HABAKUK 2:18 - Boy Lonana

¹⁸ Foto mbutl ma sa ceɗ guna ceɗemma jivi mamba ni mege, ɗowba ma yoorom yoorina kay haɗ dla corana, li ni sa ceɗ gu nammana ɦal tam ki mamu a li fuli suu ndumuna.

HABAKUK 2:18 ပူးပေါင်းရင်းမြစ်များ

JEREMI 10:8

Asi halaŋ, sa hin ka ki dewɗi, ganyam tasiya, viɗ tasi ki lay. Haɗasi ki u dlara bay uɗta asi hin ba ni huwa.

1 KORINTNA 12:2

Agi wi ana hu li ma agi ay bay vi Boy Lonana tura wanni, asi taɗagi ay u fuli suu ndumuna agi vi kagi bay u dlara.

ZAKARI 10:2

Gasi daŋ may fulina hoŋ dira ni dlara uɗ kaɗira. Suu joɓpa dlara tak taɗ irisira ni kaboyna. Asi gijaŋŋa ni u dlara kaboyna, heɓ huu suuna u ganyamba. Ni kay ndaɗta suuna tuɗ ha ki ko ndal mbutlina hu katlaŋgara na, hahaw coco lay kay sa golosi kaɗi.

EZAYI 42:17

Suu may suu goɓ tlesuu asi minisina, gu ma asi ceɗemma, yasi a loosinana halaŋ hin mbuɗ ki zolona.

EZAYI 45:16

Suu goɓ loogi suu ɦawana halaŋ ki mbuɗi zolona, suu ceɗ loogina halaŋ suuna ka ŋgulusiya.

JONAS 2:8

Musukun hinni tok a kal kira, humun ganu, an di ana, Yawe, cen manda tew ay ta ta egeŋu, tew ta ta hu ziiŋga teteɗta.

WIRA ŊGAYRA 19:20

Asi vi vabakŋa daŋgayna u sa jok vun Lona ma kaboyna, sa ma li dlara mbuɗta irimma. Nam ganyam suu huɗukka vi vabakŋa egesina ni u boy namma, a asi cen vabakŋa u va ma tli tam ko nam nana. Vabakŋa u sa jok vun lona ma kaboyna cukusi ki duk mbo lum ma kura ŋgal suufra.

ROMMA 6:21

Agi hin fi me u sunda zolo ta agi laɗ ay jew ndaɗta ge? Sun ndaɗta tuɗuŋŋi hu miɗna.

JEREMI 50:2

Ɓakagi boy namma ki maŋ njaf suuna, dagi suuna asi hum boy namma kiyo, neegi suuna ki kamu. Ɓakagi boy namma ki maŋ suuna, ŋgayagina kaŋgaɗi, dagi ana, Babilon ki tliiya, Bel viɗ jiv maɗna ki wa, Marduk mbuɗ ki zolona wa. Kumu maɗna ɓeŋ ki wa, otel maɗ ma li ɓivunna bulum ki wa.

EZAYI 45:20

Agi njaf suu warna suu hin iirina, tokogi aya, ko tagi dew ɦuɗugi ay egenu. Suu goɓ fuli gugunina, suu cen lo may ma ka suɗ saɗina, suu asina ki ni ɦawaa, yasi kaɗi.

EZAYI 37:38

Hu buu maa dew nam kal hu zira a goɓ loomma Nisrok, goryom Adaramelek u Saresser cam ki u ngewna, pii kosi tuɗ ki hu mbassa Araratta. Gooromma A sarhadon varak balamam a mulna may.

EZAYI 1:31

Ko ndal fuɗ barawra kura ŋgeneɗ wa nde ni ndaɗ ŋgal kira na, na may sa ma saɓak cocona hin ŋgal ki u sun mamba cora ni na may, sa ma hin a tewem kuum ki kaɗi.

1 SAMUEL 12:21

Ҥuɗugi tagi kiɗi, ni agi hin tuɗ ki ni u tlesuu bay usina. Suu sunusi kaɗina lay. Suu ka buɗ sa kiɗi lay kay ana asi ni dlara ɦawara.

SOOLLA 97:7

Suu togol fulina halaŋ zolona vagi wa, agi suu ŋga tagi ɦayna. Agi loogi suu ɦawana halaŋ goɓogi ga fokomu.

EZAYI 40:19

Fulina su? Tle asina yoorosi ni sa warna ɦawaa, suu wi dlara hoo lorra kayammi asi ɦawaa, asi yoo kawi doonora ni asi lay.

EZAYI 41:26

Sa ma dukugi ma dam boy namma ay ki fok jewna ni gege? Tak tam ki ami wam gege. Sa ma di boy namma ay ki fok jew a ami di kam ana nam di ni gasira ni gege? Sa ma dam ki kaɗi, ma wam kaɗi lay, sa ma hum boy namma kaɗi lay.

EZAYI 44:12

Sa ma dli caffa ka kawina gam kuŋgu wa, dli njetna, nam waɗ kawina u saɓakamu, sunda nam laɗ u saɓakŋa nara mayra mbuɗ camu, li ni nam waɗ ka ci yoɗi ni nam mbuɗ ki maŋi cocoo.

JEREMI 2:8

Muli suu li ɓivunna ka di ana, Yawe ni arageɗi? Suu ka u saɓak ma vi Lonana kosina ka wanɗi. Suu taa suuna mbuɗ yara u anu. Suu jok vun Lona ɓak ki ni u sem Baal. Asi liŋŋi u suu sunusi kaɗina.

JEREMI 16:19

Yawe, saɓak manna u ŋgusu ma kanna, liin ma ŋgayra hu li ma wihawra. Suuna hin mbay ni egeŋu, suu ay keŋ ndaŋgara day dayna hin di ana, va ma somoyomi fam hu ɓorowna na ni dla cora kaboyna. Dlara ganyamba sa ka li sun u ndaɗɗira.

JEREMI 51:17

Gegelay ki mbuɗi ndaari, ki doriya, gegelay ma min a gi u dlara fulina mbuɗ ki zolona, foto tlegeyem halaŋ ki coo, ŋgus ka hurusiɗi.

DANYEL 5:23

aŋ col yara kolo eg Bu Suuna ma kolo huulonana, tlesuu hu ziimbana yowosi ki ni iriŋu, aŋ taŋga u suu ŋgolo maŋsina lay, banayaŋ boyogina u boyogi suu suunda, agi cagi sum veŋŋa hu lay. Aŋ ɦal ŋgara ni maŋ loogi doonora u lorra u walakka u kawina, guna u gogoyra suu ka wiɗi lay, ka humbi lay, ka wi dlaɗɗi layna, nam Lona ma iiri maŋga ka hu duk komma, ma dlaaŋga halaŋŋi mambana aŋ ŋgaam kaɗi.

AMOS 2:4

Yawe ɓak anaba, Ni kay dla cora laɗ yamba hindira, kay dla cora suu Yuda suu yara laɗ yasi fiɗira, an ka col dukgi, kay ana asi noy gaɗta vi Yawera kiyo, li ka u gaɗ mambaɗi, kay ana kaboy masina viɗisi ki wa, suu may suu tli dlaŋ somoyosirana.

SUU KAƁAKŊA 17:4

Hu li ma nam ɦal doono ndaɗta maŋ summa ni, ndaɗ yow kis kis mba, tuɗ ɦam maŋ sa ma yoo tlena. Sa namma hin yooroɗ fulna, laɗ fotona u doonona may, mba tin va namma hu zira vi Mikara.