EZDRAS 8:22 - Boy Lonana

²² Kay an li zolona joɓ mulna ka nam ɦaygi suu kulumina doo suu bablira ki kaygi hu voɗtaraɗi, gasi daŋ may aygi di mulna ana, «Ko Lona ma jivina ka kay suu halamma halaŋ may, yaamba ŋgol coco kay suu noyom kina.»

EZDRAS 8:22 ပူးပေါင်းရင်းမြစ်များ

1 DLAŊ MULINARA 28:9

«Aŋ taŋga, goronna, Salomon, wi Lo ma vi buŋŋa kiyo, lam sunda u huruŋ ma dewna u musukuŋ toki dew, kay ana Yawe wi huuna, wi saara huu sanara halaŋ lay. Lini aŋ halamu ni aŋ hin famu, lini aŋ noyom kiyo ni, nam hin noyoŋ ki a fafaɗta.

2 DLAŊ MULINARA 15:2

Nam kal ki tuɗ fi Aza dam ana, «Mulna Aza, agi suu Yudana u njaf suu vi Benjaminna halaŋ, humungi vunun haa. Yawe ka u agi ni hu li ma agi ka u nam mayna. Lini agi halamu ni nam hin tak tam irigiya. Lini agi noyom ki wa ni, nam noyogi ki may.

2 DLAŊ MULINARA 16:9

Yawe ka gol yam ndaŋgara ki ni halaŋ a njun u suu hin tasi komma suu minim u hurusi belna. Dlara wanda aŋ laɗ ni ko sa ma ka wi vaɗina na, hin fok wanda aŋ ha ni eg duuna na gak gak.»

EZDRAS 7:28

Tin irigi eg mulna eg suu ɦal gaɗta eg suu ŋgolo suu sun suu vi mulnana, u ɗegee mamba humum gam ay kanu, hurun ki sooy ɗaŋ kay ana ko Yawe, Loonna, ay ka kanu. An tok muli suu vi suu Israel suu ɦiw a tuɗ u anda.

EZDRAS 7:6

Ezdras namma col ay ni hu Babilon. Nammi sa wi magaara ma ɦal tam ki kay gaɗta vi Moiz ta Yawe ɦaɗ ayra, Lo ma vi suu Israelna. Mulna ɦam tlesuu nam joɓosina halaŋ kay ana ko Yawe, Loomma ka kamu.

EZDRAS 7:9

Gasi daŋ may hu buu ma jewna hu til ma jewna nam tamba tuɗ koyra ay hu Babilon day. Hu buu ma jewna hu til ma vadlna nam tew ki hu Yerusalem kay ana ko Lona ma jivina ka kamu.

EZDRAS 8:31

Ami col ha ki fun lum ma Ahawana ni hu buu ma doogo yam mbana hu til ma jewna a tuɗ Yerusalemba. Looygina kom ma jivina ay kaygi hu voɗta. Nam ɓaɗami ay ki ko babali maygina ko suu ɦurum tlesuu dleɓ tasi kaŋgana.

NEHEMI 2:9

An tuɗ eg muli suu ŋgolo suu hu zi ma ŋgoo lumma Efratana. An hin ɦasi magaari suu mulna sunusisina hana. Mulna sun suu ŋgol asgaana u suu kulumina unu.

SOOLLA 20:8

Suu daŋŋa ŋga ni kulumi masi suu pus pusna, suu daŋŋa ŋga tasi kay kulumina, aygi may ni humuygi ka gaygi ni kay sem Lona Yawe maygina.

SOOLLA 34:22

Lassa ndak ci suu cona kiyo. Suu ka min ɗegeeraɗina ɓakŋa kaay kasiya.

SOOLLA 90:11

Sa ma ndak a wi saɓak yaaŋga ni gege? Sa ma wi ndaa ma lam koŋŋa ni gege?

YOORA 3:25

Yawe jivi kay sa juɓumma kay sa ka halamma.

ROMMA 8:28

Aygi wi ana Lona li jivira halaŋŋi maŋ suu minimma, suu nam yasi ki u ŋgaɓ mambana.

1 KORINTNA 9:15

An may ni manda ka naɗi, an ɓii magaara ni ka kay an a fi huwa naɗi, an min miɗ ni miɗi mariyaɗ ka a sa ŋgaan kay boy nammaɗi.

2 KORINTNA 7:14

An ŋga tan kaki egemu, kay agi tagira ganan yan kaɗi. Na lay ami tew tew dagi ni gasira, ŋga mayra ami ŋga tami fok Tit ni u voɗoɗ daŋ may.

HEBRENA 10:38

Kay ndaɗta sa ma irim ɗegeena kak iiri ni hu vira, lini nam hoŋ ki daganwa ni, an ka furi kam oloɗi.»

JOSUWE 22:16

«Gola suu tokka vi Yawena u dlasira halaŋga di ana, agi a li dlara bay ɗegeera eg Lona vi suu Israelna na ni kay mege? Agi huɗ tagi ay ki eg Yawe na day a minigi givin ma togolla ki kay tagi ni nanage? Cemi ni agi min a duu ni u Yawe su?

JOSUWE 23:16

Lini agi ŋgel Galamba Yawe, Loogina, vaɗ u agira, Galamba nam ɓiirigira kara, lini agi tuɗ sun loogi suu ɦawana, lini agi goɓ ga fokosiya, yara vi Yawera hin col kolo kagiya, bulumugi ki ni na zak hu mbassa jivira nam ɦagira wandara.»

1 PIYER 3:12

Ii Bu Suuna ka tini kay suu ɗegeena, humusi cen masira lay, nam ɦal ŋgorom maŋ suu li dla cora.»