EZDRAS 7:10 - Boy Lonana

¹⁰ Ezdras gasi daŋ may ni ɦal hurummi a hal gaɗta vi Yawera, a takaɗ ki kiɗik, li uɗ may, a haɗ gaɗta u dlara jewra vi suu Israelnara.

EZDRAS 7:10 ပူးပေါင်းရင်းမြစ်များ

1 DLAŊ MULINARA 29:18

Yawe, Lona vi Abraham, vi Isaak, vi suu Israelna, somoyomi ka u huu suu maŋsina hurusi a fafaɗta, tuɗusi u huu ma dewna egeŋu.

2 DLAŊ MULINARA 12:14

Nam li dlara ka u voɗoɗɗira kay nam vi hurum ka gasi a hal Yaweɗi.

2 DLAŊ MULINARA 19:3

Doli ɗini dlara jivira ka huruŋu, kay aŋ ŋgal gu ma teteɗ ma asi pam maŋ Aserana ki hu mbas maŋga bel bel. Aŋ vi u huruŋ halaŋ a hum vun gaɗta vi Lonara.»

2 DLAŊ MULINARA 30:22

Boy ma vi Ezekiyasna kal huu suu vi Levina jivi cocoo. Asi ɦal tasi ki u furira maŋ Yawe. Asi li luuna ta ta buuna kiɗisiya, li ɓivun ma mbaa heɓpa u gi deɓpa maŋ Yawe, Lo ma vi somoyosina.

EZDRAS 7:11

Gola ni magaara mulna Artazerzes ɦaɗ maŋ mul ma li ɓivunna, Ezdras, sa wi magaara boy Lonana, Yawe ɦaɗ ay u gaɗ mamba kay suu Israelnara.

EZDRAS 7:25

Kaŋ aŋ Ezdras may ni u yal ma vi Looŋŋa ma ka koŋŋa aŋ tin suu kaɓakŋa u suu gi ii dlara maŋ suu keŋ lum ma Efratna u fiɗigina halaŋ, maŋ suu wi gaɗta vi Looŋŋara, agi hin haɗaɗ ki maŋ suu ka waɗɗina lay.

EZDRAS 7:6

Ezdras namma col ay ni hu Babilon. Nammi sa wi magaara ma ɦal tam ki kay gaɗta vi Moiz ta Yawe ɦaɗ ayra, Lo ma vi suu Israelna. Mulna ɦam tlesuu nam joɓosina halaŋ kay ana ko Yawe, Loomma ka kamu.

JOB 11:13

Aŋ may ni pereɗ iriŋŋi eg Lona na ɗow, aŋ cenemu baa koŋ ha kolo ni mam na ɗow.

SOOLLA 1:2

Na may nam minni gaɗta vi Yawera, saa kaɗ faali lay, njeŋge lay.

SOOLLA 10:17

Yawe, suu hoŋ yasi gana, aŋ ka humusi cen masira, aŋ ka soosi usi lay.

SOOLLA 119:112

An haɗ tan a li u gaɗ maŋga. Ndaɗ hin ki ni a warak manna.

SOOLLA 119:45

Ni an poy yan ki buɗiya kay an halaŋŋi gaɗ maŋga.

SOOLLA 19:7

Ndaɗ col ay u lonara tin ayra, tuɗ ha ki u lonara do ayra, va ma hin ki bay faɗta tam kaɗi.

SOOLLA 57:7

Asi gunun bayna ki fokon hu voɗta, an a jak hura, homon yan ay kaŋgaa. Asi veken zulla ki fokonu, asi tasira cuk hu zul ndaɗta ni faali lay.

MALASI 2:7

A gasira ni sa li ɓivunna ni sa wi dlara, suuna hum boy ma gaɗ tasina ni funumu, kay ana nammi sa vun sunda vi Yawe ma Saɓakŋa Kom Belna.

MATIYE 5:19

Gaɗta vi Lonara lini ta goo ew lay, sana hiniɗ ki wa, haɗ suuna na lay, sa namma hin kaɗak ki hu Mulla huulonara. Sa ma hum u gaɗ ndaɗtana, haɗ maŋ suuna na lay na, sa namma hin mbuɗ sa ŋgolna hu Mulla huulonara.

MATIYE 7:24

«Sa hum boy manna, li umma, tli tammi ko sa ma wi yalna ma min ziimba kolo kay ɦinira na.

Boy Ma Ayra Ma JAŊ Ɓiirimma 13:17

Cecemmi agi wi kiyo, agi li dla ndaɗta na ni, hurugi hin furiya.

SUNDA 1:1

Bananna Tewfil hu magaa manda an ɓiiriɗ jewra ni an ɓak kay dlara Yesu laɗta u haɗta nam haɗ suu mamma, gijaŋŋa ay jew dayra.

GA 8ATAMBARA 16:12

Humugi mba gagi ana agi ay hu mbassa Egiptera ni mborɓiina may. Agi gol gaɗ ndaɗta jiviya, lagi uɗ may.

GA 8ATAMBARA 33:10

Asi haɗaŋ dlaaŋga maŋ njaf suu vi Yakobma, takaŋ gaɗ maŋga maŋ suu Israelna, asi ka tiniŋ mbul ma his jivina ciniŋu, laŋ ɓivunna halaŋ kay givin ma togolla maŋŋa.

1 TIMOTE 3:2

Sa ma gol suu vi Kristuna lini sa ma ŋgul ka egembina, nam lini sa ma cara um dewna, doo tamu, ɗigiliya, ŋga tambi, lini sa ma suuna tuɗumma, nam li ndaki a haɗ suuna.

2 TIMOTE 4:2

Di Boy Lonana col kam eŋe, lini lina ka jivi ɗowba jiviɗi lay, mal huu suuna, yalasiya, gaɗasiya, haɗasi u lalamba jivira.

TITTA 2:1

Aŋ may ni haɗ va ma ɗegee, ma tuɗ u haɗta gasira.

TITTA 2:15

Gola ni va ma aŋ haɗamma, col kam u saɓakŋa a haɗ suu ka humuŋ boy maŋŋana yalasiya. Hin sa dukusi a panaŋgi.

WIRA ŊGAYRA 22:14

Furira ka kay suu mbus baraw masina kina, asi ni suu voɗta ka kasi a ti vuɗ gu ma vi iirirana, cuk ha ni hu gulumun ma kal ha ɦoŋzina.

1 SAMUEL 7:3

Samuel di suu Israelna halaŋ ɗaŋŋi ana, «Lini agi hoŋogi ay eg Yawe ni u hurugi ma dewna ni agi noyogi loogi suu ɦawa suu varagina u loogi Astart kiyo, tinigi hurugi kay Yawe, agi sunummi nam dew nam hin ɓaɗagi ay ki ko suu Filistinna.»