GALATENA 1:4 - Boy Lonana

⁴ Kristu ɦal tam ki u min mamba kay a suɗuygi ki hu cooygira, a buɗuygi ki hu duliyara co wanda, u minda vi Lona ma buygina.

GALATENA 1:4 ပူးပေါင်းရင်းမြစ်များ

MATIYE 20:28

Gola. Goŋ Sanna mba ka ana suuna lam sunu naɗi. Nam mba ni a lasi sunda masi naɗow. Nam warak u iiri mamba a buɗ suuna ki bolow cocoo.»

ROMMA 4:25

Ҥam ay ki hu miɗna ni kay cooygira nam colom ki kolo iiri ni kay a mbuɗuygi ɗegee fok Lona.

GALATENA 2:20

An ka iiri kay tan cecemi oloɗi, Kristu ka iiri hurun ni namu, iiri manda an a sa warna cecemi wanda an ka iiri hu vira u Goŋ Lonana nam ma mininna ɦal iiri mamba ki kanna.

1 PIYER 2:24

Kristu u tamba yow cooygira ki kam kolo hu gu ma garakŋa, kay ana ay miɗiygi ki hu cora, lak iiri ɗegee may. Mbil mamma nam famma agi suɗ kini umu.

TITTA 2:14

Nam ɦal tam ki ni kaygiya, a buɗuygi ki hu cora a suu mam suu pasiyakŋa mam nam dew a ay mba li ki feɗ tew tew kay li sunda jiviya.

2 KORINTNA 4:4

Asi ka ndak a viɗi kay lo ma co ma hu ndaŋgara tanina kuluɓusi yal masina ki wa. Lo namma doorosi kay a wi kiɗikka vi Boy ma Ayra ma tak ki kay bibiŋilla vi Kristura, ma tli tam u Lonna.

1 TIMOTE 2:6

Nam sa ma ɦal tam ki kay warakŋa a buɗ suuna ki halaŋŋa, ni dlara di ki kay li ma nam ŋgaamma ana nam min suuna bel bel mba fi suɗta.

EFESNA 2:2

Agi ay poyogi jew ni ko suu hu duliyarana lira na, agi humugi ni u saɓakŋa vi mul ma hu semeɗnana, ŋgussa ndaɗta huu suu ka hum u Lonaɗina ni ndaɗu.

1 TESALONIKŊA 3:13

Ko nam soogi hurugi a lak bay cora teteɗ fok Lona Buya, a juɓ mbara vi Bu Suuna mayna Yesu u suu mam suu teteɗna halaŋ.

ROMMA 12:2

Tlumugi tagi u dlara vi suu hu duliyaraɗi, hinigi Lona pereɗegi u mbuɗta gasira zeɗ u yal magina halaŋ, li wa na ni agi hin wi tlesuu Lona min a ay lasina, tlesuu jivina, tlesuu teteɗna, tlesuu pasiyakŋa.

FILIPINA 4:20

Ŋgolla mba li maŋ Lona buy na gak gak a fafatɗa Amin!

EFESNA 5:2

Poy magira mba tak ki u minda ko Kristu minigira na, ɦal iiri mamba ki kaya ko ɦala ɓivun ma fayatna ii Lona na.

WIRA ŊGAYRA 1:5

U minda vi Yesu Kristu sa ma ɗegee ma di kina, goo ma vuɗ jewna, sa ma col ay ki kolo iiri hu miɗna jewna, mulna vi muli suu kay ndaŋgarana lay. Nam miniygiya, buɗuygi ay ki hu cora u miɗ mamma.

WIRA ŊGAYRA 5:9

Asi gi soolla wilira ana, «Aŋ ndaki a tli magaara koŋu, a haw tampoŋŋa ki lay, aŋ ay ki jew ni miɗiya, u miɗ maŋŋa aŋ gus suuna ay maŋ Lona, suuna ay ki hu njafasi zeɗ zeɗ halaŋ, u vunusi zeɗ zeɗ halaŋ, u suuna halaŋ halaŋ kay ndaŋgara.

