FILIPINA 2:9 - Boy Lonana

⁹ Ni kay ndaɗta Lona tlam hu li ma kolo dayna, ɦam semma ŋgolna su semma halaŋŋa.

FILIPINA 2:9 ပူးပေါင်းရင်းမြစ်များ

WIRA ŊGAYRA 19:16

Sem ma ɓiiri kay baraw mamma u gayam kaŋgana ko fok wanda na, Mulna vi mulina, Bu Suuna vi Bu Suuna.

MATIYE 28:18

Yesu ɦuɗ tam egesi, dasi ana, «Saɓakŋa huulona may, kay ndaŋgarana may, an fam ki kon halaŋ.

1 PIYER 3:22

Nam i kolo kaki kay bik ko Lona ma njufna. Nam kak mulna kay suu sunda huulona u suu ŋgolona u suu saɓakŋa ha kolo huulona.

HEBRENA 2:9

Ni aygi waygi anaba, Yesu hoŋ ki kaŋga u suu sunda huulona kay lina ew ɦawaa, kay u oora vi Lona nam miɗ kay suuna halaŋ. Cecemi aygi wam kaki hu ŋgolla u jumba mulla kamu, nam fi geleɗta ni kay wihawra nam faɗ hu miɗnara.

EZAYI 52:13

Bu Suuna di ana, saan ma sunda suuna hin ŋgaamu, dlara nam a laɗta nam hin faɗu.

WIRA ŊGAYRA 5:12

Asi gi soolla ay kolo eŋga ana, «Goo Timii ma ay ki miɗina, ni sa ma ndaki a fi saɓakŋa, fi ɦizza, fi nera, fi eŋga, fi geleɗta, fi ŋgolla, fi ŋgara.»

DANYEL 7:14

Asi hin ɦam saɓakŋa, bibiŋilla u mulla. Suuna halaŋ, njaf suuna u dee vunusi halaŋ sunumu. Saɓak mamma ni saɓak ma a fafaɗta hin ka daɓ kiɗina, mul mamba ni mul mayra hin ka bulum kiɗira.

HEBRENA 1:4

Goona mbuɗ ni ŋgol su suu sunda huulona, Lona tinim semma ŋgolna kam su masina.

SOOLLA 89:27

«Nam hin yan ana, Bunu, Loonna, ɦini may ma suɗunna.»

HEBRENA 12:2

Ŋgarasaygi iriygi ni kay Yesu, viiygira coli ni kay gi jaŋ ayra gak gak daɓpa. Nam vi kam a asi ɓalam ki hu gu garakŋa, nam li olo ka kay miɗ mammaɗi, kay nam wi furira ka juɓum fokka, cecemi nam ka kaki kay bik ko Lona ma njufna kay dlam mamba mulla.

EZAYI 53:12

Kay ndaɗta an kakam ki ni duk suu ŋgolona. Nam hin ɓorow tlesuu yowosi ay fun duunana ni ko tam u suu saɓak cocona. Kay nam hoŋ yam ki kaŋga ta ta miɗna. Nam gi tam ki duk suu li dla cora. Nam yow cora vi suu daŋŋa ki kam halaŋ. Nam ka njun kay suu ɓakŋa vasina.

SOOLLA 110:1

Soolla vi David. Yawe di Bu Suuna manna ana, «Kak hu bik kon ma njufna, an cukuŋ suu babali maŋsina ki uŋ ga a gu ma aŋ tin seŋ kamma.»

Boy Ma Ayra Ma JAŊ Ɓiirimma 17:5

Cecemmi Bunu, ɦan ŋgolla fokoŋu ta aŋ ɦanda ay jew bay duliyara min tura.

SOOLLA 110:5

Bu Suuna ka kay bik koŋ ma njufna, hu li ma hurum ɓeŋŋa, nam cuk mulina ki ga halaŋ.

WIRA ŊGAYRA 3:21

Suu col eŋ su kay ndaŋgarana an hin yowosi egenu kak u asi kay dlam manda mulla, ko an ti lay kak eg Buna kay dlam mamba mulla.

Boy Ma Ayra Ma LUK Ɓiirimma 10:22

«Tlena halaŋ Bun ɦansina ni konu. Sa ka wi Goŋ Lonnaɗi, wammi Bun doy hol. Sa ka wi Lonaɗi, wammi Gorom u suu nam hin takasina kina.»

