EZDRAS 2:1 - Boy Lonana

¹ Gola ni goryoŋ suu ay hu ɦoŋzi ma bagina suu hoŋ ay ki hu yowra yowosi ki mbaɓurara, suu vi Nabukodonosor, mul ma Babilonna, yowosi tuɗusi ha ki hu Babilon. Asi hin hoŋ ay Yerusalem hu Yuda gegelay hu ɦoŋziimma.

EZDRAS 2:1 ပူးပေါင်းရင်းမြစ်များ

2 MULINA 25:11

Nebuzaradan ma ŋgol suu asgaana yow u suu hin vo Yerusalemma u suu viɗ ay ki suu taɓ ki gin u suu Babilonna u suu may suu hu ɦoŋzina suu maa vo dew dewna halaŋ, tuɗusi ki Babilon.

1 DLAŊ MULINARA 9:1

Suu Israelna halaŋ ndumusi kiyo, ɓiirisi sesi ki hu magaara vi muli suu Israelnara. Suu vi Yudana yowosi tuɗusi ki Babilon mbaɓura ni kay dla coosira.

1 DLAŊ MULINARA 9:2

Suu cuk zina jew kasi u bege masira min ɦoŋzina mayna ni suu Israelna, muli suu li ɓivunna, suu Levina u suu li sunda hu Ziŋ Lonara.

EZDRAS 1:11

Ndum tlesuu doonora u suu lorna halaŋŋi 5,400. Sesbasar yowosi ŋgolosi hu li ma suu yowosi ay mbaɓurana col ay Babilona a hoŋ hu Yerusalemba.

EZDRAS 2:2

Asi ni suu mbay ko tasi u Zorobabel, Josuwe, Nehemiya, Seraya, Relaya, Mordokay, Bilsan, Mispar, Bigway, Rehum, Baana na. Ndum suu wara suu Israelna:

EZDRAS 2:70

Na ɗaŋŋi, muli suu li ɓivunna, suu Levina, suu ɦiw, suu gi soolla, suu gol vun zira, njufii suu sunda kak ha ki ɦoŋzina. Suu Israelna halaŋ ay ki hu ɦoŋziisina.

EZDRAS 5:8

Ko mulna wi ana ami tuɗ ay ki hu ɦoŋzi ma bagi ma Yudana hu Ziŋ Lo ma ŋgolnara. Asi miniɗ ni u gogoyra ceɗira, u guna cuki kaɗu. Sun ndaɗta laɗ ki jivi cocoo. Ndaɗ tuɗ kosi zak zak.

EZDRAS 6:2

Hu li ma saɓak ma Ekbatanena hu ɦoŋzi ma bagi ma Medinaasi fi magaara ɗuɗi kay taɗ ɓiiri huruɗ ana, «Boy ma basina.

EZDRAS 8:35

suu hoŋ ay hu li ma mbaɓura, suu yowosi ay mbaɓurana li ɓivun ma ŋgalam ki ŋgalina maŋ Lo ma vi suu Israelna u bolo mbutlina doogo yam mba' kay suu Israelna halaŋ, gamlagina dok-dleeŋe yam karkiya, gor timigiina dok-kiɗisiya yam kiɗisiya, ŋgekgina doogo yam mba' kay sulukŋa, halaŋŋi kay ɓivun ma ŋgalam ki ŋgali maŋ Yawena.

NEHEMI 12:1

Gola ni muli suu li ɓivunna u suu Levi suu mbay u Zorobabel ma goŋ Salatiyelna u Josuwe, Seraya, Irmeya, Ezra,

ESTER 1:1

Ni hu cokira vi Zersessa. Zerses namma ti mulla kay mbassa bagira ni 127, col ha kay Ind day ta ta tew ki hu Etiyopi.

ESTER 1:11

Asi mbaam ca mulla, Vasti, ay fokom u jum maɗta mulla a takaɗ ki maŋ suuna u jiv maɗna maŋ suu ŋgolo suu sunda vi mulnana. Kay ana ndaɗ jivi a goloɗ u iriŋga ɦay.

ESTER 1:3

Hu basaɗam ta hindira mulla, nam tin luuna maŋ suu mam suu ŋgolo suu sunda u suu mam suu li sunda. Asgaa suu Pers u Medina, suu begera u suu ŋgolo suu sunda suu ay hu zi ma bagina mbay fokomu.

ESTER 1:8

Gaɗta ki tini ana ci ni u huruŋu, kay ana mulna ɦal voɗta ki maŋ suu li sunda hu zira vi koyogina ana asi li ni u minda vi gegelay ma hurum minna.

ESTER 8:9

Suu vi mulna suu ɓii magaara yasi ay ni hu li namma gaw. Ni hu til ma hindi ma yam ana Siwanna, hu buuna dok mba' yam hindi ni asi ɓii magaara ko boy ma Mardose damma na maŋ suu Juifna, maŋ suu komondana, maŋ suu muli suu ŋgolona, maŋ suu ŋgolo suu sun suu ha ki hu ɦoŋzi ma baginana ki hu ɦoŋzina 127, col ha hu Ind day ta ta tew ki hu Etiyopi, maŋ mbassa taaragelay u ɓii mamba, maŋ suu taaragelay u vun masina, maŋ suu Juifna u vun masi ma asi ɓiirimma.

EZAYI 48:20

Cukugi ay ki duk suu Babilonna, liŋigi ki ko suu Kaldena. Della ka ɓak aya, dasira ha ki u furira, jokogi boy namma ha ki kay yam mbassa halaŋ, dagi ana, «Yawe buɗ zoŋ mamma Yakob ay ki wa.»

JEREMI 50:19

An hin hoŋ Israel hu liiɗ ma ti haɗna, ndaɗ hin taa kay Karmelna u suu Basanna asi hin hoɓ ki kay ɦinira Efrayim u Galaadta.

YOORA 1:3

Ki mbuɗi zolona, ki hu lassa mbaɓura, Yuda tuɗ ki hu mbaɓura, ndaɗu, ndaɗ kak ki ni duk njaf suuna. Ndaɗ ka fi yal ma mbuɗ saɓakgi. Suu halaɗ dlaɗ a caɗ kina ɦeɓeɗ ki kolo wa.

YOORA 1:5

Suu babali maɗsina su kaɗu. Suu babali maɗsina dla ka kasiɗi, kay ana Yawe mbuɗuɗ ki hahawra ni namu. Ni kay nek dla cooɗta, goryoɗ suu gorina tuɗ ki mbaɓura fok suu babali maɗsina.

YOORA 4:22

Siyon ta jivira dla co makka daɓ ki wa. Nam hin ka tuɗuk ki mbaɓu oloɗi. Ndak Edom ta jivira nam hin gak daŋgayna kay dla co makka, nam ka ndum dla cora ndak laɗta kiyo.

SOFONI 2:7

Mbas ndaɗta hin hin ki ni maŋ suu usi hin hu Yuda ndena, asi hin taa yoori masisina hu li namma, asi hin koɗ tasi fiɗigi hu ɦoŋzi ma Askalonna. Kay Yawe, Loosina, hin njunusi hu kaɓakŋa hin mbuɗusi dlaasira ki jiviya.

SUNDA 23:34

Mul ŋgolna ndum magaara ndummi, joɓ Pol ana nam ay ni hu ndaŋga taarage? Nam hum ana nam ay ni hu Silisi ni,