HABAKUK 1:12 - Boy Lonana

¹² Ka ni aŋ ma ay hu ura tin ayra day a Yawenaɗi su? Loonna, saan ma teteɗna? Ami ka miɗ kiɗi, Yawe, aŋ tinimmi a kaɓakŋa, hinira, aŋ ɦaɗ saɓakŋa a gi humba kay ɗegeera.

HABAKUK 1:12 ပူးပေါင်းရင်းမြစ်များ

GA 8ATAMBARA 32:4

Nammi Ҥinina, sun mamba halaŋ u voɗoɗu, Voɗ mamba tuɗta halaŋŋi ɗegee. Ni Lo ma ɗegeena, dlara guni ka hurumbi. Nammi gasi u ɗegee.

SOOLLA 90:2

Jew bay ɦinira li tura, bay aŋ li ndaŋgara tu u tlesuu hu duliyarana tu lay, aŋ ka gak gakŋi Lona.

GA 8ATAMBARA 33:27

Lo ma vi somoyogi suu jewna ni Lo ma ŋgay tara. Col ay day ta ta cemi kom ma saɓakŋa ka li sunda ga kay ndaŋgarana. Nam dikigi suu babali magisina ki fokogiya, nam ɦagi voɗta ana daɓasi ki halaŋ.

JEREMI 46:28

Aŋ saan ma sunda Yakob li ndaaɗi. Yawe di na. An ka u aŋu. An ci njaf suu an manaŋ ay ki dukusina ki halaŋ halaŋ. Na may aŋ wanni an ka caŋ ki koɗi. An haɗaŋ a aŋ li u gaɗta ka hiniɗ jak ki kaŋgi.

JEREMI 30:11

An ka u aŋ a buɗuŋ kira. Di na ni Yawe. An hin ci njaf suu an njayagi ha ki dukusina ki halaŋ. Na may aŋ wani an ka caŋ kiɗi. An haɗaŋŋi a aŋ hum u gaɗta ka hin ta jak kiɗi.

SOOLLA 93:2

Ay day ta ta cemi dlam maŋga mulla ka tini eŋ gak gak, ha ni na gak gak a fafaɗta aŋ kaa.

HEBRENA 13:8

Yesu Kristu ni ko kaa na lay, karam lay ha fok na gak gak.

1 TIMOTE 6:16

Nam dew ni ma ka miɗɗina, nam kaki hu kiɗik mayra sa ka tuɗ ha huɗira, sa waɗ kaɗi lay, sa ndak a waɗɗi lay, geleɗta u saɓak ma ka daɓ kiɗina ni mam a fafatɗa. Amin.

1 TIMOTE 1:17

Mul ŋgol ma didinna ma miɗɗina, ma sa ka wam u irimbina ni Lona dew, geleɗta u ŋgolla ni mamba a fafatɗa Amin.

SUNDA 3:14

Agi noyogi sa ma Teteɗ ma Ɗegeena kiyo, hin joɓogi Pilat ana ɦagi sa ma ci maɗna maa ay ki dew.

MALASI 3:6

Ҥawaa! An, Yawe, mbuɗ hurun kaɗi. Agi may ni a njafna vi Yakobma tew tew.

HABAKUK 3:2

Yawe, an hum boy ma aŋ ɓakamma, an mbuɗ ki ndaana. Yawe li sun maŋga hu basara. Hu basara ni aŋ tak sun maŋga ki hu li ma wi hawra ana gasi aŋŋi sa wi hahaw suuna.

MISE 5:2

Kay ndaɗta Lona hin noyosi ki ta ta hu li ma ca mayra a vuɗ goonara vuɗum kira. Ɗaŋŋi suu usi hin ko gorsesinana hin taɓ ko tasi u goryoŋ Israelna.

EZEKIYEL 30:25

An hin so u ko mul ma Babilonna na may ko Faraw hin cuk um kaŋga may. Hu li ma an ɦal ŋgew manna ko mul ma Babilonna asi hin wi ki ana anni Yawe, ni hu li ma nam ka duu u suu Egiptenana.

YOORA 5:19

Aŋ Yawe kakira ni a fafaɗta. Mul maŋga tuɗ ha kay njaf suuna fokŋa ɗow ɗow.

EZAYI 43:15

Anni Yawe, Loogi ma Teteɗna. Anni sa ma li Israel, mul maginana.

EZAYI 40:28

Agi ka wiɗi su? Agi ka humbi su? Lona Yawe ni sa ma li duliyara halaŋŋa nam ka dindin, nam ka loɓbi, ka mbuɗ maŋiɗi lay, sa ma daŋ ma wam neemba ki kaɗi.

WIRA ŊGAYRA 1:8

Anni Gijaŋŋa u Daɓpa, Alfa u Omega, Bu Suuna, Lona ma Saɓakŋa, di na ni namu, ammi ma ka cecemma, ma ay jewna lay, ma hin a mbay fokŋa lay.

