HABAKUK 3:16 - Boy Lonana

¹⁶ An hum na ni hurun ɓeŋ ki ni na gaw. Vunun dlak ko vun namma, tan mbuɗ ki maŋira gaw, an kak hu li ma dewna hurun ki ɓeŋiya. Kay an ndak juɓ buu ma ɓeŋga ka ŋgen tan a tuɗ li yara u suu duu u aminaɗi.

HABAKUK 3:16 ပူးပေါင်းရင်းမြစ်များ

JEREMI 23:9

Kay suu jok vun Lona, an tanda mbuɗ ki ndaana, tliw tan halaŋ dlaka. An mbuɗ ki ko sa guruɗ kina na, ko sa ci summana na, ni kay Yawe ni kay boy mamma teteɗna.

HABAKUK 3:2

Yawe, an hum boy ma aŋ ɓakamma, an mbuɗ ki ndaana. Yawe li sun maŋga hu basara. Hu basara ni aŋ tak sun maŋga ki hu li ma wi hawra ana gasi aŋŋi sa wi hahaw suuna.

DANYEL 10:8

An hin ki kay tan dew ɗaŋŋi gol tak mayra ŋgol ndaɗta. Saɓakan hin ka na nde oloɗi, irin mbuɗ ki zeɗ, saɓakan ka na nde oloɗi.

SOOLLA 119:120

Tan halaŋ ka dlak coco kay ndaa ma an ka lam koŋŋa, an liŋ ndaa boy ma aŋ damma cocoo.

SOOLLA 91:15

Lini nam yanu ni an humumu, an hin kak u nam hu hahaw mamba, an hin buɗum kiyo, mbuɗum a sa bibiŋilna.

DANYEL 8:27

Na ɗaŋŋi an Danyel mbuɗ ki maŋiya, an mbuɗ tuguɗiira buuna bolowo. Olo an col kolo gijaŋ sunda vi mulnara. An mbuɗ ki ndaana ko tlesuu an wasina, sa dew lay ka wi u tle asinaɗi.

EZEKIYEL 3:14

Musuk Lonara tlan ki koloo. An mbuɗ ki ya cocoo, kay ko Yawe ɦegi kan eŋ cocoo.

Boy Ma Ayra Ma LUK Ɓiirimma 21:19

Lagi tagi jiviya agi hin suɗ iiri magira ki ni na.»

JOB 30:17

Duk njeŋgera ni sokon ka muɗun cocoo. Lassa lasan wanda ka koɗ taɗ duk na ndeɗi.

JOB 30:30

Bakan mbuɗ ki warra cuk ki kaŋgaa. Sokon ŋgalanu, so ki lay.

VUN ŊGOLNA 12:4

Cara ɗili ɦayra ni jumba kuluɓi kay njufuɗna. May cara ɦay ɦayra ni mbil mbeŋ ma ka duk sok njufuɗna may.

VUN ŊGOLNA 14:30

Huu ma haɓma ni iirira vi mbalata sanara. May yowmusna ni mbil mbeŋ ma ay duk sokŋa dayna.

JEREMI 4:19

Hurunu, hurunu, an torɗi tan ko tiitara. Mugulun mbuɗ tuɗ na zak zak. Hurun ki mbuɗi yara. An ka ndak a seŋ tanɗi kay ana an hum del tokolom ma duuna.

JEREMI 5:15

An hin mbaagi suuna ay kagi agi suu Israelna, suu ay dayna. Yawe di na. Suu ka gasiɗina, suu u gu ma basina, suu aŋ ka wasi vun masinaɗi layna, suu aŋ ka wasi dlaasiraɗi layna.

YOORA 1:13

Ay kolo day nam sun kura ay duk sokonu. Nammi malanna, nam gunun bayra kaŋga u senu. Nam van ki kaŋga wa, nam mbuɗun ki ko cara hawra tew tew va koɗɗira na.

EZAYI 21:3

Dlara an waɗta ura an humuɗta lan tan ndaa cocoo. Dla ndaɗta tan tan ko ndal cara ndak ki a vuɗtara na. An cemi vun digin ɓigin cocoo kay an hum boy nammara, ndaana lan coco lay.

JEREMI 30:7

Ni dla co me ɗaŋge? Gasi buu namma ŋgol cocoo, buu ma tli tam u nam kaɗi. Ni buu ma hahawra kay Yakob. Na may nam hin buɗ kiyo.

YOORA 1:20

Gola, Yawe, an ki ni hu li ma hahawra. Hurun haɗ hurun ɦay. Hurun ki kurufu hurun ɓeŋŋiya kay a suu vunna an suu vunna. Ŋgewna ki kiɗik wanni njafan hin ka li oloɗi, kurufu ni ko ndal vo vi maɗna na.

DANYEL 10:9

An humum vunum ma ɓakŋa, hu li ma an humum vunum ma ɓakaŋa nana an puk kaŋga ki ciira liŋrira u vun diginu, irin kuluɓira kaŋga kay ndaŋgara.