EZAYI 66:4 - Boy Lonana

⁴ An may ni hin lasi dlara asi miniɗ ndaɗta may, an hin mbaarasi dla cora asi li ndaana koɗ ndaɗta kasiya. An yasiya sa humun ka dewɗi, an ɓakasiya, sa ma tin humum a hum kaɗi. Dlara an goloɗ irin cora asi manaɗ ni ndaɗu, ni dlara ka irin jiviɗira.

EZAYI 66:4 ပူးပေါင်းရင်းမြစ်များ

EZAYI 65:12

An may ni ndumugi halaŋŋi a ŋgaɗ kira, agi halaŋ hin goɓ vun givigi ga a ŋgaɗagi kira. An yagiya agi hum kaɗi, an njaɗ lay ni agi humun vunun kaɗi, agi li dlara ka irin jiviɗira, agi vi tagi ni eg dlara an ka miniɗɗira.

JEREMI 7:13

Doliɗi ni cecem wanda ko agi li dla co ndaɗta ki halaŋ lay ni, Yawe di na, an ɓakagi tew tew lay agi hum kaɗi ni, an yagi ni agi hoŋon dira kaɗi lay.

VUN ŊGOLNA 10:24

Va ma sa ma cona lam ndaaramma, va namma hin mbay kammi namu, va ma sa ma ɗegeena halamma ni hin ɦamma may.

VUN ŊGOLNA 1:24

Kay an yagiya, agi humun kaɗi, an feɗegegi ha lay ni, sa ma caa yam a golon kon kaɗi.

2 MULINA 21:6

Nam ŋgal gorom ma vuɗta ki duk kura. Nam li dlara mbuɗta u gi kumuna. Nam tuɗ fun suu joɓpa lay. Nam ɓeŋ huu Yawe ki u suluk ma ka gin a liɗina, li dlara ka irim jiviɗira.

2 MULINA 21:2

Nam li dlara ka ii Yawe jiviɗira. Nam li ni u dlara vi njaf suu may suu Yawe dikisisina ki fokosi asi suu Israelnana.

SOOLLA 81:12

Na may suu mansina humun delen kaɗi, suu Israelna ka mininɗi,

MATIYE 24:24

Suu ɦiw hin mba di ana, Anni Sa Lona Fuurumma. Anni sa jok vun Lonna. Ni kaboyna. Asi li dlara mbuɗta u takka ni ana lini asi fi voɗta ni, asi viɗ ii suu Lona manasi kina usiya.

EZAYI 65:3

Ni suu ka ɓalakan hurun tew tewna, asi li ɓivunna ha ki ŋgoo hu zi fulina, asi ŋgal mbul ma hisna ni kay givin ma togolla ma mini u birikka.

EZAYI 50:2

An mbay tani fi sa kaɗi ni nanage? An yi lay sa ka humunɗi ni nanage? An ka ndaki a buɗugi kiraɗi su? Saɓakan ka ndaki a suɗugiɗi su? Gola u saɓak manna an so mbo lumma kiyo, li ma mbona huna an mbuɗum ki mbassa. Kay mbo kaɗira kuluf ma goloŋŋa halaŋ miɗ kiyo.

1 SAMUEL 8:19

Na may ni suuna min ka hum vun Samuelɗi. Asi hoŋ dira ana, «Ҥawaa, ni mul ma ami minimma.

EZAYI 59:7

Sesi ɓaɗ ni kay dla cora, asi liŋŋi kay a vo busu suu li va kaɗina ki ɦawara. Saa masira ni saara li dla cora. Li ma asi jak huna balamasi ni tlena ɓalaki cocoo.

EZAYI 65:7

Coogira agi laɗta ura vi somoyogira lay di na ni Bu Suuna u tamba, suu may suu ŋgal mbul ma hisna ay kolo kay hinirana, suu mbuɗun sen ki zolona fok suunana, An hin vasi u sun masira asi laɗ ndaɗta ki halaŋ.

JEREMI 7:30

Suu Yudana li ni co mayra an ka miniɗɗira, Yawe di na. Asi cuk zozot masira hu zira ka ɓak ki u sen tew tewra a mbuɗuɗ ki njenjera.

JEREMI 35:17

Na ɗaŋŋi Yawe ma Saɓakŋa, Lona vi suu Israel, ɓak anaba, An hin mba dla cora ay kay suu Yudana u suu hu Yerusalemma u bolowoɗ halaŋ ta an vi kan a lasira egesira. Kay ana an ɓakasi cocoo asi humun kaɗi, an yasi coco lay asi hoŋ dira kaɗi lay.»

EZEKIYEL 11:8

Agi li ndaana ko ŋgewna cocoo, may an hin mbaaragi ŋgew namma ay kagiya, di ni Bu Suuna Yawe.

EZEKIYEL 14:4

Aŋ dasi ana, Bu Suuna Yawe, di ana, suu Israel suu ŋgay fuli masisina hurusi kurufuna, gi ki fokosi ni va ma daɓasi sesina ni va ma zuɗusi a li dla cora, hin mbay fok sa ma jok vun Lona. An, Yawe, hin hoŋosi dira ni u ndum fuli masi suu asi zulusi vo varasina may.

EZEKIYEL 20:25

Na ɗaŋŋi an ɦasi gaɗ mayra ka lasi jiviɗira ni u tanda, takasi ni ne mayra asi ka lak iiriɗira.

EZAYI 59:15

Dlara jivira halaŋ viɗ ki wa, sa ma min a li jivira ni suuna halaŋ tok kamu. Yawe di ana, dla cora li wanda ka irim jiviɗi.

EZAYI 65:2

Maɗii day ni an baa kon ki maliya, a yi suu may suu gonokka u anna, a yi suu may suu tuɗ hu voɗta cora. Suu ka zii saa masira corana.