HABAKUK 2:10 - Boy Lonana

¹⁰ Aŋ col ni a mbuɗ ziiŋ ki zolona, ci suuna ki bolowra ni aŋ ci ki ni iiri maŋga may.

HABAKUK 2:10 ပူးပေါင်းရင်းမြစ်များ

NAHUM 1:14

Yawe di kagi agi suu Ninivena ana, hu njafagi ma hin daganna sa hin ka tin sem ana Ninive oloɗi, an hin to tlesuu agi ceɗesi may, yoorosi mayna ki hu zira vi loogi magisinara, an minigi ni zulugi kay agi ka nek oloɗi.

2 MULINA 9:26

An, Yawe, wi dla ndaɗta ki halaŋ hu li ma aŋ ci Nabot u goryom kina. An, Yawe, suu tan ana an hin kaaŋ ɓakŋa kaŋ kay dla ndaɗta ni hu sene namma na gay may.» Jehu hin di ana, «Tli maɗ Joram gam ha ki hu sene namma, ko ndal Yawe di ay ki fok jewra na.»

MATIYE 27:25

Asi suu moli halaŋŋa dam ana, «Busuummi kami u goryomiya.»

HABAKUK 2:16

Huruŋ oyra ni u zolona, ka u bibiŋillaɗi. Aŋ taŋga ci may kay bik ko Yawe ma njufna vo ki kaŋu, ŋgoo dagan jivira ni hin mba ni hahawra.

JEREMI 36:31

An hin li yara u namu, u suu mam suu sunda lay, u njafam lay kay maɗ ma asi camma, an hin cukusi suu hu Yerusalemma ay kasi u suu Yudana, dla cora an di ana an lasira egesira halaŋ kay asi humun kadi.»

JEREMI 26:19

Na ni mul ma Yudana, Ezekiyas, u suu mamsina hin cam ki su? Asi hoŋ yasi ga u Yawe ni hoŋi na ɗowɗi su? Yawe hin doo dla cora nam gin a lasira egesira ki kasiya. Aygi may ɗaŋŋi hal a laygi ni dla cora.»

JEREMI 22:30

Yawe ɓak anaba, ɓiirigi kay sa namma, «Sa sunum kaɗina, goo ma li dlara jivi ka na ndeɗi layna.» Duk goryom halaŋŋi ma hin li dla jivi dew kaɗi, ma hin kak kay mulla vi Davidta, a gol u mulla vi Yudara kaɗi.

EZAYI 33:11

Agi ŋgaagi dlara hin li ha fokka, tlesuu agi lasina halaŋ ki ni ɦawaa, Musukugi ni ko ndal kura na hin ŋgalagi kiyo.

VUN ŊGOLNA 8:36

Sa ma li cora egenna, li hawra ni maŋ tamba na ɗow. Sa ma ka mininɗina ŋgaɓmi miɗna.

VUN ŊGOLNA 1:18

Na may asi buu suuna kaŋga ni buu ni tasira tok. Asi ba ki ni iiri masira taɗta tok.

2 MULINA 10:7

Hu li ma magaa ndaɗta fasi may ni, asi yow goryoŋ mulnana ŋgaɗasi ki u dlasira dok-kiɗisiyara bel bel. Asi hin cukusi yasi hu kalamina sunuɗ ha maŋ Jehu hu Jizreel.

1 MULINA 2:23

Mulna Salomon su tam ki u Yawe ana, «Ko Lona gan daŋgayna, li ni an li dla ndaɗta ka kiɗi, Adoniya joɓmi kay iiri mamba taɗta.

VUN ŊGOLNA 20:2

Ndaa mulna li suuna ni ko ndal ndaa dlona hu li ma nam gi ŋgoɓpara na. Sa ma ɓeŋ huu mulnana hal a ba ki ni iiri mamba.

JEREMI 44:7

Cecem wanda ɗaŋŋi Yawe ma Saɓakŋa, Lona vi Israel, ɓak anaba, ni kay me agi tuɗ fok u lira lagi dla cora eg tagira na gak gak ge? Ta ta gagi njafaagi ki hu Yuda ge? Njufiina, boyogina, kemba vuɗ wilira u suu fun pona tuna lay, hin sa ka iiri na dewɗi.