EZDRAS 6:12 - Boy Lonana

¹² Na ni Lona ma sem ka tii huna hin gi mul maanagelay, suu calaɗ kay gaɗtana halaŋ ki kaŋga su, hin maɗ kom ay a ɓeŋ zi ndaɗta vi Lonara hu Yerusalemba ki su. An, Dariyus, ɦal voɗta ana, ko dla ndaɗta li ni na gasi daŋ may.»

EZDRAS 6:12 ပူးပေါင်းရင်းမြစ်များ

1 MULINA 9:3

Yawe hin dam ana, «An hum cenda u joɓpa aŋ joɓondawa. Zira aŋ miniɗ ndaɗta an mbuɗuɗ ki teteɗ wa, a sen hin yi ha huruɗ ni na gak gak. Irin u hurun halaŋ ka cuki kay Zi ndaɗta.

GA 8ATAMBARA 12:5

Agi hin halammi hu li ma Yawe Loogina hin manam duk njafagi halaŋ a tin sem huna, a kakŋi hu lay, ni agi hin tuɗ ni hu li namma.

GA 8ATAMBARA 12:11

Ni hu li ma Yawe Loogina manam u tamba a sem tii ki huna. Agi tuɗ u tlesuu an dagi ana agi tuɗ u asiyana halaŋ, ɓivun ma ŋgalam ki ŋgalina, ɓivun magi ma kay tagina, ɦal magira ɦawara, megelay ma agi manam u min magira a ɦam ki maŋ Yawe Looginana.

KALKIRA 20:24

«Aŋ minin givin ma togolla u ndaŋgara a lan ɓivunna hura, a li ɓivun ma ŋgalam kina u ɓivun ma heɓpa u yoori suu goorina u suu ŋgolona, hu li ma an tak sen huna halaŋ. An hin mbay egeŋu, hin paɗ vunun ki kaŋu.

SUNDA 9:5

Nam joɓom ana, «Ni aŋ gege, Bu Suuna?» Del ndaɗta hoŋom dira ana, «Ni an Yesu ma aŋ lasanna.

ABDIYAS 1:10

Ni kay saɓak ma aŋ lam eg wayaŋŋa Yakobma zolona mba kaŋŋi na, aŋ ki bulumi ni a fafaɗta.

EZAYI 60:12

Njaf suuna u muli suu ka min a sunugiɗina hin ba kiyo, njaf suu asina halaŋŋi hin dik kiyo.

DI BOLLA 9:10

Tlesuu aŋ ndak a lasi u ɓik koŋŋa ni aŋ lasi gaw gaw. Kay ha duk suu miɗina ni yalna sunda u wira wi dlara halaŋ ka oloɗi.

SOOLLA 5:10

Suu asina dlara jiv ka funusiɗi, hurusi ni dlara ɓalak suuna kira. Delesi ni ko vun zul suuna ki malira na, sinisi di dlara ganyamba cocoo.

ESTER 8:14

U gaɗta vi mulnara, magaara ɓiiriɗ ndaɗta tew ki ko suu li sunda may ni asi tuɗ ki u ndaɗ ni na zak gaw. Gaɗ ndaɗta asi hin ɓakaɗ ki hu Suz ɦoŋzi ma saɓakŋa.

2 DLAŊ MULINARA 7:16

Cemi ni an man li namma wa, an mbuɗ ziin ndaɗta ki teteɗ kay sen yi ha huna gak gak. Irin u hurun halaŋ ka cuki kay li namma.

GA 8ATAMBARA 16:2

Agi li ɓivun ma vun til Pakŋa maŋ Yawe Loogina, u yoori suu gorina lay, suu ŋgolona lay, ha hu li ma Yawe Loogina manam ki tin sem huna.

EZDRAS 6:13

Na ɗaŋŋi mul ŋgol ma keŋ lum ma Efratna u fiɗiigina Tatnay, Setar-Bosnay u ndarayasina li dlara ni u gaɗta mulna Dariyus sunuɗ ayra.

EZDRAS 6:14

Suu basi suu juifna tuɗ fok u minda min zira u jivira ko boy ma vi sa jok vun Lona Age u sa jok vun Lona Zakari ma goŋ Idona damma na. Asi daɓ sun zira kiyo ko gaɗta vi Lo ma vi suu Israelna daɗta na, u gaɗta vi Sirussa, vi Dariyussa, vi Artazerzes, mul ma Persna na.

EZDRAS 7:15

Olo a yow gursuna u lorra suu mulna ɦasi ɦalla ɦawara u suu mam suu ɦal gaɗta maŋ Lo ma vi suu Israel ma ziim ha hu Yerusalemma.

EZDRAS 7:26

Gegelay ma li ka u gaɗta vi Looŋŋaraɗi, li ka u gaɗta vi mulnara u voɗoɗɗina kaam ɓakŋa kamu, cam ki ɗowba, bulumum njafam ki ɗowba ŋgaam warakka kam ɗowba gam daŋgayna.»

EZDRAS 7:17

A jivira ni aŋ hin hal yal ma gus bolo mbutlina, gamlagina, gor timigiina u tlesuu hin halasi a ɦalla ɦawarana u ɓivun ma ŋgalam ki ŋgalina, aŋ hin tuɗusi ha hu givin ma togolla hu Ziŋ Looginara hu Yerusalem.