EZAYI 57:7 - Boy Lonana

⁷ Agi taɓa kolo kay ɦinira fiyekka, min ziigi ma buuna ha ki huwa. Agi lagi ɓivunna ha ki kolo hu may.

EZAYI 57:7 ပူးပေါင်းရင်းမြစ်များ

EZEKIYEL 23:41

Ndak kak kay lay ma jivi ɦayna, tin taɓulla ki fokosiya, tinin mbitl manda his jivira ki fokosi u mbul man ma his jivina may.

EZEKIYEL 16:16

Ndak yow baraw mak ma ɦiw lam ki a ndal ta li ma mbuy kolona a goɓ Lona hura, li namma ndak mbuɗum ki a li ma li dlara zoŋga may. Ko dla ndaɗta mba liɗi, ka hin a li ha fok oloɗi lay.

JEREMI 2:20

Ay day day lay ni ndak kus gu ma kelekŋa kiyo, ja duk ɦoŋok ki u an di ana, An ka min a li mbaɓu oloɗi. Kolo kay ɦinira fiyekka, kaŋga u ŋgusu ma ɗufina ndak buu kaŋga li gawlaŋŋa.

EZEKIYEL 16:25

Keŋ voɗta halaŋŋi ndak mbu li ma jivina ki kolo dayna, ndak li dla cora ɓalak jiv makŋa ki wa. Ndak ɦal tak maŋ gegelay ma jak tuɗta voɗna, zul dla cora ha kak zuli na ɗow ɗow.

JEREMI 3:6

Hu cokira vi mulna Josiyasa, Yawe dan ana, aŋ wi dlara Israel ta gawlaŋga laɗta su? Ndaɗ mayra tuɗ ay kolo kay ɦinira fiyekka halaŋga ay kaŋga u ŋgusu ma ɗufina halaŋ a li gawlaŋŋara.

JEREMI 3:2

Tli irik kolo gol ha hu voɗta. Li ma ndak li gawlaŋ ka hurumbina ka ni wan su? Ndak kak kaŋga keŋ voɗta a juɓusira, ko ndal Arabma hu fullara na. Ndak mbuɗ ndaŋgara ki njenje u dla cookka u boy zoŋ makka wa.

EZEKIYEL 23:17

Suu Babilonna mba buu u ndaɗu, mbuɗuɗ ki njenjera u dlaasira cora. Hu li ma asi taɓ ki u ndaɗ nana ni asi mbuɗ ki iriɗ bisna. Ndaɗ ka minisi oloɗi.

EZAYI 57:3

Ҥuɗugi tagi ay tani agi goryoŋ suu li kumuna, agi njaf ma dalamba u suu gawlaŋina.

EZAYI 65:7

Coogira agi laɗta ura vi somoyogira lay di na ni Bu Suuna u tamba, suu may suu ŋgal mbul ma hisna ay kolo kay hinirana, suu mbuɗun sen ki zolona fok suunana, An hin vasi u sun masira asi laɗ ndaɗta ki halaŋ.

EZEKIYEL 16:24

Ndak min ziginina ay a li dlara zoŋga, mbu li ma kolo dayna kay a goɓ loogi suu ɦawana ki hu li ma tokka halaŋ.

EZEKIYEL 6:13

Ni agi hin wi ki ana, anni Yawe. Hu li ma maɗasi ka gira fun fuli masisina na sisi, ki ŋguy kay givin ma togolla masi na cutl. Kolo kay lii mbuyna, kolo kay yam ɦinira halaŋ, gii u ŋgusugi suu kutluɓ kutluɓma, gii hu liisi ma mini jivi ɦayna, ki hu li ma asi ŋgal mbul ma his jivina maŋ fuli masisinana lay.