona hu li ma nam dam kay va ma hin li ha fokŋa, ni nam ka wi dla ndaɗta u irim tuɗi lay. Nam hum vun Lona, ceɗ lumba, suɗ tam ki u suu mamma huruɗu. Ni nam kaɓakŋa kay suuna hu duliyara, ni u viimba, Lona mbuɗ golom a sa ma ɗegeena.

DANYEL 8:17

Nam ɦuɗ tam ay eg li ma an ka coli huna na tok, hu li ma nam tuɗ ay egen na an mbuɗ ki ndaana puk kaŋga u vun dikinu. Nam dan ana, «Hum haa goŋ sanana, tlena tak ki ni kay li ma daɓ daganna.»

HEBRENA 12:21

Suu molina mbuɗ ndaana ko Moiz di ana, «An li ndaana, tan dlak cocoo.»

JOB 42:5

An humuŋ dlaŋ jew ni u humun ɦawaa. Cemi ni an waŋ ki u irin wa.

SOOLLA 71:20

Aŋ takami dlara yoora u lassa cocoo, aŋ hin hinimi cecemi ni iiri tuwa. Aŋ hin tlan ki kay zul ŋgolla ka ga kay ndaŋgara wanda.

JEREMI 10:7

Sa hin ka laŋ ndaaraŋgi na ni gege, mul ma vi suunana. Dla ndaɗta ni ŋgol maŋga. Duk suu yalna halaŋ lay, duk mulina halaŋ lay, sa ko aŋ na kaɗi.

JEREMI 46:28

Aŋ saan ma sunda Yakob li ndaaɗi. Yawe di na. An ka u aŋu. An ci njaf suu an manaŋ ay ki dukusina ki halaŋ halaŋ. Na may aŋ wanni an ka caŋ ki koɗi. An haɗaŋ a aŋ li u gaɗta ka hiniɗ jak ki kaŋgi.

HABAKUK 3:1

Cenda vi sa jok vun Lona, Habakuk yoo tamba.

SOOLLA 25:6

Yawe humuŋ gaŋ kay oo maŋga, u ɗegee maŋga aŋ laɗ ay fok jew dayra.