GALATENA 2:9 - Boy Lonana

⁹ Jak, Piyer u Jaŋ asi ni suu ay a ŋgolora, hu li ma asi wi ana Lona ɦan sunda ndaɗta ni namu ni, asi ŋgaf kosi u ami ha Barnabas. Ami halaŋ taɓ tami halaŋ wi ana ami ni ko tami dew, koy mamira ami tuɗumi ni duk njaf suu ɦawana asi tuɗ ni duk suu Juifna may.

GALATENA 2:9 ပူးပေါင်းရင်းမြစ်များ

ROMMA 12:3

U ɦalla Lona ɦanda ki u jivi mamba an min di ha ni magi agi halaŋ. Vagi saara daŋ hurugi ŋgol su dlara agi ndaki kaɗtaɗi, ni na ɗow ana saa ni hoŋ yamba kaŋga u jivira gege dukugi ni lini hu vira Lona ɦambara.

WIRA ŊGAYRA 3:12

Sa ma su kay ndaŋgarana an hin colom duk Ziŋ Loonara, nam hin ka kal ki oloɗi. An hin ɓiirim sem Loonna kamu, ɓiirim sem ɦoŋzi ŋgolna vi Loonana kam lay. Yerusalem ma wilina ma hin col ay kolo eg Loonana. An hin ɓii sen ma wilina kam hu may.

GALATENA 2:2

An tuɗ ni kay dlara Lona takanda a an laɗta, hu tokka vi suu ŋgolona an dasi Boy ma Ayra ma an ka dam maŋ suu ka njaf suu ɦawana. An ka min ana sun manda an laɗ ki fok jewra lay ta cecem wanda lay ba ki ɦawaɗi.

ROMMA 1:5

U namu, ami fi oora vi Lona, yami a suu vovoɗta kay geleɗ Kristu a mbaa suuna ay halaŋ kay vi umu, hum u gaɗ mamba lay.

1 JAŊ 1:3

Va ma ami wamma, ma ami humumma may ni ami dagina ki magi agi may, a kay me aygi taɓaygi ki dew hu taɓ mamira u Buna u Goromma Yesura.

EFESNA 3:8

An ni sa ma kaɗaki duk njafna vi suu vi Lonana halaŋ ko ndaɗta na lay ni Lona ɦan a di Boy ma Ayra vi ɦizza bay daɓpa vi Kristu maŋ suu ka njaf suu Juifnaɗina.

1 TIMOTE 3:15

Lini an yan ka vi tuwa ka faŋ ha zakgi ni, magaara wanni ndak a njun uŋu a takaŋ poyra duk suu vina, ni di ana suu vi Lona ma iirina, asi ni mbal ma dukŋa suu coli kay gasirana.

KOLOSNA 1:29

Kay a li u sun ndaɗta wani, an li sunda njogoɗ u saɓak ma Kristu ɦannana, saɓak namma li egen ni namu.

EFESNA 2:20

Agi ni suu mini kolo kay u zira suu vovoɗta u suu jok vun Lona tiniɗta, ɦini mayra garaŋga col zira eŋga ni Yesu u tamba gaw.

2 KORINTNA 8:4

Asi joɓomi ana lini nanagelay asi min ɦal tlesuu njunda maŋ suu vi Lona hu Yude.

1 KORINTNA 15:10

U oora vi Lona an mbuɗ wi tan ana ni anu, oora nam ɦandara ka va ma lalas ɦawaɗi. Ni na ɗow an li sunda susi halaŋ, ni ka an kay tanɗi, a gasira ni oora vi Lona ta ka u anda.

ROMMA 15:15

An ɓiirigi magaara ha hu lii daŋŋa zeɗ zeɗ kay gaɗagi a gagi humugi kay dlara agi humuɗ ki jewra, ɓiirigi ha ni u oo mayra Lona ɦandara.

SUNDA 15:13

Asi daɓ boy masina daɓ mi, Jak col kolo dasi ana, «Gorsenna, humun gi vunun haa.

SUNDA 15:7

Asi ciwayra coco kay boy namma. Piyer col kolo zowni di ana «Gorsenna, agi wi ana Lona manan dukugi tani day day a an di Boy ma Ayra maŋ suu ka njaf suu Juifnaɗina, kay asi hum boy mamma, vi umu.

SUNDA 4:36

Ko Yosef ma Levina nammi goo ma Siprena, suu vovoɗta tinim sem ana Barnabas (ni di ana sa ma gaɗ suuna),

MATIYE 16:18

An daŋ ana aŋŋi Ҥinira, ɦini ndaɗta an min zinda kaɗu. Saɓak Maɗna lay ni ka ndak a laɗ va egeɗɗi.

2 MULINA 10:15

Ҥuɗ ha ki na day ni Jehu wi Yonadab ma goŋ Rekabma tuɗ ay ŋgafam aya. Jehu gam deɓpa, joɓom ana, «Na ni huruŋ ɗegee u an ko ndal an hurun ɗegee egeŋga na may su?» Yonadab hoŋom dira ana, «Ҥaa.» Jehu hin di ana, «Jiviya mbay vay ko taya.» Jehu hin tlam kolo hu pus pus mamma.

Boy Ma Ayra Ma LUK Ɓiirimma 22:8

Yesu sun gi Piyer u Jaŋ, nam dasi ana, «Tuɗugi minigi tlesuu aygi hin tasi u luu ma Pakŋa.»

Boy Ma Ayra Ma JAŊ Ɓiirimma 1:42

Andre tin Simon eg Yesu, Yesu golomu di ana, «Aŋŋi Simon, goŋ Jaŋŋa, seŋ mbuɗ ki ana Kefas (ni ana Ҥinira).»

SUNDA 12:17

Nam dasi u kom ana asi seŋa, vasi u boy ma Bu Suuna kalam ay ki hu zira daŋgayna. Ni dasi ana «Jok boy namma ha maŋ Jak u gorsesi suu hiŋŋa.» Ni nam hin kal ki tuɗ ki hu li ma daŋŋa gaw.

2 KORINTNA 11:5

An saa ana an ka kaɗaki duk suu vovoɗta suu ŋga tasi ana asi ni suu ŋgolonaɗi.

2 KORINTNA 12:11

An ɓak ko an mbuɗ ki sa ma laɓana na agi ɦeɓenni agiya, lini nanagelay agi a njun kanni agiya lini an ni ɦawa lay an ka kaɗaki hu va duk suu magi suu vovoɗta suu ŋgolonaɗi.

GALATENA 1:16

Hu li ma nam takan goromma kay an tuɗ dam Boy mam ma Ayra ki maŋ suu ka njaf suu ɦawana ni an tuɗ joɓ sa ay kaɗi.

GALATENA 1:18

Ŋgoo dagan basara hindi an tuɗ Yerusalem ni tuwa, kay a ŋgaf u Piyer, an kak ay egem buuna doogo yam vadl.

GALATENA 2:1

Ŋgoo dagan basara doogo yam fiɗi an hin hoŋ ay Yerusalem u tami u Barnabas an tay Tit ha un may.

GALATENA 6:3

Lini sana saa ana nam a li vaa ni ɦawaa, nam ganni yam tamu.