EZDRAS 10:18 - Boy Lonana

¹⁸ Duk goryoŋ muli suu li ɓivunnana suu yow boyogi suu koyoginana ni aygi fi ni, duk goryoŋ Josuwe ma goŋ Yosadakŋa u gorsemma, Maseya, Eliyezer, Yarib u Gedaliya.

EZDRAS 10:18 ပူးပေါင်းရင်းမြစ်များ

EZDRAS 10:17

Hu buu ma jewna vi til ma jewna asi daɓ ki u suu yow boyogi suu koyoginana.

EZDRAS 2:2

Asi ni suu mbay ko tasi u Zorobabel, Josuwe, Nehemiya, Seraya, Relaya, Mordokay, Bilsan, Mispar, Bigway, Rehum, Baana na. Ndum suu wara suu Israelna:

EZDRAS 2:36

Muli suu li ɓivunna, goryoŋ Yedayana, ni ana suu hu ziŋ Josuwena 973,

EZDRAS 3:2

Josuwe ma goŋ Yosadakŋa col kolo u gorsem muli suu li ɓivunna, u Zorobabel ma goŋ Salatiyelna u gorsemma lay. Asi hin min givin ma togolla ma vi Lo ma vi suu Israelna a hin lam ɓivun ma ŋgalam ki ŋgalina huna ko ndal ki ɓiiri hu magaara gaɗta vi Moiz, sana vi Lonara na.

EZDRAS 3:8

Olo, hu basara mbara hu mbaasira hu Ziŋ Lonara hu Yerusalem hu til ma mbana, Zorobabel ma goŋ Salatiyelna u Josuwe ma goŋ Yosadakŋa u gorsesi suu usi hinna, u muli suu li ɓivunna u suu Levina u suu hoŋ ay ki hu mbaɓura Yerusalemma gijaŋ tin suu Levi suu basaɗasi su ki kay dok-mbarana a tuɗ li sun Ziŋ Yawera.

EZDRAS 5:2

Zorobabel ma goŋ Salatiyelna u Josuwe ma goŋ Yosadakŋa col kolo gijaŋ min Ziŋ Lonara hu Yerusalem. Suu jok vun Lona u asi a njunusira.

EZDRAS 9:1

Dla ndaɗta daɓ ki daɓmi, mulina ɦuɗ tasi ay egen dan ana, «Suu Israelna, muli suu li ɓivunna u suu Levina ɓorow dukusi ka ki u suu hu mbassanaɗi. Asi taɓ tasi ki u dla cora vi suu asinara. Dla cora vi suu Kanaanna vi suu Hetna, suu Perizna, suu Jebusna, suu Amonna, suu Moabma, suu Egiptena, suu Amorna.

EZDRAS 9:2

Asi u goryosi ɗum gorɓiina, njaf suu teteɗna tlum tasi ki duk suu hu mbassana. Mulina u suu kaɓakŋa ni suu kal tasi hu dlara njenje ndaɗta jewna.»

NEHEMI 12:10

Yekua vuɗ Yoyakim, Yoyakim vuɗ Eliyasib, Eliyasib vuɗ Yoyada,

NEHEMI 13:28

Goŋ Yoyada maa dew, goŋ Eliyasib, mul ŋgol ma li ɓivunna na ni kunuŋ Sanbalat ma Hormina. An dikim tinim yam ha ki egen na day.

NEHEMI 8:4

Sa ma wi magaara, Ezdra, ki coli kolo kay guna ko li ma mbuyna na ma minim kay dlara ko ndaɗta nara, suu keŋem colina ni ugi Matatiya, Sema, Anaya, Uriya, Hilkiya, Maseya kay bikim ma njuffa, kay bikim ma gulna ni Pedaya, Misael, Malkiya, Hasum, Hasbadana, Zakari, Mekulam.

