EZAYI 61:2 - Boy Lonana

² Nam sunun ay a di ki kay basara oora vi Yawera. Ni buu ma sa sukulna vi Looygina. Ɗil ii suu ka li hahawrana.

EZAYI 61:2 ပူးပေါင်းရင်းမြစ်များ

MATIYE 5:4

Furira ka kay suu tii tasina, Lona hin ɗilisi irisiya.

EZAYI 34:8

Buu namma ii Yawe ni a buu ma sa sukulna. Ni basara nam a ŋgab dlara suu duu u nam hu Siyonna kira.

EZAYI 57:18

An wasi dlaasira asi laɗta, na may an garaɗasi ki wa, an ɗegeersiya, ɗilisi irisiya u suu ka tii dukusina halaŋ.

Boy Ma Ayra Ma LUK Ɓiirimma 4:19

Nam sunun ay a di ki kay basara Bu Suuna hin a tak jivi mamba ki ii suunara.»

1 TESALONIKŊA 2:16

Asi dooromi ana di boyna ki maŋ suu ka njaf suu Juifnaɗinaɗi. Kay a asi suɗ kiɗi, asi tuɗ fok u dla cora na ɗow yara vi Lona vasi wa.

JEREMI 31:13

Na ɗaŋŋi gorɓiina luu njoŋŋa, li furira, gor zoŋŋina lay, suu maarina lay. An mbuɗusi hahaw masira ki furira. An ɦasi saɓakŋa. An mbuɗ suu hurusi ki ɓeŋina li furira.

EZAYI 25:8

Nam hin doo miɗna ki a fafaɗta. Bu Suuna Yawe hin saɗ simi ma ii suunana kiyo. Hu mbassa halaŋ nam yow zolona ki kay suu mamsina. Yawe u tamba di na ni namu.

JEREMI 46:10

Na may buu namma Bu Suuna Yawe, ma Saɓakŋa Kom Belna, ni buu ma sa sugulna, sa sugulum u suu mam suu babilira. Ŋgewra ci suuna, hoɓ ki u asiya, guruɗ ki u busuɗusi lay. Ni buu ma furira vi Bu Suuna Yawe, ma Saɓakŋa Kom Belna, hu mbassa mbayawnara fun mbo lumma Efratna.

EZAYI 66:14

Agi hin wi na ni hurugi hin furi cocoo, sokogi hin mbuɗ eŋ coco ko usu ŋgolomma ɗuffa na. Yawe hin tak kom ii suu sunumma. Tak yaamba maŋ suu babali mamsina may.

EZAYI 49:8

Yawe di ana, hu li ma oora ni an humuŋ cen maŋga. Hu buu ma suɗta ni an mbay njun kaŋu. An goloŋ ŋgayaŋ ki vay daŋ zeɗ. Aŋŋi a galamba an vaɗ u suunara, a aŋ min yam mbassa halaŋ. A aŋ ɦal ɓorow ma vi njaf suu ay ki njayna may.

EZAYI 35:4

Dagi suu ɓik vun digisina ana, Lakagi saɓaki, laki ndaaɗi, gologiya, Loogina mba wa. Sa sugulna mba ni namu. Ni warak ma col ay vi Lonna Nam u tamba suɗugi kiyo.

Boy Ma Ayra Ma LUK Ɓiirimma 6:21

Furira ka kagi agi suu mayra cagi cecemma, agi hin fi ti ma ka daɓ kiɗina. Furira ka kagi agi suu tii cecemma, kayme agi hin mbuɗ sana.

2 KORINTNA 6:2

Lona di hu magaa mamba ana, «An humuŋ vunuŋ hu li ma jivi manda tak kina. An njunuŋ hu buu ma suɗta.» Cecemi lina ndak wa kay fi jivira vi Lonara, karamba ni buu ma sana ndak suɗ kina.

EZAYI 1:24

Kay ndaɗta Bu Suuna Yawe, ma Saɓakŋa Kom Belna, mul ma vi suu duuna, saɓakŋa vi suu Israelna di ana, Hahawra, an hin sa sukulna kay suu gonok mansina, sa sugulun u suu babali mansina.

EZAYI 2:12

Kay ana buu ma vi Yawe, ma Saɓakŋa Kom Belna, hin mbaa, ni kay suu ka furiya, ŋga tasina u suu tli yasi kolona, suu asina halaŋ hin hoŋ ki dagani.

EZAYI 13:6

Saagi walla, yorogi tagiya, Buu ma vi Yawena hin tok. Ko ndal sa ma ɓalak lina col ay a ɓalakam kira na.

EZAYI 34:2

Kay Yawe hurum ɓeŋi eg njaf suuna halaŋ. Yaamba ni eg suu masi suu duuna halaŋ halaŋ. Nam casi ki bel bel, doorosi duu masina ki wa.

EZAYI 40:1

Ɗiligi irigiya, ɗil irigiya, suu mansina, Loogina di na.

EZAYI 58:5

Laa mayra an miniɗta li ni na su? Buu ma sana a hoŋ yam gana li ni ko ndaɗta na su? Ka ni ko ndal sana gi yam ga ko nekka camba ɦawa naɗi. Agi buu kay baraw bolna may, ga duk buɗna may ni laara gaw su? Ni a buu ma ii Yawe jivina gaw su?

EZAYI 60:10

Koyogina hin minigi gulumun magina ki kolo, muli masisina hin ɦagi tlesuu li ɓivunna ay lay. Kay hu li ma hurun ɓeŋŋa ni an cagiya, na may u oo manda may ni an min takagi ɗilira.

MISE 3:8

An doli ɗaŋŋi u heɓpa vi Musuk Yawera an oyra u saɓakŋa u ɗegeera u siɓpa a tak yara vi Yakobpa u suluk ma vi Israelna kiyo.

EZAYI 51:12

Anni sa ma njunugina. Agi li ndaa sa war ma miɗ kina ni kay mege? Goŋ Adamma ni ko ndal ɓo usuna ɦawa na.