EZAYI 57:4 - Boy Lonana

⁴ Agi a panagi ni gege? Agi ɗus irigi ni eg gege? Agi tanaɗ sinigi ni u gege? Ni ka agi gor suu yagi eŋŋaɗi su? Ni ka agi njaf suu kaboynaɗi su?

EZAYI 57:4 ပူးပေါင်းရင်းမြစ်များ

2 PIYER 2:13

Asi hin fi warakŋa u lassa kay coosira asi laɗta. Hurusi li ayra kay luu masi ma cona li dlara dawira ii suuna. Taɓpa asi taɓ u agi a ti funara ni va ma daɓ semma u va ma zolona kay asi li dlara ganyamba dukugiya.

EZAYI 1:4

Hahawra ka kay njaf suu co asina, suu may suu dlara vasina. Njaf suu li dla cora, gor suu mbuɗ dlara jivira ki dla corana. Asi noy Yawe kiyo, asi noy ma Teteɗ ma vi suu Israelna kiyo, asi hoŋ ki dagani, mbuɗ ŋgorosi mamu.

SOOLLA 35:21

Vunusi ki ŋgooyra na ɦoŋ kanu, asi di ana, «Ҥa! Ҥa! Irimi wam wa.»

KALKIRA 9:17

Aŋ so huruŋ gak gak ka min a hinin suu mansina tuɗɗi.

KOLOSNA 3:6

Kay cora ko wanni na ni yara vi Lona hin mba kay suu ka hum umbina.

EFESNA 5:6

Hin sa a ganagi yagi u boy ma ɦay ɦaynaɗi, yara vi Lonara hin mba kay suu ka hum umbina ni kay cora ko ndaɗta nara.

SUNDA 9:4

Nam ndi kaŋga na gokŋi hum della dam ana, «Sol, Sol, aŋ lasan na ni kay mege?»

Boy Ma Ayra Ma LUK Ɓiirimma 10:16

Yesu di suu haɗi mamsina olo ana, «Sa humugi vunugina, humun ni an may. Sa noyogi kina noyon ki ni an may. Sa noyon kina noy ki ni sa sunun ayna may.»

MATIYE 27:29

tin usi cil jumba mulla wayara, tinimba kamu, hin ɦam tokolora kom ma njufna. Asi goɓ kaŋga fokomu panam ana, «Gaŋ deɓpa, mulna vi suu Juifna.»

MATIYE 13:38

Senena ni hu duliyara halaŋ. Njaf ma jivina ni suu tin hurusi kay Mulla huulonara. Ciŋrira ni suuna vi Sa Cona.

Magaara Vi Sa Jok Vun Lona OZE 10:9

Ay hu buu ma vi Gibea na day ni ndak li suluku Israel, asi hin jok usi kaɗi. Duu ma kay suu ci maɗna na li ay ka ni Gibeaɗi su?

EZEKIYEL 2:4

Suu may suu yasi eŋŋa hurusi sooy coco lay. An min sunuŋ egesiya, aŋ tuɗ dasi ana, gola Bu Suuna, Yawe, ɓak ay na.

EZAYI 37:29

Aŋ li yara ni egen na ɗow, an humuŋ ŋgul maŋga ŋgulunda lay. Pan ma aŋ pananna cuk ha ki ciniŋu. An hin gaŋ walakka humuŋu, cukuŋ njamara funuŋ may. An hin hoŋoŋ ay hu voɗta aŋ mbay huruɗta.

EZAYI 37:23

Sa ma aŋ ŋgulum coco, panamma ni gege? Aŋ oo uŋ kolo na ni eg gege? Aŋ ŋga taŋ cocora na ni eg gege? Ni eg sa ma Teteɗ ma vi suu Israelna.

EZAYI 30:9

Asi ni suu babalira, ni gor suu ganyamba, asi ka min haɗta Yawe haɗasiraɗi.

EZAYI 30:1

Yawe di ana, hahawra ka kay gor suu li gonokka u anna. Asi vi vunusi kay dla mayra col ay ka konɗira. Taɓ vunusi kay dlara an ka miniɗira. Tok dla cora ha kay taɗ na ɗow ɗow.

EZAYI 10:15

Bu Suuna di ana, «Njetna ndak ŋga tam kay sa ma ka guuna u namma su? Siina ndak a ŋgaɗam kay sa ma ka wak guna u namma su? Ko ndal tokolora zuɗ sa ma ndaɗ ka wi komma ha a waɗta ni ndaɗ su? Njewɗekka ka zuɗ sa ma waɗ u ndaɗnaɗi lay.»

SOOLLA 69:12

An cuk baraw bolna tan li hahawra, an mbuɗ irisi ni a va ma njun njunda.

SOOLLA 22:17

Suu cona halaŋ ŋguyun yan kiyo, asi ci tasi ay kan ko diginina na. Asi dakan kon lay, dakan sen lay.

SOOLLA 22:13

Suu duuna suu ko bolo mbutlina nana ŋguyun wa, suu masisina kuluɓ ay kan ko mbutlugi suu ay Basanna na.

SOOLLA 22:7

Anu, anni njufulna ɦawaa, ka sa warɗi, suuna ŋgulun cocoo, noyon ki lay.

JOSUWE 10:21

Suu Israelna halaŋ hoŋ ay eg Josuwe hu Makeda ni u heɓpa sa ma a da vun na fe ni kaɗi.

NDUMBA 16:11

Kay ndaɗta aŋ u suu maŋ suu uŋŋa halaŋ taɓagi tagi a duu u Yawe, Aaron nammi ge ba agi a duu u nam mige?»

EZAYI 48:8

Gasi daŋ may agi humusi kaɗi. Gasi daŋ may agi ka wasiɗi. Gasi daŋ may ay jew day day humugi ay ka ki maliɗi. An wi ki gasi ana agi ni suu ŋgeŋŋa, ay hu sugi day suuna yagi ana suu ci maɗna.

EZAYI 57:5

Agi ŋgaagi fuli magisina duk gura girmindiŋga u bubura ŋgoo bagiya. Agi ŋgaɗagi goryogi ki fun mbo ŋgolona, u ɦinira lay.

2 DLAŊ MULINARA 36:16

Na may suu Israelna pan suu vun sunda, pan suu jok vun Lona lay, ka min a hum boy ma Yawe dammaɗi ta ta Yawe tak yaamba ki egesiya. Asi ka ndak a suɗ ki ko dlara oloɗi.

JEREMI 20:8

Tew tew hu li ma an min a ɓak boyna wanni, an yi kolo u delen eŋga ana, mbay njununu. «Yara egen lay, lassa kan lay,» Kay boy ma vi Yawena an mbuɗ ki va lassa hu buuna tew tew lay, ŋgulun lay, panan lay.