1 JAŊ 3:16

Gola aygi wi ana minda ni ana mege? Ni ana Yesu Kristu ɦal iiri mamba ki kaygiya aygi may ni ɦal maygira ki kay gorseygina may.

1 JAŊ 2:2

Kay me Yesu ni sa ma ɦal tam ki ana cooygira daɓ kiyo na ka co maygi aygira doy holɗi, ni cora vi suu warna halaŋ.

1 PIYER 3:18

Ni kay ndaɗta Kristu miɗ sem dew kay cora vi suuna halaŋ, jivi ndaɗta ha ni na din din. Nam li co kaɗi miɗni kay suu cona kay a tuɗugi eg Lona, suuna cam ki ni tliwim ma sa warna, Musuk Lonara colom ay ki kolo iiri duk suu miɗina.

Magaara JAK Ɓiiriɗta 4:4

Agi suu ka ɗegeeɗina li galamba u duliyara ni sa ma gonokka u Lonnaɗi su? Sa ma li galamba u duliyara ni sa ma gonokka u Lonna.

HEBRENA 6:5

Asi wi ki ana Boy Lonana jiviya, asi haɗi a wi saɓakŋa vi duliyara hin mbay fokka lay.

2 TESALONIKŊA 2:16

Ko Bu Suuna Yesu Kristu u tamba u Lona Buy ma miniygina u jivi mamba ɦaygi so huu ma din dina u juɓpa lalamba.

Boy Ma Ayra Ma JAŊ Ɓiirimma 12:31

Cecemmi, suu hu duliyara wanda ii ɓak masina hin ka kiyo. Cecemmi mul ma hu duliyara hin a dik ki lay.

MATIYE 26:28

Ni busuun ma Lona vi banara u agi u namma. Ni busu ma vo ki kay suuna halaŋ a bulumusi coosira ki na.

EZAYI 65:17

Gola an min a li huulona ma wilina, li ndaŋgara wilira may. Ni dlara jak ki jewra halaŋ ka li oloɗi, sa humum ka a gam kay dlara jak kira oloɗi.

HEBRENA 9:14

Lini jivi na ni busu Kristu hin lini ko me na ɗaŋge, u Musukka didinda nam ɦal tam maŋ Lona ni ɓivun ma pasiyakŋa. Bu Suuna hin mbuɗuygi saa maygira cora kiyo, kay aygi sunuygi Lona ma iirina.

HEBRENA 2:5

Lona ɦal ŋgolla maŋ suu sunda huulona ka kay ndaŋgara ha fokka aygi ɓak kaɗtaɗi.

1 TESALONIKŊA 3:11

Ko Buy Lona u tamba u Bu Suuna mayna Yesu minimi voɗta fokomi a ami ndak tuɗ wagi irigiya.

EFESNA 6:12

Kay aygi ka njogo tay a duu taygi ni u suunaɗi, duu taygi ni u saɓakŋa vi fuli suu co suu ha kolona, asi ti mulla u saɓak masina a maliyaŋ duliyara hu ndufunda.

EFESNA 1:11

Aygi faygi suɗta ni hu taɓ maygira u Kristura, kay Lona manaygi ay ki ni jewe, u va ma nam ŋgaamma Lona li tlena halaŋŋi u va ma nam saaram u min mambana daŋ may.

GALATENA 6:14

Lini kan anu ni an ka min a ŋga tan kay garakŋa vi Buu Suuna Yesuɗi, kay garakŋa vi Kristu ni tlesuu hu duliyara halaŋ ki miɗi kanu, an tanda ki miɗi kay tlesuu hu duliyarana may.

ROMMA 8:32

Nam doo ka kay a ɦal goromma kiraɗi, nam ɦam ki ni kaygi halaŋ, nam hin hin bay ɦaygi tlesuu daŋŋa halaŋ u goromma ni nanage?

ROMMA 8:3

Va ma gaɗta vi Moiz ndak ka a lambina kay sa warna mbuɗuɗ ki maŋiya, Lona lam ki wa. Nam kaɓakŋa ki kay sa warna u sunda nam sun goromma ayra, nam mba u mbalatara egem ko ndal sa ma cona na. Ni kay a yow cora kira.