NEHEMI 8:7

Yesua, Bani, Serebiya, Yamin, Akub, Sabetay, Hodiya, Maseya, Kelita, Azariya, Yozabad, Hanan, Pelaya, suu Levina buɗ u magaara gaɗta ki maŋ suuna, suuna hin colira hu li namma u sesiya.

JEREMI 23:10

Hu mbassa suuna halaŋ mbuɗ ki suu li zoŋga, mbassa ka yoo taɗu kay dla cora oy ki huruɗu. Kaa ma ŋguy kadna hawaɗ ki wa. Asi ɓaɗ tasi kay a li dla cora, tasi tli feɗta kay dlara bay uɗta.

JEREMI 23:11

Suu jok vun Lona u muli suu li ɓivunna ki njenjee, ta ta hu ziinda lay. An fasi coosira kiyo. Di na ni Yawe.

JEREMI 23:14

Na may vo vi suu jok vun Lona suu Yerusalemma, an wi dlara ŋgolora ɦay. Asi hin tasi ki kay boy zoŋga, asi kakŋi duk dla cora. Asi njun ŋgolla ni u suu li dla cora hu li ma asi wi ana sa dew lay ka min a hin dla coomba kiɗi layna. Asi halaŋ mbuɗ ki irinni ko suu Sodomma na. Suu asina tli tasi ni ko suu Gomorna na.

EZEKIYEL 44:22

Asi ka ɗum boyogi suu njufuyusi miɗ kinaɗi, ka ɗum boyogi suu joki hin njufuyusi kinaɗi lay. Asi ɗummi gorɓii suu bay buu u sa njuf tuna, ni gorɓii suu Israelna may. Asi ndak a ɗum caŋ ndarasi mul ma li ɓivunna ma miɗ kina kama.

DLAŊ LEVIRA 21:7

Asi ka ɗum gora co uɗ ay ki voraɗi, ka ɗum gawlaŋgi lay, ka ɗum cara njufuɗ jogoɗ ay kiraɗi lay, kay mul ma li ɓivunna ɦal tammi maŋ Loomma.

Magaara Vi Sa Jok Vun Lona AGE 1:1

Hu basara mbara, hu til ma karkiyana, hu buu ma jewna hu cokira Dariyus a mulnara, Yawe ɓak boy mamma ay ki fun Age sa jokom vunumma, maŋ Zorobabel goŋ Salatiyelna mul ma hu mbassa Yudara, maŋ Josuwe goŋ Yosadakŋa mul ŋgol ma li ɓivunna.

Magaara Vi Sa Jok Vun Lona AGE 1:12

Na ɗaŋŋi Zorobabel ma goŋ Salatiyelna u Josuwe ma goŋ Yosadakŋa, mul ŋgol ma li ɓivunna u suuna halaŋ hum del Yawe Loosina, u boy ma Age ma jok vun Lona ko ndal vun sunda Yawe, Loosina, dambara na. Asi suuna hin li ndaana fok Yawe.

Magaara Vi Sa Jok Vun Lona AGE 2:4

Cecem wanda Yawe di ana Zorobabel so uŋ kiyo, so uŋ kiyo Josuwe, goŋ Yossadakŋa, mul ŋgol ma li ɓivunna, soogi ugi kiyo agi suu hu mbassa hiŋga halaŋ. Yawe di ana lagi sunda, kay an ka u agiya. Yawe, ma saɓakŋa kom belna, di na.

ZAKARI 3:1

Yawe takan mul ŋgol ma li ɓivunna, Josuwe, coli fok sa sunda vi Yawe. Satanna may ni coli kay bikim ma njufna a kaam boyna egemba.

ZAKARI 6:11

Aŋ tli doonora u lor min jumba mulla, tiniɗ kay yam Josuwe, goŋ Yossadakŋa, mul ŋgol ma li ɓivunna.

1 TIMOTE 3:11

Boyogosi mba lini boyogi suu ɗegeena ka suu ɦalinaɗi, asi mba doo tasiya ɗegee hu tlena bel.