EZAYI 9:4 - Boy Lonana

⁴ Sem tuɓuru ma vi suu duuna ma soo ay kaŋga kiriɓ kiriɓma u baraw ma taɗ ay ga duk busunana hin ŋgal kiyo, asina hin hin ki ni a ti ma vi kurana.

EZAYI 9:4 ပူးပေါင်းရင်းမြစ်များ

EZAYI 14:25

An hin to zi ma Asirina ki hu mbas manda. An hin tayam ki ga u ɦini manda. Suu may suu ziirimma jug mamma hin tli ki kelesiya, nek mamba hin tli ki kasiya.»

JEREMI 30:8

Hu buu namma ni, Yawe, ma Saɓakŋa Kom Belna, di ana, an hin kusum mbal ma kelemma kiyo. An hin tlamma ki kelemu. An hin jaam gali ma semma kiyo. Nam hin ka loɓ tam u sunda fok suu daŋŋa oloɗi.

NAHUM 1:13

Cecem wanda an kusum guum ma gii deleŋŋa ki wa, an buɗuŋ zew mamma ki seŋ wa.

EZAYI 54:14

Aŋ hin kak eŋŋe va ma ŋgeneŋ kaɗi. Aŋ ka li ndaa ko suu babali maŋsina oloɗi, aŋ buɗ ki wa ko dlara laŋ ndaana, ndaɗ ka laŋ va oloɗi.

EZAYI 49:26

Suu lasaŋŋa an hin ɦasi tliwisi asi komomu, asi hin guruɗ u busuusi ko ndal suuna guruɗ u summa na. Suu warna halaŋ hin wi ki ana sa ma suɗuŋ kina ni an Yawe. Sa ma buɗun ay kina ni Lo ma vi Yakob ma Saɓakŋa Kom Belna.

DLAŊ LEVIRA 26:13

Anni Yawe, Loogina, ma suɗugi ay ki hu mbassa Egiptera kay a agi li a suu masi suu sunusina oloɗi. An kaagi jug ma kelegina ay ki ni anu, agi mbuɗ tuɗ yagi ki tlii kolo ni unu.»

URA TIN AYRA 27:40

Aŋ hin doo kay taŋŋi u ŋgew maŋŋa, aŋ hin lini sa sun wayaŋŋana. Lini aŋ tuɗ ki cow cow ni aŋ hin buɗ taŋ ki ko nekka vi wayaŋŋara.»

EZAYI 10:5

Hahawra kay suu Asirina, tokolo manda yara, tokolora koŋ ndaɗta ni hurum ma ɓeŋŋa.

SOOLLA 125:3

Ҥawaa, suu li dla cora ka ndak a ti mulla kay suu ɗegeenaɗi, suu ɗegeena ka kal tasi hu dlara ci maɗnaɗi lay.

EZAYI 51:13

Agi maa ki kay Yawe ma lagina gaw su? Nammi sa ma li huulonana lay, li ndaŋgara layna. Agi dlak ndaana hu buuna tew tew fok suu lasagina na ni kay mege? Agi gol ko asi saɓak coco a dikigi kira na ni amege? Cemi ni yaasi ndaɗta ni ara wan ologe?

EZAYI 47:6

An hurun ɓeŋ ay eg suu mansina, An mbuɗ suu mansina ki zolona. An hiniŋsina ki aŋ lasasiya. Aŋ wasi hahawasi ka na ndeɗi lay. Aŋ las suu maarina lay, golosi kaɗi.

SOOLLA 81:6

ni gaɗta nam tiniɗ ka kay Yoseffa. Hu li ma nam kal ay ki duk suu Egiptena. An ka hum della an ka waɗɗira, di ana,

EZAYI 9:5

Kay vuɗuygi gogoo maa ka dew. Goona ka dew ɦaygina aya, Lomoro ta mulla ay ɓali bikimu. Suuna hin njaɗ ha ki kay semu. «Ma jivi cocona, ma haɗ suuna, Lo ma saɓakŋa, Buy ma din dinna, mul ma heɓpa.»

EZAYI 16:4

Ko ŋgayagi suu Moab ma lakŋi varaŋ tani. Aŋ li ni a sa ma njun kasi ko suu babali masisina, gak gak hu li ma ciwayra daɓ kira, hu li ma suu las suuna seŋ tasina, hu li ma lassa ka hu mbassa oloɗina.

EZAYI 52:2

Col ki koloo, po gugumma ki egeŋu, Yerusalem aŋ buɗ ay ki hu daŋgayna wa, agi suu Yerusalemma halaŋ buɗugi ki wa.

JEREMI 48:17

Ҥaɗ yoo magira agi halaŋ, agi suu vok ziiɗna, suu ndaɗ minisi ɦayna dagi ana, ni nana asi ɓeŋ saɓak ma ŋgol coco namma ki may, saɓak ma jivi cocona lay ni ge.

EZAYI 10:16

Kay ndaɗta Bu Suuna Yawe, ma Saɓakŋa Kom Belna, hin mba tla cora kay suu ɗoorina, asi hin iɗ kiyo, yamba hin vi kura kasi ko kura ŋgalla na.