1 Hu li ma Ezdras ka cen may hom u tiina kay suluk mamma kaŋga goɓi fun Ziŋ Lonara, suu Israelna tokira bolow cocoo. Njufiina u boyogiina kem gorira may tok tasi egem kay ana suuna tii u simina irisi cocoo.
Yawe hin dam ana, «An hum cenda u joɓpa aŋ joɓondawa. Zira aŋ miniɗ ndaɗta an mbuɗuɗ ki teteɗ wa, a sen hin yi ha huruɗ ni na gak gak. Irin u hurun halaŋ ka cuki kay Zi ndaɗta.
Lini dlara hahaw mba kami wa, gaɗta, duuna, mbogomma u may ŋgolla ni ami hin mba ni fun zi ndaɗta, ni ana mba ni fokoŋ aŋu. Kay aŋ tak taŋ ki wa. Hu yoo mamira ami yaŋ, aŋ mbay njunumiya. Aŋ may ni hin humumiya, hin suɗumi kiyo.
Ezdras col ki kolo hu li ma nam ay huna, irim ha fun Ziŋ Lonara na. Nam tuɗ ha hu goŋga vi Yohanan ma goŋ Eliyasibma na. Nam tew ha ki hu may ni ka min a ti mappaɗi lay, ci yoɗi lay, kay ana nam li ni doo dla cora vi suu yowosi ay ki mbaɓurana.
Ko humuŋ li tini ta, iriŋ li ki mali may a hum cenda vi saaŋ ma sundara. Hu li namma na ni an ka cen fokoŋ kay goryoŋ Israelna suu maŋsuu sunda ana, an hom ki ni kay suluk ma vi goryoŋ Israel ma ami lam egeŋŋa. An u suu vo vi bunna ami li suluku.
Na ɗaŋŋi Nehemi, mul ma ŋgolna, Ezdra, mul ma li ɓivun ma wi magaara gaɗta, u suu Levi suu buɗ u dlara ki suunana di suuna halaŋ ana, «Buu ma wanna hinim ki ni maŋ Yawe, Loogina. Lagi doonaɗi, tiirigiɗi.» Kay ana suuna hum boy ma hu magaara gaɗtana na ni, tii gaw gaw.
Lini agi ka humbi ni, an hin mbuɗ tan ki hahawra hu liinna, kay ana dla ndaɗta ndakan wa, irin hin tii simina, tiira, mbus ki u simina, yoori suu vi Yawena tuɗ ki ni hu daŋgayna.
An hin njay ŋgus mayra saara jivira u giyamba kaŋgara kay ziŋ Davidna u suu Yerusalemma. Na ɗaŋŋi asi hin golonu sa asi cokomma. Asi hin tiirim matam ko ndal goo ma dewna na. Asi hin tii kam ko suuna tii kay goo ma vuɗ jewna na.
Korniye hoŋom dira ana, «Buuna ki ca ni hindi faɗta ko wandara na, fiɗigi boyogina yow wa ma funa, an a cen Lona varan voo gol irinu ni, sana coli fokon u barawna weleɗ tamma wilik wilik.
Hu daɓpa vi buu ma kiɗisiya ma ami lam u asina ni, ami jak fok gak gak tuɗ koy mamira. Asi halaŋ tuɗ a tinimira, boyogina lay, gorkemba lay, gak gak tinimi ha ki doŋ kaana. Ami goɓomi kaŋga u vun givimi halaŋ doŋ lumma cenemi Lona.
Aŋ tok suuna ay na halaŋ halaŋ, njufiina, boyogina, kemba u ŋgayagi suu ka hu ɦoŋziiginana halaŋ. A asi huma, haɗ may, a asi hin li ndaa Yawe Loogina. Li u gaɗta ɓiiri ndaɗta halaŋ may.
Josuwe u suu ŋgolo suu Israelna haa barawi masisina kiyo, mba girif kaŋga fok Zandukka vi Yawera ta ta ɗik faɗta. Asi cuk buɗna kasi lay, kay dla mayra suuna suu ay kasi ndaɗta.