HABAKUK 3:10 - Boy Lonana

¹⁰ Ҥinira waŋ na ni, li ndaana, voɗ mbo ma jakka, zul yona wak voɗta, nam maɗ kom kolo huulona.

HABAKUK 3:10 ပူးပေါင်းရင်းမြစ်များ

HEBRENA 11:29

U vira suu Israelna taɓa mbo Lum ma Cerewna ko ndaŋga eŋga na, suu Egiptena min a li ko asi na may ni mbo lumma tluɓusi halaŋ.

SOOLLA 93:3

Yawe, mbo lumma ka soo, mbo lum ŋgolna ka so cocoo, mbo lum ŋgolna ka bilna lay.

MATIYE 27:51

Baraw ma ŋgol ma jaki hu Ziŋ Lonara haa ki duk mba', col ay kay yam day, ndi ki kaŋga mbot mbot. Ndaŋgara dlak cocoo, ɦinira wak ki duk ŋguk ŋguk.

JEREMI 4:24

An gol ɦinira, ndaɗ dlakka. Ҥinira halaŋ ki bulumiya.

EZAYI 43:20

Tlebagi suu ŋgoo bagina lay hin geleɗenu. Bayakka u ergetta kay an li mbona ki ŋgoo hu li ma yo ka huɗina, wak lumma ki ŋgoo hu fulla, kay a ɦal yona maŋ suu mansina, suu an manasina.

JOSUWE 4:18

Hu li ma muli suu li ɓivunna suu zii Zandukka Galamba vi Yawe taɓa ay ki kolo may ni, sem muli suu li ɓivunna ma tin ki kolo doŋ hu li eŋŋana may ni mbo lum ma Yurdanna hoŋ cilla ki balamammi na welekeɗ gaw, gijaŋ ɓaɗta ni ko tamba jewra na. Mbona oy hoŋ hoŋŋa ki na halaŋ halaŋ gaw.

WIRA ŊGAYRA 20:11

Ŋgoo dagan an wi dlamba haɓpa mulla ta ŋgolla, sa ma kaki kaɗna ndaŋgara u huulona yow liŋŋa fokomu, sa ka wasi u irim oloɗi.

WIRA ŊGAYRA 16:12

Sa sunda huulona ma karkiyana vo yara hu kop mammara kay mbo lumma Efratna. Lumma so ki a hin voɗta maŋ muli suu u maɗiinana asi jaka.

WIRA ŊGAYRA 6:14

Huulona ɗuɗ ay ki ko suuna ɗuɗ magaara bakka na, ɦinira ŋgolla u daara duk mbonara jokosi usi ki hu liisiya.

HABAKUK 3:6

Nam cola, nam ŋga bubu ndaŋgara. Nam gol irim na ni suuna mbuɗ ndaana. Ҥini mayra didinda wak kiyo, ɦini mayra dadayra law ki lay. Li namma ni voɗomba dadayra.

NAHUM 1:5

Ҥinira ŋgolora dlak komu, ɦinira gorira law ki lay. Yam ndaŋgara dlak kom lay, yam ndaŋgara u suu kaɗna halaŋ dlak komu.

MISE 1:4

Ҥinira law ki kaŋga u semu, zulla ŋgolora tos ki ko daɓaŋga kura lawaɗ kira na, ko yo ma ay kolona ɓaɗ ay kaŋgara na.

EZAYI 55:12

Na daŋ may agi cuk ki ni u furira, agi hin tuɗ ni u heɓpa, ɦinira u li ma mbuy kolo dayna hin ko kosi li furira ha fokogiya, ŋgusugi suu bagina lay hin ko kasiya.

SOOLLA 66:6

Nam mbuɗ mbo lumma ki lii sooyna, asi taɓa lumma ki bay sesi laɓa, ni ay ndak a lay luuna mamu.

SOOLLA 65:13

Haɗ ma ŋgoo bagina ɗuf cocoo, yam ɦinira halaŋ oy u furira.

SOOLLA 18:15

Nam mun mbuurura, njay suu mam suu duuna kiyo. Nam li welera kolo cocoo, mbuɗusi ki ndaana.

NEHEMI 9:11

Aŋ ɓorow ii mbo lum ma ŋgolna ki fokosi duk mba' asi ɗiŋ ki bay sesi laɓ duk mbo lum ma ŋgolna. Suu dikisi usina aŋ selesi ki hu gaalina ko ndal gogoyra lagaɗ kaŋga duk mbo ɓaɗ ɦaynara na.

MATIYE 8:24

Cem cem gaw ni babaa ma ŋgolna fasiya. Mbona ka bilna usi hu lumba. Yesu buuri kaŋga senna usiya.

SOOLLA 104:32

Nam gol ndaŋgara na ni ndaɗ dlaka, nam ŋgen ɦinira wa ni ndaɗ ŋgal kiyo.

SOOLLA 148:7

Agi tlesuu kay ndaŋgarana halaŋ ŋgaagi Yawe, dragoŋŋa u zul ŋgolla lay,