EZDRAS 4:12 - Boy Lonana

¹² Asi ndak a tak ki maŋ mulna ana suu juif suu col ay varaŋ a mbay egemi hu Yerusalem a min ɦoŋzi ma honira u yara. Asi hin hoŋ gulumunna minda, hin gol u zira kaŋga giira ki jivi may.

EZDRAS 4:12 ပူးပေါင်းရင်းမြစ်များ

EZDRAS 5:9

Na ɗaŋŋi ami joɓ suu basi masina hin dasi ana, sa ɦagi voɗta ana agi min zi ndaɗta gaɗ gulumunna kaɗna ni gege?

EZDRAS 5:3

Hu li namma ni sa ŋgol ma keŋ lum ma Efratna u fiɗigina, Tatnay, Setar-Bosnay u banayasina mbay egesi hin dasi ana, «Sa ɦagi voɗta a min zi ndaɗta, gulumun ma kaɗna u yaɗta kolora ni gege?

2 DLAŊ MULINARA 36:13

Mulna Nabukodonosor suu tam fokommi u sem Lona. Na may Sedesiyas hin mbuɗ a sa ma babalira u namma. Nam so yam ki ni ka min a hoŋ ay eg Yawe, Lona vi suu Israelnaɗi.

1 TESALONIKŊA 5:22

Doorogi tagi kay dla cora halaŋ.

SUNDA 24:5

Ami wi ana sana wanni sa ŋgol ma dlam ki saɓaki co ɦayna, nam mba dlara duk suu Juifna suu hu ndaŋgara halaŋ, nam ɓeŋesi ki ni namu, nammi mulna fok suu Nazaretna.

Boy Ma Ayra Ma LUK Ɓiirimma 13:34

«Yerusalem agi ci suu jok vun Lonna kiyo, suu Lona sunusi ayna, agi casi ki u gogoyra lay. An min a tokoŋ suu huruŋŋa egenu ko tlekka tok goryoɗ u garaŋaɗta yan gage? Agiya agi min kaɗi lay.

DANYEL 9:25

«Wi dla ndaɗta ki jivi saa kaɗ ɗaŋ, ay hu li ma boyna di ay ki kay a hoŋ Yerusalem mindara ta ta tew kay mul maɗnara ni, cokira hin li na kiɗisiya, cokira dok kiɗisiya, dok kiɗisiya. Hu cokira dok karkiya yam mbara lina u zulla ŋgolla hin tos ki ni hu yoo tara.

JEREMI 52:3

Dlara li hu Yerusalem u Yudara mbuɗ huu Yawe ki yara a nam dikisi ha ki egem day. Sedesiyas mbuɗ yara eg mul ma Babilonna.

NEHEMI 1:3

Asi dan ana, «Suu hin ay u suu yowosi ay ki mbaɓura hu ɦoŋzi ma baginana ni hu hahawra ŋgolla u zolona lay. Gulumun ma Yerusalemma gaɓalam hinni nam ɦawaa, vun grekŋa ki ŋgali halaŋ may.»

EZDRAS 4:19

An ɦal voɗta asi hal u dlara hin fi ay kaŋga ɓiiri ana ɦoŋzi namma li yara u mulina, asi laɗ sunuɗ ni u yara u ɓeŋga lay.

EZDRAS 4:15

A asi hal u dlara hu magaara saara vi somoyoŋga ka huruɗta. Hu magaa ndaɗta aŋ hin fi dlara aŋ hin wi ana ɦoŋzi namma ni ɦoŋzi ma yara hal boy cona kay mulina u suu hu ɦoŋzi ma bagina hu li ma asi gijaŋ min tasi a yara ay hu jew day day na. Ni kay ndaɗta ɦoŋzi namma ɓeŋem ki ni na.

2 MULINA 24:1

Nabukodonosor tli mbassa Yudara ki ni hu li ma nam kaki a mulnana. Joakim hoŋ yam kaŋga umu, may tew hu basara hindira may ni nam hoŋ col yara u namu.

2 MULINA 18:20

Aŋ di ana, Lini di boyna wa na dew ni ndaki a fi saɓakŋa hu li ma duuna. Cemi wanda aŋ tin saa maŋga a duu u anda ni eg mege?

EZDRAS 4:11

Gola ni magaara asi sunumba ay ndaɗta. «Maŋ mulna Artazerzes, suu mam suu sunda, suu keŋ lum ma Efratna u fiɗiginana.

ESTER 3:8

Na ɗaŋŋi Haman di mulna Zerses ana, «Suu ka ki kay tasi ɓorowiya, irisi ka ki kaay duk suu hu ɦoŋzi ma aŋ ti mulla kamma halaŋ halaŋ. Gaɗ masira ki zeɗ u ta vi suunara halaŋ halaŋ. Asi ka li u gaɗta vi mulnaraɗi. Mulna hin a hinisi kaki ɦawa na enɗi may.

DANYEL 3:8

Hu li namma gaw ni, suu Kaldeenna ɦuɗ tasi ay ɦuɗ ni sek suu Juifna gaw may.

NEHEMI 6:6

Ay ɓiiri huruɗ ana, «An hum suuna ɓak duk tasiya, Gasmu hin di ana, aŋ u suu Juifna saa magira ana agi min li yara ni, kay ndaɗta aŋ min gulumunna ni a mbuɗ ki mul masina ko suuna dira na.