EZAYI 49:7

Yawe di ana, sa ma buɗ suuna kina, ma Teteɗ ma vi suu Israelna, nammi sa ma suuna noyom kina, suuna halaŋ golom ko sa ma puluɗiina na, lasam cocoo. Mulina hin wam wa ni hin yow kolo fokomu. Ni kay Yawe ma ɗegeena. Ni kay ma teteɗ ma vi suu Israelna ma manaŋŋa.

EZAYI 37:26

«Aŋ ka wi ana dla ndaɗta an saa ay ki kaɗ ni jewe naɗi su? Ay hu jewra day day an lasi ni anu naɗi su? Cemi ni an hin li dla ndaɗta. An hiniŋ ana aŋ ɓalak ɦoŋzi ma saɓak namma kiyo ni anu.

SOOLLA 118:17

Ҥawaa, an ka miɗɗi, an hin kak iiriya, kay a njaɗ ki kay sunda Yawe laɗta.

SOOLLA 18:1

Soolla vi sa ma fok suu gi soollana, soolla vi David. David, sa sunda vi Yawe, gi sool ndaɗta ni hu li ma Yawe suɗum ay ki ko suu babali mamsina, ko Sol lay.

SOOLLA 17:13

Col koloo, Yawe, ŋgafasiya, hoŋosi ha ki dagani. Suɗun ki ko suu co asina u ŋgew maŋŋa.

2 MULINA 19:25

Aŋ ka wi ana dla ndaɗta an saa ay ki kaɗ ni jew day naɗi su? Ay hu cokira jak kira day an laɗ aya naɗi su? Cem wan daŋga an min a faɗ vun dla ndaɗta kiyo. ɦoŋzi ma saɓak cocona hin to kiyo u ɦinira jivira moli cara hin njay kiyo.

1 SAMUEL 2:2

Sa ma ki teteɗ ko Yawe na kaɗi. Sa daŋ ma ko aŋ na kaɗi. Ҥinira ko ndal Looygina nara kaɗi.

WIRA ŊGAYRA 1:11

Di ana, «Tlesuu aŋ wasina aŋ ɓiirisi hu magaara, sun maga ndaɗta ha maŋ suu vi Kristuna kiɗisiya ko wanda na, maŋ Efes, Smirn, Pergam, Tiyatir, Sard, Filadelfi u Laodise.»

JEREMI 5:18

Hu li namma na lay ni, Yawe di ana, an hin ka cagi ki halaŋgi.

JEREMI 4:27

Yawe ɓak anaba, ndaŋgara halaŋ mbuɗ ki hahawra. Na may an hin ka ɓeŋ lina ki halaŋgi.

EZAYI 57:15

An Lo ma ay kolo dayna ma ka din dinna di na. Ma ka miɗina, sem ana ma Teteɗna. An ka kaki ni hu li ma teteɗna. May an ka hu sa ma hurum ki teteɗna, sa ma irim ɗilina kay a ɦal iirira maŋ ŋgus mayra hoŋ yaɗ gara, maŋ suu hurusi ka haɗ ɦayna may.

URA TIN AYRA 21:33

Abraham pi gu cinda hu Berseba. Hu li namma Abraham gijaŋ cen u sem Yawe, Lo ma Dindinna.

SOOLLA 102:24

Nam hoŋon saɓak manna ki dagani, nam dagaran buu man ma kay ndaŋgarana ki lay.

EZAYI 31:1

Hahawra ka kay suu hoŋ irisi ga tuɗ ŋgay hu Egiptena, suu tin saa masira kay kulumi suu bolow cocona, asi gol ni kulumi suu taɗ pus pusna, kay asi saɓak cocoo. Asi ka saa kay ma teteɗ ma vi suu Israelnaɗi. Asi ka min a hal Yaweɗi.

EZAYI 37:23

Sa ma aŋ ŋgulum coco, panamma ni gege? Aŋ oo uŋ kolo na ni eg gege? Aŋ ŋga taŋ cocora na ni eg gege? Ni eg sa ma Teteɗ ma vi suu Israelna.

HABAKUK 3:6

Nam cola, nam ŋga bubu ndaŋgara. Nam gol irim na ni suuna mbuɗ ndaana. Ҥini mayra didinda wak kiyo, ɦini mayra dadayra law ki lay. Li namma ni voɗomba dadayra.

MALASI 3:5

An hin ɦuɗ tan ha egegi a kaɓakŋa. An hin kaɓakŋa kay suu vi kumuna, kay suu li zoŋga, kay suu suu tasina, kay suu hoŋ til suu li sunda ki kaŋgana, kay sa kuyuna u cara donora, kay suu las suu ka hu njaf masinaɗina, suu ka lan ndaaranɗi layna, Yawe, ma Saɓakŋa Kom Belna, di na.

SOOLLA 74:12

Aŋ Lona ni mul manna ay hu jewra day, aŋŋi sa ma su kay suunana dew.

SOOLLA 90:1

Cenda vi Moiz sa ma vi Lonna. Bu Suuna ay day day aŋŋi Loomi ma golomina.

SOOLLA 149:2

Ko suu Israelna furi kay sa ma lasina, ko goryoŋ Siyonna li luu ma vi mul masinana.