EZDRAS 3:11 - Boy Lonana

¹¹ Hu geleɗta u gi deɓpa maŋ Yawera asi hoŋ dira ana, «Kay ana nam jiviya, ɗegee mamba kay Israel ni a fafaɗta.» Suuna halaŋ yi ha kolo u furira, geleɗ Yawe kay u Ziŋ Yawe ta gaɗ kaŋgara.

EZDRAS 3:11 ပူးပေါင်းရင်းမြစ်များ

1 DLAŊ MULINARA 16:34

Geleɗegi Yawe, kay ana nam jiviya kay ana ɗegee mamba ni a fafaɗta.

SOOLLA 106:1

Halleluya. Ŋgaagi Yawe kay nam jiviya, ɗegee mamba ka ni na din din.

SOOLLA 107:1

Ŋgaagi Yawe kay nam jivi ɦay, ɗegee mamba ha ni na din din.

SOOLLA 103:17

Na may ɗegeera vi Yawera ka ni tew tew a fafaɗta, ndaɗ ka kay suu lam ndaaramma, ɗegee mamba ka ni kay njaf suuna u goryosiya,

JEREMI 33:11

della yi kolo u furira, luu ma jivina lay, gi soolla u furira ko ndal suu ɗum tasi wilina na lay, ko ndal suu mbay u ɓivunna u furira hu Ziŋ Yawera di ana, «Ŋgaagi Yawe ma Saɓakŋa Kom Belna kay ana nam jiviya, ɗegee mamba ni a fafaɗta.» Gasi an hin hoŋ mbas ndaɗta kolo balamaɗu. Ndaɗ hin hoŋŋi hu balamaɗ ma jewna. Yawe di na.

SOOLLA 135:3

Halleluya, Yawe, nam jiviya. Gagi soolla geleɗemba, nam min suuna cocoo.

SOOLLA 118:1

Geleɗegi Yawe kay nam jiviya, ɗegee mamba ka ni na din din.

2 DLAŊ MULINARA 7:3

Suu Israelna halaŋ wi kura ay kolo huulona ndaɗta u Bibiŋil Yawera kolo kay Ziŋ Lonara, asi goɓ kaŋga daɓ vogosi kaŋga duk ndaŋgara, huu kaana kurufu fun Ziŋ Lonara, ŋga Lona di ana, «Kay nam jiviya, ɗegee mamba ha ni na din din.»

EZAYI 12:6

Gagi soolla furira agi suu cuki hu Siyonna, kay ma teteɗ ma vi suu Israelna nam ŋgol cocoo, nam ka dukugiya.

NEHEMI 12:24

Suu ŋgolo suu fok suu Levi na ni Hasabiya, Serebiya u Yesua ma goŋ Kadmiyelna, vogosi ŋgurufi u gorsesina a gi soolla ko gaɗta David sana vi Lona ɦaɗta na, gegelay ni u ŋguyra sunda, gi solla geleɗta u gi deɓpa.

EZAYI 44:23

Huulona koogi kogiya, kay Yawe ŋgen tam wa. Ndaŋgara furiya, ndak ɦinira li ayra, u ŋgoo bagira u gura huruɗta halaŋ furiya kay Yawe suɗ Yakob ki wa. Nam ka tak ŋgol mamba ki duk suu Israelna.

KALKIRA 15:21

Miriyam gasi u soolla ana, «Geleɗegi bibiŋil Yawera, nammi sa ma saɓak cocona. Nam ndak a suuna ŋgaam cocoo, kulumina u suu kasina halaŋ nam cukusi duk mbo lumma.»

Boy Ma Ayra Ma LUK Ɓiirimma 1:50

Nam hurum haɗ kay suu hum umma.

ZAKARI 9:9

Li furira, goora vi Siyon. Yi ha kolo u delek eŋga, goora vi Yerusalem. Gola mul makŋa ka tuɗ vo varaku. Nam ɗegee, saɓak lay, lamlam, fuli kay korra, kay goo korra.

EZAYI 6:3

Asi sawalla kolo duk tasi ana, «Teteɗ, teteɗ, teteɗ, Yawe, ma Saɓakŋa Kom Belna. Bibiŋil mamba oy ki kay yam ndaŋgara halaŋ halaŋ.»

SOOLLA 47:1

Soolla vi sa ma fok suu gi soollana, soolla vi goryoŋ Korena.

1 DLAŊ MULINARA 16:41

Suu u asina ni Heman u Yedutun u suu ŋgaɓasi yasi ki u sesi a geleɗ Yawena, «Kay ana ɗegee mamba ni a fafaɗta.»

NEHEMI 12:40

Suu gi sool suu irisi ɓorowi mbana, col hu Ziŋ Lonara olo u an tanda may, nus suu kaɓak suu ay unna may.

SOOLLA 47:5

Nam manaygi mbas maygira kiyo, njaf ma vi Yakob ma nam minimma.

JOSUWE 6:5

Hu li ma dif gamlagina buwa, agi hum del difina wa ni, suu Israelna halaŋ tum soora, ni gulumun ma ŋguy kay zinana hin bow ay ki ga kay tamu. Suu Israelna gegelay ni kal ha ni fokom ɗegee hu li ma nam coli huna gaw.»

JOSUWE 6:16

A ŋguy mayra sesi a kiɗisiyara ni muli suu li ɓivunna bu diffa. Josuwe di suu Israelna ana, «Tumugi soora kay Yawe ɦagi ɦoŋzi namma ki ni magiya.

JOSUWE 6:10

Josuwe di suu halaŋŋa ana, «Agi ka tak delegi ki na ndeɗi, ka boy ma kal ay ki funugiɗi ta ta tew hu buu ma an hin dagi ana, tumugi soorana, ni agi hin tumugi soora ni na tuwa.»

2 DLAŊ MULINARA 5:13

Suu bu tokolomma u suu gi soolla li ni ko tasi na dew. Asi hum tasi cocoo, taɓi ni ko tasi na dew a geleɗ Yawe, ŋgaam may. Hu li ma tokolomma u diŋŋa u dadarina gijaŋ bura wa ni, asi geleɗ Yawe di ana, «Kay nam jiviya, ɗegee mamba ha ni na gak gak.» Huu Ziŋ Lonara oy ki u ɗugulla.

SOOLLA 100:5

Kay Yawe nam jiviya, ɗegee mamba ka ni tew tew, gasi mamba ka din din a fafaɗta.

SOOLLA 131:1

Soolla suu tuɗ luu ma vi Lonna gaɗta, vi David. Yawe, hurun ka ŋga tam oloɗi, irin ka gol ha ki na day oloɗi. An ka hal ŋgolla oloɗi lay. Ka hal dlara su saɓakandaɗi lay.

ZAKARI 4:7

Ndak li ay jew ni mege, ndak ɦinira ŋgolla? Fok Zorobabel ndak mbuɗ ki ni lii mbassa, ni hu li namma tli ɦinira ŋgolla ay ki u yira yi kolo kaɗ u saɓakam kaɗta.

Magaara Vi Sa Jok Vun Lona AGE 2:3

Dukugi agi suu hini iiri wanna, sa wi zi ndaɗta ay hu jivi maɗta jewra ni gege? Agi waɗ cecemi ni ndaɗ ni nanage? Agi waɗ cecemi irigi ni ko ndal va ɦawana naɗi su?