EZDRAS 5:11 - Boy Lonana

¹¹ Gola ni hoŋ dira mbayra, ami ni suu sunda vi Lo ma kolo huulonana, kaŋga kay ndaŋgarana. Ami hoŋ zira mul ma Israel maa dew miniɗ basara bolowra daɓaɗ sunuɗ ki layra kolo minda balamaɗu.

EZDRAS 5:11 ပူးပေါင်းရင်းမြစ်များ

URA TIN AYRA 24:3

An min ana, aŋ suu taŋ ki fokon tani u Yawe, Lona ma li huulona u ndaŋgara layna ana, aŋ ka van cara maŋ goronna duk gorɓii suu kanaan suu an kagi dukusi wannaɗi.

1 MULINA 6:38

Daɓ zira ki minda u tlegeyeɗ halaŋŋi hu basara doogo yam dew ta Salomon kak mulnara. Ni hu til Bul, ni ana til ma kalavandina. Li basara a min Ziŋ Yawera ni kiɗisiya.

1 MULINA 9:10

Hu basara dok-mba' ta Salomon min zigini suu mbana, Ziŋ Yawera u ziŋ mulnara.

EZDRAS 5:10

Olo ami hin joɓosi kay sesi a takaŋsina ki a aŋ ɓii sem suu fokosina ki kaŋga koŋga.

SOOLLA 119:46

An ɓakaŋ dla gaɗ maŋga ki fok mulina, an ka li zolo kay gaɗ maŋgaɗi.

SOOLLA 136:26

Gagi deɓ maŋ Lo ma kolona, kay ɗegee mamba ka ni na gak gak.

DANYEL 3:26

Na ɗaŋŋi Nabukodonosor ɦuɗ tam ha fun zulla kura ŋgik ŋgikka. Nam ɓak boyna hin di ana, «Sadrak, Mesak u Abed Nego suu sunda vi Lo ma Kolo Dayna, selegi ay kiyo, kakagi iiriya.» Na ɗaŋŋi Sadrak, Mesak u Abed Nego sel ay ki duk kura.

JONAS 1:9

Nam hoŋosi dira ana, «Anni sa ma Hebrena, an goɓmi Yawe, Lo ma Kolona, nammi sa ma li mbo lum ma ŋgolona u ndaŋgara halaŋ.»

MATIYE 10:32

«Sa ma di ki kan fok suuna ana an ni saamma na, an hin di ki kam fok Bun ma huulona ana nammi manna may.

Boy Ma Ayra Ma LUK Ɓiirimma 12:8

«Sa ma di ki kan fok suuna ana nammi mannana Goŋ Sanna hin di ki kam fok suu sunda huulona ana nammi mamma may.

SUNDA 27:23

Hu njeŋgera wanni sa sunda vi Lona ma an sunumma mba egenu.

ROMMA 1:16

An ka li zolo kay Boy ma Ayraɗi, nammi saɓak Lonna kay suɗ gegelay ma tin hurumma, ay jewni suu Juifna, hinni maŋ suuna halaŋ may.

ROMMA 6:16

Agi wi kagi ana agi ɦal tagi wa a li sunda vi saa ni hum umu, agi hin mbuɗ ni mborɓiina vi sa ma agi hum uma, li u cora a tuɗuŋ hu miɗna kala, ɗowba u hum vunna a tuɗuŋ hu ɗegeera fok Lona.

GALATENA 6:14

Lini kan anu ni an ka min a ŋga tan kay garakŋa vi Buu Suuna Yesuɗi, kay garakŋa vi Kristu ni tlesuu hu duliyara halaŋ ki miɗi kanu, an tanda ki miɗi kay tlesuu hu duliyarana may.

JOSUWE 24:15

Lini ka irigi jivi a sun Yaweɗi ni managi sa ma agi a sunumma kiyo, lini loogi suu vi somoyogi suu asi goɓosi ay ŋgoo lumma ii hiniŋŋa na kala, lini loogi suu vi suu Amorna hu mbassa agi cuki huruɗ cemi wanda kala ni. An u ziin halaŋ ami sunni Yawe.»