Dukugi ni sa ɦal tam ki maŋ suu mamsina halaŋŋa ni gege? Ko Loomma li u namu, nam tuɗ hu Yerusalem hu Yuda a min Ziŋ Yawera, Lo ma vi suu Israelna, ni Lo ma ka hu Yerusalemma.
Ko mulna wi ana ami tuɗ ay ki hu ɦoŋzi ma bagi ma Yudana hu Ziŋ Lo ma ŋgolnara. Asi miniɗ ni u gogoyra ceɗira, u guna cuki kaɗu. Sun ndaɗta laɗ ki jivi cocoo. Ndaɗ tuɗ kosi zak zak.
Na ni Lona ma sem ka tii huna hin gi mul maanagelay, suu calaɗ kay gaɗtana halaŋ ki kaŋga su, hin maɗ kom ay a ɓeŋ zi ndaɗta vi Lonara hu Yerusalemba ki su. An, Dariyus, ɦal voɗta ana, ko dla ndaɗta li ni na gasi daŋ may.»
Gola ni dlaanda an daɗ ha agi hin laɗ u suu basi suu juifna a min Ziŋ Lonara ni u begera vi mulnara u taara col ay hu ɦoŋzi ma keŋ lum ma Efratna u fiɗigina hin bas ki kay suu asina u voɗoɗu ka seŋ dukgi.
Tin irigi eg mulna eg suu ɦal gaɗta eg suu ŋgolo suu sun suu vi mulnana, u ɗegee mamba humum gam ay kanu, hurun ki sooy ɗaŋ kay ana ko Yawe, Loonna, ay ka kanu. An tok muli suu vi suu Israel suu ɦiw a tuɗ u anda.
An hin ɦasi doonora, lorra u tlesuu yowosi ki kay sun Ziŋ Looyginara suu mulna u suu mam suu ɦal gaɗta, muli mamsina u suu Israel suu ka na halaŋ ɦasi ayna.
Suu ay kaki eg mulna tokŋa ni Karsena, Setar, Admata, Tarsis, Meres, Marsena, Memukan u suu ŋgolo suu kiɗisiya suu Pers u Medi suu voɗta ki kasi buɗi a kak hu li ma fokŋa hu taraŋga vi mulnana.
Mulna ɓak Danyel di ana, «Gasi Loogina ni Lona vi loogi suu ɦawana, Bu Suuna vi mulina, sa ma tak u dlara mbuɗ mbuɗta kina, kay ana aŋ ndak buɗun u dlara mbuɗ mbuɗ ndaɗta kiyo.»
«Vi tlesuu ugi Helday, Tobia, Yedaya, koyogina ɦasina koŋu. Aŋ taŋga tuɗ karami, tuɗ hu ziŋ Yosiyara, goŋ Sefaniyana, hu li ma asi mbay Babilon hurumma.