EZDRAS 3:7 - Boy Lonana

⁷ Asi ɦal gursuna maŋ suu ceɗ gogoyra lay, maŋ suu ɓal guna kay zirana u tlesuu tira lay, summa lay, mbulna lay maŋ suu Sidonna, maŋ suu Tirna a asi mba gu sedrena ay ki duk mbo lum ma ŋgolna, dol ay hu Liban ta ta Yoppe, tuɗ ay hu voɗta mul ma Persna, Sirus, ɦasirara.

EZDRAS 3:7 ပူးပေါင်းရင်းမြစ်များ

2 SAMUEL 5:11

Hiram, mul ma Tirna, sun suu sunda ay eg David u gu sedrena, suu li sun guna, suu ceɗ gogoyra min ziginina, asi min zira maŋ David.

1 MULINA 5:6

Salomon kulumi mamma ni 12.000, zigini suu buu kulumi suu pus pusna ni 40.000 may.

2 MULINA 12:10

Mul ma li ɓivunna Yoyada tli zandukka cuk gursuna tiniɗ keŋ otel bik njufu, co zul li ma cuk gursuna kaɗ kolo may. Hu li ma asi cuk ha kalafi hu Ziŋ Yawera wa ni, mul ma li ɓivun ma ka juɓ u zandukkana cuk gursu namma hu halaŋ.

2 MULINA 12:13

Warak suu minda, suu ceɗ ɦinira, hin a gus mbalna u ɦinira ceɗi jivi a min Ziŋ Yawera li ma ki ɓalakina may kay sun mayra ka li a bas kay a min Ziŋ Lonara halaŋ halaŋ.

2 DLAŊ MULINARA 34:10

Asi ɦal gursu namma ko suu ŋgolo suu gol sunda suu ka a ŋgolora hu Ziŋ Lonarana. Asi warak suu ka li sunda a hoŋ min Ziŋ Lonara kina u gursu namma may.

EZDRAS 3:6

Hu buu ma fok jew hu til ma kiɗisiyana, asi gijaŋ mbay u ɓivun ma ŋgalam ki ŋgalina maŋ Yawe. Doli na ni u Ziŋ Yawera ni bay gi kaŋga tu lay.

EZEKIYEL 27:17

Suu Yudana u suu Israelna hin li paara u agi lay. Asi hin gusugi tlegeyegi u wa blena, u mbul yumma u mbul conona u mbul ma his jivina may.

JONAS 1:3

Jonas col kolo colni pii tin irim ki hu ɦoŋzi ma Tarsisna a ŋgay tam ki day eg Yawe. Nam tuɗ ga hu Yoppe, tuɗ fi lum kawi ma asi minim a tuɗ Tarsisna huwa. Nam warak suu lum kawina, ful usi a tuɗ ki hu Tarsissa may. Ki day eg Yawera.

SUNDA 12:20

Mulna Herod hurum mbuɗ yara eg suu Tirna u suu Sidonna cocoo. Asi hin taɓ vunusi ay halaŋ mba egemu. Asi fi Blastus sa ma ŋgol ma li sunda hu zina vi Mulnana. Ŋgoo dagan asi tuɗ eg Mulna Herod kay a taɓ dukusiya. Kaymege suu masina fi tina ha ni varam tani.

SUNDA 9:36

Cara vira dew ay hu ɦoŋzina Yoppe yaɗ ana Tabita (sem namma ni u vun Grekŋa ana Dorkas mbuɗ ki ni ana Dukka). Ndaɗ ay tew tew li jivira maŋ suuna njun u suu hawra.

SUNDA 9:38

Suu haɗi suu Yoppena hum ana Piyer ka hu Lida ni, ndaɗ tok eg Yoppe, asi cuk suu vun sunda ha egem mba dam ana, «Ami ceneŋi ceniya aŋ mbay varami na zak vi yaŋ ayɗi.»

SUNDA 9:43

Piyer kak hu ɦoŋzi ma Yoppena buuna ŋgolo vo vi sa ma li sun ɗikka sem ana Simon.