EZEKIYEL 2:3 - Boy Lonana

³ Nam dan ana, «Goŋ sanna, an sunuŋ eg suu Israelna, eg suu may suu li gonokka, suu li gonokka u anna, asi u somoyosi lay ta ta cemi.

EZEKIYEL 2:3 ပူးပေါင်းရင်းမြစ်များ

JEREMI 3:25

Kakaygi kaŋga u zolo maygina. Nam su ki kaya. Gasi daŋ may aygi li co eg Yawe, Looygina. Somoyoygi lay, aygi lay ay hu goryoygi day ta ta karami aygi humuygi del Yawe, Looygina, kaɗi.

GA 8ATAMBARA 9:24

Agi ay gonokka u Yawe ni hu li ma an wagi ayna day.

ROMMA 10:15

Asi di boyna ki bay sa cukusi ni nanage? Ko ɓiira di kira na, «Jivi ɦay kay suu tuɗ a di Boy ma Ayra kina.»

SUNDA 7:51

«Agi suu yagi kaɗina, njun hurugiya, ŋgel humugi ki kay yira vi Lona. Tew tew ni agi ka hum vun Musuk Lonaraɗi, ko somoyogi na may.

JEREMI 44:21

«Ɓivun ma agi ŋgalam hu ɦoŋzi ma Yudana, hu voɗta Yerusalembana agi tagira, somoyogiya, muli magisina, suu ŋgolo magi suu sunda, suu magi suu ɦizina. Ka ni dlara Yawe gi humba kaɗtaɗi su? Boy namma humum gam ay kammi nambi su?

JEREMI 36:2

«Ҥirik bakka ki ɓii boy ma an daŋŋa kay Yuda, kay suu Israelna kay njaf suuna halaŋ hu li ma an gijaŋŋa ɓakaŋ ay hu li ma Josiyas a mulna dayna ta ta karami.

JEREMI 7:2

Aŋ col fun zira vi Yawe a ɓak boy namma kira. Humugi boy ma vi Yawena haa. Agi suu Yuda suu kalagi hu fun zi ndaɗta a goɓogi kaŋga fok Yawena.

JEREMI 1:7

Yawe dan ana, «Aŋ di ana, aŋ goo cocoraɗi. Li ma an a sunuŋ huna halaŋŋi aŋ tuɗa, dlara an daŋgara halaŋŋi aŋ daɗ ha kiyo.

SOOLLA 106:28

Olo, asi gijaŋ goɓ kaŋga fok Baal Peor, asi ti ɓivun ma lam maŋ suu miɗinana.

NEHEMI 9:26

«Na may asi mbuɗ ki honira, li yara u aŋu. Asi noyoŋ gaɗ maŋga ki ŋgoorosi dagan na day, asi ci suu jokoŋ vunuŋ kina, suu neesi ana asi hoŋ egeŋuna kiyo. Asi li suluk ma ŋgolona egeŋ cocoo.

EZDRAS 9:7

Col ay hu buu ma vi somoyomina day ta ta karammi suluk mamina ŋgolla ɦay, kay suluk mamina, ami lay, muli mamisina lay, suu mami suu li ɓivunna lay ɦami ki maŋ mul ma kay ndaŋgarana, maŋ ŋgewna, maŋ suuna a yowomi ki mborɓogina, maŋ suuna ɦurumumi tlegeyemiya, hinimi zolona cami ko karamba na.

GA 8ATAMBARA 9:27

Humuŋ mba gaŋ kay suu sun maŋsina, Abraham, Isaak u Yakob. Caa yaŋ kay bay vira u cora vi suu asinaɗi.

NDUMBA 20:10

Moiz u Aaron tok suuna ay eg ɦinira dasi ana, «Humugi haa, agi suu gonokka, ami ndak a ɓaɗagi mbona ay ki duk ɦini ndaɗta su?»

EZEKIYEL 17:12

«Di suu babali asina ana, agi ka wagi u ndal boy nammaɗi su? Gologiya mul ma Babilonna mbay hu Yerusalem. Nam vi mul ŋgolna u muli mam suu funumma halaŋ, tuɗusi ha ki um hu mbassa Babilonda.

EZEKIYEL 24:3

Aŋ di ndal boyna maŋ suu gonok suu dlasi cona. Aŋ dasi ana Bu Suuna, Yawe, di ana, Tin doy kawina kay kura, vo yona hurum may.

EZEKIYEL 40:4

Sa namma dan ana, Goŋ sanna, gol ki u ii taŋga, hum ki u hum taŋga may. Tin saaraŋ kay tlesuu an min a takaŋsina wanna, mbaaraŋ ay ki tani ni kay a takaŋ tle asinara. Aŋ hin tuɗ di suu Israelna ki kay tlesuu aŋ wasi asina halaŋ halaŋ.

AMOS 7:15

Na may Yawe tlan ay ni ŋgoo u yoorina. Yawe hin dan ana, tuɗa, jokon boy manna ha ki maŋ suu man suu Israelna.

2 MULINA 17:14

Na may asi humun vunun kaɗi. Asi so yasi ki eŋga ko somoyosi lira na olo, tin hurusi ay ka kay Yawe Loosinaɗi.

2 MULINA 17:15

Asi noyom gaɗ mamba kiyo, noy galamba nam vaɗ ay u somoyosira ki lay. Gaɗta nam gasi humusi kaɗta, asi zaŋ irisi ni eg dlara uɗ kaɗira. Asi li ni ko njaf suu daŋ suu ŋguyusi wanna na. Doli ɗini Yawe neesi ki ana ka asi li ko suu asina naɗi.

EZAYI 30:1

Yawe di ana, hahawra ka kay gor suu li gonokka u anna. Asi vi vunusi kay dla mayra col ay ka konɗira. Taɓ vunusi kay dlara an ka miniɗira. Tok dla cora ha kay taɗ na ɗow ɗow.

JEREMI 44:20

Na ɗaŋŋi Jeremi di suuna halaŋ, maŋ njufiina, boyogina, maŋ suu wara suu hoŋom dira ko ndaɗ tanana halaŋ.

MALASI 3:7

Ay hu cokira vi somoyogira day ni agi ka min a van dlaanda kagiɗi, ka li uɗɗi lay. Hoŋogi ay egenu, an hin hoŋ egegi may, Yawe, ma Saɓakŋa Kom Belna, di na. Agi di ana, «Ҥoŋŋi ana mege?»