EZAYI 7:2 - Boy Lonana

² Asi jok boy namma ay maŋ Ahaz, njaf suu vi Davidna ana, «Mul ma Sirina u suu mam suu duuna ay ka hu mbassa vi Efrayimba.» Ahaz mbuɗ ki ndaana u suu mamsina halaŋ halaŋ. Asi mbuɗ dlak ko ndal hum ŋgusugina geŋeɗ ko semeɗnara na.

EZAYI 7:2 ပူးပေါင်းရင်းမြစ်များ

EZAYI 8:12

«Aŋ ka njaɗ ko suu hiŋŋa vi vunusi njaɗta naɗi, tlesuu asi lasi ndaarasina aŋ lasi ndaarasiɗi, taŋga lay ni li ndaaɗi.

EZAYI 7:13

Ezayi hin dam ana, Humugi haa, agi njaf ma vi Davidna. Agi gol ana agi loɓ suuna na ni irigi ni ew su? Agi min a loɓonni Loonna lay su?

EZAYI 9:9

Birikka cukki kaŋga wa, na may aygi hin min zina ni u gogoyra sasak. Ŋgus ndimma bow ki wa, aygi hin pi ni ŋgusu ma yam ana sedrena sak sak.

VUN ŊGOLNA 28:1

Suu dlasi cona yow piira, bay sa dikisi usi ha lay. Na may sa ma ɗegeena buuri ni ko goo dlona na, va ma ŋgenem kaɗi.

MATIYE 2:3

Mulna Herod hum na ni, vundikim ɓigim kay boy namma, u suu mamsina halaŋ.

Magaara Vi Sa Jok Vun Lona OZE 12:1

Efrayim ŋguyun ki u kaboyna, suu Israelna u dla cora may. Na may Yuda ka tuɗ u Lona tuwa, kaki u ɗegeera eg ma ki Teteɗna.

JEREMI 21:12

Suu vi Davidna, Yawe ɓak anaba, kaɓak ma ɗegeena maɗii hu buuna tew tew, buɗugi suu suu saɓakŋa lasasina kiyo. Li ka naɗi ni yaanda hin mba kagi ko ndal kura na. Ndaɗ hin ŋgal lina, sa ka ndak a caɗ kiɗi, ko dlaasira cora asi laɗta.

EZAYI 37:35

An hin njun kay ɦoŋzi namma suɗum kiyo, ni u min manda ni kay saan ma sunda David.»

EZAYI 37:27

Suu hu ɦoŋzi nammana ka saɓakgi. Asi ki mbuɗi maŋiya, ki ndaa cocoo, asi mbuɗ ni ko usu ma ŋgoo bagi hu senena ɦawa na, ko usu ŋgolomma na, asi ni ko tlesuu day kolo kay yam ziginina ɦawa na. Semeɗ ma siira soosi ki ni nam ɦawaa.

EZAYI 22:22

An hin gaɓam vun goŋga vi zi ma vi Davidna ni kelemu. Nam mal wa ni sa ma ndak a duguɗ kaɗi, nam duguɗ wa ni sa ma ndak a malaɗ ki kaɗi may.

EZAYI 11:13

Honira vi suu Efrayimma ka oloɗi. Suu babali suu vi Yudana hin daɓ kiyo. Efrayim ka li honi duk tasi u Yuda oloɗi, Yuda ka li honi u Efrayim oloɗi may.

EZAYI 7:17

Yawe hin mbaaraŋ lassa kaŋu, kay suu maŋsina u zi ma vi buŋŋa lay, las ndaɗta li ka yaɗ dew tuɗi ta ta hu li ma Efrayim ɓorow ay ki u Yuda dayna ni las ndaɗta li kaɗi. Las ndaɗta hin laɗ ni u mul ma Asirina.

EZAYI 6:13

Lini keŋ ma doogona vi mbas ndaɗta suɗ ko las ndaɗta lay ni, ŋguy masira mba kasi ni u kura may. Ni ko ndal suuna ka ɦoyna kira na, sariyam hin hin kaŋga ni nam hol kay sarina ni ii njaf ma teteɗna.»

SOOLLA 11:1

Soolla vi sa ma fok suu gi soollana, soolla vi David. Liin ma ŋgayra ni eg Yawe. Agi hin dan ana pii liŋŋa kolo kay ɦinira ko laygina na ni amege?

2 DLAŊ MULINARA 28:12

Muli suu ɦiw duk dee suu vi Efrayimma hurusi ɓeŋ ki eg suu ay duunana, suu asina ni Azariya, ma goŋ Yohanana, Berekiya ma goŋ Mesilemotna, Yehizkiya ma goŋ Salumma u Amassa ma goŋ Hadayna.

2 DLAŊ MULINARA 25:10

Amasiyas hin dik suu duu suu col ay hu mbassa Efrayim asina ana asi hoŋ voo. Suu asina hurusi ɓeŋ ki eg suu hu mulla Yudara cocoo. Asi hoŋ vo ni u huu ma yara.

1 MULINA 13:2

U boy ma Yawe dammana, nam sawalla kolo di ana, «Givin ma togolla, givin ma togolla Yawe di ay ana, gola goona hin vuɗ hu njaf ma vi Davidna, hin tinim sem ana Josiyas. Nam hin li ɓivunna ki kaŋ u muli suu ka li ɓivunna hu li ma teteɗna wanna, givin ma togolla ta asi ŋgal ɓivunna jew huna hin ŋgal sok suu warna ki huwa.»

1 MULINA 12:16

Hu li ma suu Israel suu ii mbayawna wi ana mulna humusi boy masina kaɗi ni, asi di ana, «Va ma ami a fam u Davidna ni mege? Jo ma ami a fam vi goryoŋ Jesena ni mege? Aygi suu Israelna, tuɗuygi hu mbutluɓ maygina. Aŋ njaf ma vi Davidna tuɗ fok u mul maŋga ɗaŋ.» Asi njay ki hin li namma ni na gaw.

1 MULINA 11:32

Njaf ma hin hin ka um dewna ni kay jivira vi saan ma sunda David, kay ɦoŋzi ma Yerusalem ma an manam ki duk ndarayamma na may.

2 SAMUEL 7:16

Fokoŋ wanni mul maŋga u ziiŋ lay hin li kakira na en, mul maŋga hin li saɓakŋa ni a fafaɗta.»

EZAYI 7:5

Ni kay ana suu Sirina, u Efrayim u goryoŋ Remaliyana, asi vi vunusi a laŋ dla cora egeŋu di ana,