EZDRAS 6:14 - Boy Lonana

¹⁴ Suu basi suu juifna tuɗ fok u minda min zira u jivira ko boy ma vi sa jok vun Lona Age u sa jok vun Lona Zakari ma goŋ Idona damma na. Asi daɓ sun zira kiyo ko gaɗta vi Lo ma vi suu Israelna daɗta na, u gaɗta vi Sirussa, vi Dariyussa, vi Artazerzes, mul ma Persna na.

EZDRAS 6:14 ပူးပေါင်းရင်းမြစ်များ

EZDRAS 3:8

Olo, hu basara mbara hu mbaasira hu Ziŋ Lonara hu Yerusalem hu til ma mbana, Zorobabel ma goŋ Salatiyelna u Josuwe ma goŋ Yosadakŋa u gorsesi suu usi hinna, u muli suu li ɓivunna u suu Levina u suu hoŋ ay ki hu mbaɓura Yerusalemma gijaŋ tin suu Levi suu basaɗasi su ki kay dok-mbarana a tuɗ li sun Ziŋ Yawera.

EZDRAS 4:24

Na ɗaŋŋi, sun Ziŋ Lonara hu Yerusalem seŋŋa. Ndaɗ seŋ ki ni ta ta hu basara mbara vi mulna Dariyus ma Persna.

EZDRAS 4:3

Na may Zorobabel may, Josuwe u suu malayaŋ zi suu usi hinna dasi ana, «Ami ka min ana ami u agi miniygi zira maŋ Looyginaɗi. Ami min zira maŋ Lo ma vi suu Israelnana ni ami hol. Sirus, Mul ma Persna, ɦami voɗta na ni namu.»

EZDRAS 5:1

Hu li ma suu jok vun Lona Age u Zakari ma goŋ Idona ɓak boyna ki kay suu juif suu hu Yudana u suu hu Yerusalemma u sem Lo ma vi suu Israelna ma ka kasina,

EZDRAS 5:13

Doli ɗini hu basara jewra vi mulna Sirus ma Babilonna, mulna Sirus ɦal voɗta ana min Ziŋ Lona ndaɗta.

EZDRAS 5:2

Zorobabel ma goŋ Salatiyelna u Josuwe ma goŋ Yosadakŋa col kolo gijaŋ min Ziŋ Lonara hu Yerusalem. Suu jok vun Lona u asi a njunusira.

EZDRAS 6:3

Hu basara jewra vi mulna Sirussa, mulna Sirus ɦal voɗta ana, Ziŋ Lonara hu Yerusalem. «Zira hin hoŋoɗ minda ni hu li ma suuna li ɓivunna huna, hu li ma uɗ kaŋga gii huna, fiyekeɗ ni metre dok-hindi, bubuuɗ ni metre dok-hindi.

EZDRAS 6:8

Gola ni dlaanda an daɗ ha agi hin laɗ u suu basi suu juifna a min Ziŋ Lonara ni u begera vi mulnara u taara col ay hu ɦoŋzi ma keŋ lum ma Efratna u fiɗigina hin bas ki kay suu asina u voɗoɗu ka seŋ dukgi.

EZDRAS 7:1

Ŋgoo dagan dla ndaɗta hu li ma Artazerzes, mul ma Persna, ti mullana, Ezdras ma goŋ Serayana, ma goŋ Azaryana, ma goŋ Hilkiyana,

EZDRAS 9:9

Kay ana ami ni ŋgayagina, may ay hu mbaɓu mamira, Loomina, noyomi ka kiɗi. Fun tami u mul ma Persna, nam saa kami u ɗegee mamba a ɦami iirira a hoŋ Ziŋ Loominara balamaɗ minda, hoŋoɗ tlegeyeɗ suu ɓeŋ kina balamasiya, a ɦami li ma ŋgayra hu Yuda u Yerusalem.

NEHEMI 6:15

Sun gulumunna daɓ ki hu buu ma dok-mba yam vadlna hu til ma yam ana Elulna hu buu ma dok-vadl yam mbana.

EZAYI 44:28

An di Sirus ana, «Aŋŋi saan ma taaran yoorina.» Dlara an miniɗta halaŋ aŋ hin laɗ kiyo. Hin di Yerusalem ana, nam min ki kolo balamamu kay ziŋ Lonara ni ko ndaɗ col ki kolo balamaɗu.

Magaara Vi Sa Jok Vun Lona AGE 1:1

Hu basara mbara, hu til ma karkiyana, hu buu ma jewna hu cokira Dariyus a mulnara, Yawe ɓak boy mamma ay ki fun Age sa jokom vunumma, maŋ Zorobabel goŋ Salatiyelna mul ma hu mbassa Yudara, maŋ Josuwe goŋ Yosadakŋa mul ŋgol ma li ɓivunna.

Magaara Vi Sa Jok Vun Lona AGE 1:8

Ɗiŋigi kolo kay ɦinira, yowogi guna aya, mbay miningi ziinda. Yawe di ana, An hin li furira huruɗu, an hin tak saɓak manna kiyo.

ZAKARI 1:1

Hu til ma kalavandina, hu basara vi mulna Dariyus ta mbara, Yawe ɓak boy mamma ay maŋ sa jok vun Lona, Zakari, ma goŋ Berekiyana, goŋ Iddona.

ZAKARI 1:16

Kay ndaɗta Yawe ɓak ana, an hoŋ ay eg Yerusalem u jivi manda, ziinda hin min ki kolo may, Yawe, ma Saɓakŋa Kom Belna, di na, hin waɗ zewna ha kay Yerusalem.

ZAKARI 4:9

Zorobabel gi u zi ndaɗta kaŋga u kommi namu, kom hin daɓaɗ sunuɗ ki ni nam lay, agi hin wi ki ana Yawe, ma Saɓakŋa Kom Belna, sunun ay egegi ni namu.

ZAKARI 8:9

Yawe, ma Saɓakŋa Kom Belna, ɓak ana, Soogi ugiya, agi suu hum boy ma suu jok vun Lona damma. Hu buu ma hin gi u zira vi Yawe kaŋga a hoŋoɗ mindana.