EZAYI 9:7

Bu Suuna kaɓakŋa kay njaf suu vi Yakobma, ɓak namma ndi ni kay suu Israelna.

SOOLLA 91:14

Lona di ana, kay nam njun tam egenu, an hin buɗum kiyo, hin golom kay nam wan senu.

WIRA ŊGAYRA 11:15

Sa sunda huulona ma kiɗisiyana bu difna, della di ay kolo huulona eŋga ana, «Saɓakŋa a kak mulna kay ndaŋgara cecemi ni maŋ Bu Suuna mayna, u Kristu mamma, nam hin kakŋi a fafatɗa.»

WIRA ŊGAYRA 1:5

U minda vi Yesu Kristu sa ma ɗegee ma di kina, goo ma vuɗ jewna, sa ma col ay ki kolo iiri hu miɗna jewna, mulna vi muli suu kay ndaŋgarana lay. Nam miniygiya, buɗuygi ay ki hu cora u miɗ mamma.

2 PIYER 1:17

Hu li ma nam fi geleɗta u ŋgolla vi Lona Buna ni ami ka hu li ma ami wi ŋgol mamba humumi della di ay kolo huulona ana, «Ni goron ma an minimma, an tin furi manda halaŋŋi kamu.»

KOLOSNA 1:18

Nammi yamba vi mbalata suu vi Kristuna, iirira wilira gijaŋŋa ha ni u namu. Nammi goo ma vuɗ jewna, ma paɗ ki kolo hu miɗna iiri jewna lay, kay a kak a ŋgolla vi tlena halaŋ.

SUNDA 5:31

Lona tlam kakam kay bikim ma njufna tinim a mulna, a Sa Suɗta a ɦal voɗta maŋ suu Israelna asi jok iiri masira ki zeɗ, a Lona hin bulumusi coosira kiyo.

Boy Ma Ayra Ma JAŊ Ɓiirimma 13:3

Yesu wi ki kam ana nam u tamba ay ni vi Lona, nam hin hoŋ ki egemu a Lona ɦam tlena halaŋ komu.

MATIYE 11:27

«Tlena halaŋ Bun ɦansina ni konu. Sa ka wi Lonɗi, wammi Bum doy hol. Sa wi Lona kaɗi, wammi Goromma u suu nam hin takasina ki na.

URA TIN AYRA 3:15

An hin tin gonokka dukugi u cara, duk ɦoŋ suu hu njaf carana u maŋsina may. Njaf cara hin tooŋ yaŋ kiyo, aŋ hin eɗem diŋ diŋilim may.»

Boy Ma Ayra Ma JAŊ Ɓiirimma 17:11

An ka hu duliyara oloɗi, asi ka duk suu hu duliyarana tuwa. An tuɗ ha ni egeŋu. Bun ma teteɗna, golosi u saɓak seŋu, seŋ ma aŋ ɦannana, a asi li dew ko aŋ u an ay dewra ni na.

Boy Ma Ayra Ma JAŊ Ɓiirimma 17:12

Hu li ma an li ay u asina ni, an golosi ni u saɓak seŋu. Ni u semma aŋ ɦannana. An golosiya, maa dew viɗ ka kiɗi, viɗ ki ni ma magara di kam ana nam a viɗ kiyona. Nam viɗ ki kay a faɗ kini vun dla mayra ay ɓiiri jewra.

EFESNA 1:10

Hu daɓpa vi lina wanni Lona hin li dlaamba ŋgay ndaɗta kiyo, ni kay a tok suu ha kolona u suu kaŋgana halaŋ u mulna dew ni Kristu.

2 TESALONIKŊA 1:12

Kay ndaɗta a sem Bu Suuna Yesu mba fi geleɗta ugiya. Agi fi geleɗta u Yesu may. Ni oora fi Looyna u Bu Suuna Yesu Kristu hin lini na.

HEBRENA 1:9

Aŋ min ni dlara ɗegeera, ta cora ni aŋ noyoɗ kiyo, ni kay ndaɗta Lona, Looŋŋa, manaŋŋa, nam oyoŋ huruŋ u furira kay ɦala nam ɦaŋ li ma jivina, jivi su ma nam ɦam maŋ ndarayaŋŋana bel.»

3 JAŊ 1:7

Asi cuk tasi hu sunda vi Kristu ni ka a suu bay vina njunusi asiɗi.