HABAKUK 1:9 - Boy Lonana

⁹ Ay u saɓakamu, nam tuɗ ay wan ɗaŋŋa, irim tinira ay fokom na gay. Nam mol suu nam yowosina kay tasi ko ŋgetlna na.

HABAKUK 1:9 ပူးပေါင်းရင်းမြစ်များ

ROMMA 9:27

Ezayi ɓii boy namma ni kay suu Israelna, «Lini suu Israelna zuli co co ko ŋgetlna del lumma na lay ni, suu hin suɗ ki dukusina ni ew ɦawaa.

HABAKUK 1:6

An wana, an yow suu Kaldeenna ay wa, suu dlasi co suu ŋguy yam mbassa a kak ki hu zi ma ka masinaɗi lay na.

Magaara Vi Sa Jok Vun Lona OZE 13:15

Efrayim fi begera coco duk gorsemma may. Semeɗ ma u maɗiinana hin col aya. Semeɗ ma vi Yawena hin col ay hu fulla, mbo ma ɓaɗta hin so ki lay, gor goloŋŋiina hin so ki lay. Asi hin yow begera u tlesuu jivi cocona.

EZEKIYEL 19:12

Na may asi paɗaɗ kiyo, gaɗ ki ga u huu ma yara, babaa ma ay u maɗiinana sooɗ vuɗuɗ ma yaki gana kiyo. Gogor koɗ ma sii cocona so kiyo, kura ŋgalam ki lay.

EZEKIYEL 17:10

Gugutluna pi vam jivi may ni ka laay cocoɗi. Hu li ma babaa ma col ay u maɗiinana mba kaɗ wa ni ndaɗ hin so kiyo, hu sene ma ndaɗ a wul gin hu jivina ni, ndaɗ hin so ki ni sooy na ɗow.»

JEREMI 34:22

An hin ɦal voɗta, Yawe di na, asi hin mbay duu u ɦoŋzi namma, asi hin ŋguyum ki na cutl, hin tlamu, hin ŋgalam kiyo, ɦoŋzi ma Yudana an hin mbuɗum ki li ma hahawra, li ma suu war ka huɗina.

JEREMI 25:9

An ɦal voɗta maŋ suu mbayawna halaŋ asi mbay kagiya. Yawena di na. An yi Nabukodonosor, mul ma Babilonna, saan ma sunda, an mbaasi ay kay mbas ndaɗta kay suu huruɗna kay njaf suu keŋesina halaŋ lay. An ɗogosiya an mbuɗusi ki a li ma suuna tii tii ma hahawra hurumma mbuɗum ki jo ma senena.

JEREMI 15:8

An hinisi boyogina ki varasi donora bolow coco ko ndal ŋgetlna fun lummana na. An mbaasi suu ci suuna ay kasi faali nduh nduh kay su goozoŋ ma duuna, sa wi kaɗi lay, an mbaaɗ dlara ndaana ay kaɗ viɗiɗ ki ni na gaw.

JEREMI 4:11

Hu li namma ni asi hin di suuna, di Yerusalem ana, semeɗ ma kura keŋ keŋŋa ay ka hu fulla voɗ a mbay kay suu mansina, ka siirisi kiɗi, ka torosi kiɗi.

JEREMI 4:7

Dlona hin kal ay ki hu zulumu. Sa ci suuna kina hin gi tam ki hu voɗta. Nam kal ay ki vo varam a mbuɗugi mbas magira ki hahawra. Ҥoŋziigina hin ŋgalam kiyo, ci suu hurusina ki may.

EZAYI 27:8

Bu Suuna ɓalakasi dlaasira asi min a laɗta ki ɓalakŋi digisi kiyo. Nam daɓasi ki u babaa ma ŋgol ma col ay u maɗiinana.

SOOLLA 139:18

An min a ndumuɗu ni ndaɗ bolow su ŋgetlna, an dliɗ ki kolo na ni aŋ egen zow.

JOB 29:18

An ɓak tan ana, «An hin miɗ hu ziinu. Ko lay ma yam ana feniksŋa na. an hin kak iiri ni na gak gak.

SUU KAƁAKŊA 7:12

Suu Madiyanna, suu Amalekŋa u suu ay u maɗiinana halaŋ moli hu li namma ni zuli a su jeena. Sa ka ndak a ndumusi jambal masiraɗi, ndaɗ zuli a su ŋgetl ma doŋ lummana.

URA TIN AYRA 41:49

Yosef mol wana cocoo, ko ŋgetlna doŋ lummana ɦawa na, sa ndak ka a ŋgaam oloɗi kay ndumum ka ii saɗi.

2 MULINA 12:17

Gursu ma li ɓivun ma dlaɓ dukka u gursu ma li ɓivun ma bulum cora kina namma ca ni ka duk gursu ma min Ziŋ Lonaraɗi. Namma ki ni maŋ muli suu li ɓivunna.

DANYEL 11:17

Nam saa hurum ana nam mbay u saɓak mul mamba, nam hin vi vunusi ko tasiya, nam hin ɦam goromba a cara kay a ɓeŋem tlegeyem kira, may dla ndaɗta ka liɗi, nam hin ka tew fun dla ndaɗtaɗi.

HABAKUK 1:17

Na ɗaŋŋi nam hin ko hu bay mamma ki a hin yow suu hiŋŋa, ka wasi hahawasiɗi lay.