FILEMONDA 1:17 - Boy Lonana

¹⁷ Aŋ li wan ko wayaŋŋa hu vira na ni taɓ u namu, ko aŋ taɓ u anda na may.

FILEMONDA 1:17 ပူးပေါင်းရင်းမြစ်များ

2 KORINTNA 8:23

Kay Tit ni ndaran ma li sunda ko tami dukugina, kay gorseygi suu ha umma ni suu vina halaŋ sunusi ay kay a hal ŋgolla maŋ Kristu.

MATIYE 10:40

«Sa vagi varamma, van ni anu. Sa van varamma vi ni sa ma sunun ayna may.

FILEMONDA 1:12

An sunum ha egeŋ cecemi wanni, nammi ko an na may.

Magaara JAK Ɓiiriɗta 2:5

Humugi gige, gorsenna, suu an minigina. Lona man suu haw suu hu duliyara kay mbuɗusi suu ɦizina hu vira. Asi hin fi mul mamba nam ŋgaaɗ maŋ suu minimma hu jona.

HEBRENA 3:1

Kay ndaɗta agi gorsen suu vina suu Lona yagina, gologi Yesu, Lona sunum ay a mba li a mul ŋgol ma li ɓivunna kay vira ami ka ɓak kaɗta.

EFESNA 3:6

Gola ni dlara ŋgay ndaɗta u Boy ma Ayra, suu ka njaf suu Juifnaɗina ndak a yow jona vi Lona ma nam ŋgaam maŋ suu mammana, asi taɓi hu mbalatara dewra, fi ɓorow masina u vun Lona ma nam vam hu Yesu Kristuna.

SUNDA 16:15

Mbusuɗ ki batemma hu li namma u suu maɗna halaŋ. Ndaɗ yami ay varaɗu dami ana, «Lini agi wi ki gasagi ana an vi u Bu Suuna ni, mbaagi ay varanu.» Ndaɗ ɦeɓemi gak gak ami hin viya.

MATIYE 25:40

Mulna hoŋosi dira ana, «An dagi ni u voɗoɗu, jivira agi laɗ eg sa maa dew duk gorsen suu hahawra, ni agi landa ay ni man anu.»

MATIYE 18:5

Sa ma vi gogoona varam u sen ko ma wanna nana, nam van ni anu.»

1 JAŊ 1:3

Va ma ami wamma, ma ami humumma may ni ami dagina ki magi agi may, a kay me aygi taɓaygi ki dew hu taɓ mamira u Buna u Goromma Yesura.

1 PIYER 5:1

An di cecemi maŋ suu ŋgolo suu gol suu vina, an lay ni sa ma gol suu vina, sa ma diki kay wihawra vi Kristuna, an ka u bibiŋilla vi Lonara hin a tak kira. Gola ni va ma an a joɓosi kamma.

HEBRENA 3:14

Aygi ni ndarayaŋ Kristuna, lini aygi goloygi viiygira ay jew dayra na gak gaki ni.

FILEMONDA 1:10

An joɓoŋŋi kay Onesim, nam mbuɗ ni goronna hu Kristu, hu daŋgayna tani.

1 TIMOTE 6:2

Mborɓii suu malayasina ni suu vina lini nanagelay asi mba hum usiya, kay asi ni gorsesina, asi mba sunusi jivi ni suni na ɗow, suu fi warakŋa kay sun masira ni suu asi minisina. Gola ni boy ma aŋ a damma a haɗam kina lay.

FILIPINA 1:7

Ko wani na ni jiviya an ka saa kagi halaŋ kay an yowogi hurunu a agi mba fi va ma Lona ɦanna na, lini an ka hu daŋgayna cecemi lay ni an li ay ki ɦawara lay, ni kay a doo kay Boy ma Ayra, colom ki u voɗom ɗegee.

FILEMONDA 1:18

Lini nam laŋ dla co ay egeŋ a warakaŋ waraki lay ni aŋ tinin dla ndaɗta ni kanu.