EZDRAS 5:14 - Boy Lonana

¹⁴ Olo tlesuu hu Ziŋ Lonara, suu u lorrana u doonora suu Nabukodonosor yowosi ay ki hu Ziŋ Lona ta Yerusalemba a tuɗusi ha ki hu zira vi lona ta Babilondana, mulna Sirus yowosi ki hu zira vi lona ta Babilonda a ɦasi ki maŋ sa ma yam ana Sesbasar ma nam tinim a mul ŋgolnana.

EZDRAS 5:14 ပူးပေါင်းရင်းမြစ်များ

EZDRAS 6:5

Olo, asi hin yow tlesuu hu Ziŋ Lonara suu u lorra, suu doonora, suu Nabukodonosor yowosi ay ki hu Ziŋ Lona ta Yerusalemba tuɗusi ha ki Babilonna va maanagelay ni hin tuɗ ki hu liim hu Ziŋ Lona ta Yerusalemba. Aŋ hin cukusi hu Ziŋ Lonara.»

JEREMI 52:19

Sa ŋgol ma gol u suuna hin yow ŋgalina, tassagina, ŋgali suu yam tlena ki u asina, givin ma li ɓivunna, pindilla, va ma cira u tassagi suu lorra u suu doonorna.

EZDRAS 5:16

Na ɗaŋŋi nam Sesbasar namma mbay gi u Ziŋ Lonara kaŋga hu Yerusalem. Col ay hu li namma day ta ta cemi ni asi ka miniɗu, may bay ɗaɓ ki tuwa.

SUNDA 13:12

Mulna wi dlara lira na ni vi u Boy Lonana gaw. Haɗta kay sem Bu Suunara mbuɗum ndaana ɦay.

Magaara Vi Sa Jok Vun Lona AGE 2:21

«Ɓak Zorobabel mul ma Yudana dam ana: huulona u yam ndaŋgara hin dlak konu.

Magaara Vi Sa Jok Vun Lona AGE 2:2

«Ɓak Zorobabel goŋ Salatiyel ma mul ma Yudana ɗaŋ, maŋ Josuwe goŋ Yossadakŋa, mul ŋgol ma li ɓivunna u suu hiŋŋa halaŋ may dasi ana,

Magaara Vi Sa Jok Vun Lona AGE 1:14

Yawe mal saa Zorobabel ma goŋ Salatiyel ma mul ma Yudana kiyo, saa Josuwe ma goŋ Yosadakŋa mul ŋgol ma li ɓivunna kiyo, mal saa suu hiŋŋa ki lay. Asi mbay gijaŋ sunda hu zira vi Yawe, ma Saɓakŋa Kom Belna, Loosina.

Magaara Vi Sa Jok Vun Lona AGE 1:1

Hu basara mbara, hu til ma karkiyana, hu buu ma jewna hu cokira Dariyus a mulnara, Yawe ɓak boy mamma ay ki fun Age sa jokom vunumma, maŋ Zorobabel goŋ Salatiyelna mul ma hu mbassa Yudara, maŋ Josuwe goŋ Yosadakŋa mul ŋgol ma li ɓivunna.

VUN ŊGOLNA 21:1

Huu mulna hu duk ko Yawe ni ko ndal mbo ma ɓaɗna na, nam ndak a ɓaɗam aragelay u min mamba.

EZDRAS 7:27

Gi deɓpa maŋ Yawe, Lona vi somoyoygiya, ma ɦal dlara jivira huu mulna a ŋga Ziŋ Yawera hu Yerusalemba.

2 DLAŊ MULINARA 36:18

Nam yow tlesuu hu Ziŋ Lonarana ki halaŋ halaŋ. Suu ŋgolona u suu gorina lay u begera ka hu Ziŋ Lonara lay ta vi mulnara lay, begera vi suu ŋgolo suu sunda lay. Nam tuɗ tle asina ki hu Babilon bel bel.

2 DLAŊ MULINARA 36:7

Nam yow tlesuu daŋ suu li sunda hu Ziŋ Yawera, tuɗusi ha ki vo hu ziim tamba lay.

EZDRAS 5:15

Nam dam ana, yow tlege asina, tuɗ cukusi hu Ziŋ Lonara hu Yerusalem, ko Ziŋ Lonara min ki balamaɗu.