ROMMA 1:7

An ɓiirigi magaara ha magi agi suu Romma, agi halaŋ suu Lona minigina yagi ana agi li ni a suu mamma. Ko buy Lona u Bu Suuna Yesu Kristu ɦagi oora u heɓpa.

Boy Ma Ayra Ma JAŊ Ɓiirimma 10:11

«Anni sa ma taa yoona jivina, sa ma taa yoona jivina ba iiri mamba ki kay timigii mamsina.

Boy Ma Ayra Ma JAŊ Ɓiirimma 6:38

An mbay tani ni a li minda vi sa sunun ayna, ka min mandaɗi.

Boy Ma Ayra Ma JAŊ Ɓiirimma 5:30

«An ndak ka a li va kay tanɗi. An kaɓakŋa ni u va ma bun danana, kaɓak manna ni u voɗomu, kayme an ka hal a li dlara kay tandaɗi, an li ni dlara sa sunun ayna miniɗta.

Boy Ma Ayra Ma LUK Ɓiirimma 22:42

Nam di ana, «Bunu, lini aŋ mina ni, hahaw ndaɗta aŋ hininda kanɗi. Ҥawaa, ka ko an minda naɗi, li ko aŋ minda na.» [

MARK 10:45

Goŋ Sanna mba kay ana suuna lam sunu naɗi. Nam mba ni a lasi sunda ni masi na ɗow. Nam warak u iiri mamba a buɗ suuna bolow cocoo.»

MATIYE 26:42

Nam tuɗ a yamba mbara wanni, joɓ Lona ana, «Bunu, li ana hahaw ndaɗta jak ki kanɗi ni, li ko huruŋ minda na.»

MATIYE 6:9

Agi li a cen Lona ni, dagi ana, Bumi ma kolo huulonna, Seŋ tii ŋgol su tlena halaŋ.

SOOLLA 40:8

Kay ndaɗta an di ana, «An wanni magaa maŋga ka takan u gaɗta kiyo.

WIRA ŊGAYRA 7:9

Ŋgoo dagan an gol irin na ni wi suuna bolow coco sa ma ndak a ndum suu asina kaɗi. Asi ay ni u dee suuna halaŋ, u njafasi halaŋ, hu ndaŋgara dew dew halaŋ, u vunusi halaŋ lay. Asi col fok dlamba mulla fok Goo Timiina, u baraw ŋgolla haɓpa tasi halaŋ halaŋ u hum manawra kosi may.

ROMMA 8:27

Lona ma wi huu suuna wi va ma Musukka joɓomma. Musuk Lonara cen ni kay suu vi Lon suu nam manasina, ko Lona minda na.

Boy Ma Ayra Ma LUK Ɓiirimma 22:19

Nam tli funa kom tani, gi deɓ Lona kamu, mbulukum irim ki duk mbulukŋi, ɦasina ana, «Ni tliwin [ma ɦam ki kagina, lagi ka na tew tew a humugi gagi kanda.»

MATIYE 13:22

Ii njaf ma ndi duk wayara ni, suu hum Boy ma vi Lonna hummi, hurusi ki tinni kay tlesuu hu duliyarana, begera mbaɗasi hurusiya. Tlesuu asina muruɗusi Boy ma vi Lonna ki hurusiya. Boy namma zul ka hurusiɗi.

1 KORINTNA 15:3

An haɗagi ni dlara ŋgolla an faɗ ayra, ana Kristu miɗ ni kay cooygira, ko magaara di ki jewra na.

EFESNA 5:16

Lagi jivira hu dlara agi ka laɗta halaŋ kay lima aygi ka hurum cecemi wanna ni coo.

1 TESALONIKŊA 1:3

Humumi gami fok Lona tew tew kay sun magira jivira hu vira, kay sunda hu min magira, u hurugi ma tini coco u juɓpa kay Bu Suuna maygina Yesu Kristu.