FILIPINA 2:3 - Boy Lonana

³ Lagi va u saara ŋga taraɗi, u dlara bay uɗta a tak tagira ɦawaɗi, lagi lalamba eg tagiya tagiya, gol ndarayaŋŋa ŋgol su taŋga.

FILIPINA 2:3 ပူးပေါင်းရင်းမြစ်များ

ROMMA 12:10

Lagi minda duk tagiya tagiya ko gorseŋ tasina min tasira na, tli yam tagi kolo koloo.

GALATENA 5:26

Ŋgaaygi taygiɗi, halaygi boyna duk taygi a ɓeŋ taygi ki ɦawaɗi, ŋgiziɗ tlena vi taygiɗi lay.

EFESNA 5:21

Humugi u tagiya tagiya kay humba agi ka hum u Kristura.

EFESNA 4:2

Lakagi ɗiliya, u lalamba, u juɓpa, njunugi u tagiya tagiya u minda.

1 PIYER 5:5

Na may agi gorzoŋina humugi u suu ŋgolona, agi halaŋ cukugi lalamba kagiya kay a njun u tagiya tagiya. Kay ɓiira di ana, «Lona hurum ɓeŋ eg suu ŋga tasina, nam ɦal oo mamba maŋ suu hoŋ yasi gaana.»

FILIPINA 2:14

Li tlena halaŋ bay yoora u ciwayra.

GALATENA 5:15

Lini agi lagi tagi ko mburi suu bagina na ni, ɗaŋi tagira li cora eg tagira togo, gol tagi jiviya, li ka naɗi ni agi ba tagi ki ni ɦawaa.

1 TIMOTE 6:4

Nam ŋga tammi ŋgaay ɦawaa ka wi vaɗi, ciwayra ki egemmi ko tuguɗira na, li honira kay boyna ɦawaa, hu li ma namma mbay ni honira, hoo vunna, u ŋgulla, saara cora.

Boy Ma Ayra Ma LUK Ɓiirimma 18:14

An dagiya, sa namma hoŋ vo wanni mbuɗ ki ɗegee su ma Farisenna. Suu tli yasi kolona, hin hoŋ ki kaŋgaa. Suu ka tli yasi koloɗina, hin tuɗ ni foko.»

VUN ŊGOLNA 13:10

Ŋga tara mba ay ni honira u ciwayra ɦawaa. Yalna kakŋi u suu hum u gaɗtana.

KOLOSNA 3:8

Cecemi agi noy dla ndaɗta ki halaŋ, yara u huu ma ɓeŋga u honira, ŋgulla, u boy ma zolona kal ki funugiɗi.

2 KORINTNA 12:20

An li ndaana kay an hin tuɗ ha varagini fi dla mayra an miniɗɗira, agi hin fi egenni dlara agi ka miniɗɗira may, an li ndaana ko ɗeɗna, honira, yara, gonokka, ŋgulla, dadagamba, li dla cora, ŋga tara, cuk suuna kay tasiya, an li ndaana kay tlena wanni halaŋ mba li dukugiɗi.

1 KORINTNA 3:3

kay agi ka li ni ko suu hu duliyara na tuwa. Gi honira u ciwayra ka dukugi tuwa, ni tak kini ana agi ka ni ko suu hu duliyara na tuwa, ni agi poyni ko suu hu duliyara na tuɗi su?

1 KORINTNA 15:9

Duk suu vovoɗta halaŋŋi an ni ma kaɗaki dukusina, an ka ndaki gin a sa yan a sa vovoɗta naɗi, kay an las suu vi suu vi Lonna cocoo.

ROMMA 13:13

Poyoygi ɗegee ko hu kiɗik faalira na, hinigi kurufukka vi tlesuu tira kiyo u guruɗta guruɗ u summara, dlara bay hum vunna u dlara hoo vuna u dlara honira kiyo.

ROMMA 2:8

Nam hin tak yaamba ki u hurum ma ɓeŋina eg suu hurusi gonokka egemma, u suu ka hum u gasiraɗina hoŋ hum u dlara ka u voɗoɗɗira ɗowna.

KOLOSNA 3:12

Agi ni suu vi Lonna, Lona managiya, nam managiya agi mba li ki a suu mamma ni kay ndaɗta agi cukugi dlara jivira kagiya u hoŋga hoŋ yamba kaŋgara lalamba u ɗigilla.

1 PIYER 3:8

Na may agi halaŋŋi saa magira u min magira li fun taɗ dew, minigi tagi ko gorse tagi na, njunugi u tagiya gege lay hoŋ yam kaŋga u ndaramma.