HABAKUK 1:6 - Boy Lonana

⁶ An wana, an yow suu Kaldeenna ay wa, suu dlasi co suu ŋguy yam mbassa a kak ki hu zi ma ka masinaɗi lay na.

HABAKUK 1:6 ပူးပေါင်းရင်းမြစ်များ

2 MULINA 24:2

Yawe sun suu ɦurumba ay kay Joakim. Suu Babilonna, suu Arameemma, suu Moabma u suu Amonna, asi mba ɦurum mulla Yudara ki ko ndal boy ma Yawe dam ay ki fok jew fun saam ma jokom vunumma na.

JEREMI 5:15

An hin mbaagi suuna ay kagi agi suu Israelna, suu ay dayna. Yawe di na. Suu ka gasiɗina, suu u gu ma basina, suu aŋ ka wasi vun masinaɗi layna, suu aŋ ka wasi dlaasiraɗi layna.

JEREMI 25:9

An ɦal voɗta maŋ suu mbayawna halaŋ asi mbay kagiya. Yawena di na. An yi Nabukodonosor, mul ma Babilonna, saan ma sunda, an mbaasi ay kay mbas ndaɗta kay suu huruɗna kay njaf suu keŋesina halaŋ lay. An ɗogosiya an mbuɗusi ki a li ma suuna tii tii ma hahawra hurumma mbuɗum ki jo ma senena.

EZAYI 23:13

Gol mbassa Kaldera gige, sa ka hu dew oloɗi, suu Asirina hin mbas ndaɗta ki ni a taa yoorina. Asi min zi fiyek ma juɓ suuna ki huwa. Zigini masi suu ŋgolona asi toosi ki halaŋ halaŋ. Liisina hin ki ni a li ma ki ɓalakina.

JEREMI 21:4

Yawe Lona vi Israel bak anaba, ɓagi ma agi yowom kogi a duurugi mul ma Babilonna u suu Kaldena, suu sulul ay kagi ki keŋ hu gulumunna na an hin mbuɗusi irisi ay hin selesi ki hu ɦoŋzi namma.

JEREMI 4:8

Kay boy namma wanni cukugi baraw bolla egegiya. Yoorogi tagiya. Gagi soolla hahawra. Ҥawaa, yara vi Yawe ka jak ki kaygiɗi.

JEREMI 4:6

Yagi yira hahawra ha ii ko ma vi Siyonna na. Tuɗugi kak u ŋgusuna. Cologi duk hu voɗtaɗi. Ni hahawra an ka mbaaɗ ay ii ko ma mbayawnara ni dla cora ŋgolla.

2 DLAŊ MULINARA 36:17

Nam min mul ma Babilonna ndugusi mbas masira, ɦasi ki hu duk kom halaŋ. Mul namma ci asgaa suu duuna ki ta ta tew ay ki hu Ziŋ Lonara. Nam ka hin gozoŋgi lay, ka hin go tamaɗi lay, hin sa ŋgolɗi lay, ma maaɗi lay.

2 DLAŊ MULINARA 36:6

Nabukodonosor, mul ma Babilonna, mba ndugum mbas mamba. Nam ɗag Joakim, tuɗum ki hu mbassa Babilonda.

JEREMI 4:11

Hu li namma ni asi hin di suuna, di Yerusalem ana, semeɗ ma kura keŋ keŋŋa ay ka hu fulla voɗ a mbay kay suu mansina, ka siirisi kiɗi, ka torosi kiɗi.

JEREMI 8:10

Na ɗaŋ an ɦasi boyogosi ki maŋ suu daŋŋa. Sene masina an hin ɦam ki maŋ suu yowom kina. Kay ana kemba u suu ŋgolona halaŋ min saɓakŋi begera, suu jok vun Lona u muli suu li ɓivunna halaŋ tuɗ masira ki coo.

JEREMI 13:20

Tli iriŋ kolo gol haa, asi ka mbay mbayawi, yoori suu varaŋŋa ni arage? Timigii maŋ suu ŋgaaŋŋa ni arage?

JEREMI 21:7

Ŋgoo dagan wanni, Yawe di ana, an hin ci Sedesiyas, mul ma Yudana, ki u suu mam suu sunda u suu hin bay miɗ ki ko tuguɗi bora hu ɦoŋzi nammana ki u ŋgewna, baktarra lay. An hin ɦasi ki ko mul ma Babilonna, ko suu babali masisina lay, ki ko suu min a casi kina lay. Asi hin casi ki bay saara, bay wasi hahawasi lay, bay oora hurusi lay.»

EZEKIYEL 16:40

Asi hin yowok suuna ay kolo kaku. Suu asina hin gikik u gogoyra. Asi hin cak ki u ŋgewi masisina lay.

EZEKIYEL 21:31

Bu Suuna, Yawe, di ana, tlam jum mamba tini kamba kiyo. Tlena halaŋ mbuɗ ki zeɗ zeɗ. Va ma ay ki gana hin tlam ki koloo, va ma ay kolona hin hoŋom ay ki gaa.

EZEKIYEL 28:7

An hin cukuŋ suu koyogina ay kaŋu. Suu hurusi co ɦay suu ci maɗna duk njaf suuna halaŋ. Asi hin duuruŋ u yal maŋ ma namma, maŋaŋ ŋgol maŋga kiyo.

EZEKIYEL 31:12

«Suu daŋ suu dlasi cona kaam ki wa, noyom ki lay. Go gor kom cuki ga kay ɦinira wa, go gor kom kus ha ki ga hu ɦuɗugumba zeɗ zeɗ halaŋ, cuk ha ki doŋ lumma lay. Suuna halaŋ sa ka kak u ŋgusum oloɗi, noyom ki wa.

2 MULINA 24:1

Nabukodonosor tli mbassa Yudara ki ni hu li ma nam kaki a mulnana. Joakim hoŋ yam kaŋga umu, may tew hu basara hindira may ni nam hoŋ col yara u namu.

JEREMI 30:5

Yawe ɓak anaba, aygi hum tii ma hahawra. Ni dlara ndaana. Va jivi ka oloɗi.

JOEL 2:3

Kura ŋgal fokom may, ŋgorom dagan sin kura ŋgal may. Ndaŋgara fokommi ko ndal sene ma Edenna na ŋgorom dagan fulla ki ɓeŋira. Va dew lay ka suɗ kombi.